قصور (بیورو رپورٹ) سنی عالم دین کے قتل کا معمہ، پولیس نامزد ملزمان کیساتھ ساز باز، لوگوں کا روڈ بلاک کرکے شدید احتجاج، ملزمان گر فتار نہ کر نے پر مذہبی جماعتوں کا پنجاب اسمبلی کے سامنے احتجاج کا اعلان،دیپالپور روڈ پر ٹریفک جام ۔تفصیلات کیمطابق قصور کے نواحی علاقہ الہ آباد کے خطیب سنی عالم دین قاری مختار احمد نوری کو اصغر اور اسکے ساتھیوں نے ذاتی رنجش پر تشدد کر کے قتل کر دیا تھا ۔جس بابت تھانہ الہ آباد تھانہ میں مقدمہ نمبر753/16درج کیاگیا مگر آج تک پولیس اصل ملزمان کو گر فتار نہ کر سکی ہے۔جس پر کُھڈیاں کے رھائشی قاری مختار احمد مقتول کے اہل خانہ و اہل محلہ کے لوگوں کی کثیر تعداد آج سٹرکوں پر نکل آئی اور دیپالپور روڈ کو ٹائر جلا کر بلاک کر دیا ۔ لوگوں نے پولیس کیخلاف شدید نعرے بازی کی اور تاحال روڈ بلاک کر کہ شدید احتجاج کر رہے ہیں۔ لوگوں کے احتجاج کے باعث روڈ پر گاڑیوں کی لمبی لمبی قطاریں لگ گئی ہیں جب کہ پولیس کی طرف سے کوئی بھی اہلکار یا آفیسر ابھی تک موقع پر نہ پہنچا ہے۔دریں اثناء پولیس کء ذرائع کے مطابق نام ظاہر نہ کر نے کی شر ط پر ایک اہلکار نے بتایا کہ یہ معاملہ ڈی پی او سید علی ناصر رضوی کی وجہ سے التوا ء میں ہے ملزمان پولیس نے پکڑے ہوئے ہیں مگر انکی گر فتاری سیاسی دباؤ اور پولیس کی رشوت کے باعث ابھی نہیں ڈالی جا رہی ۔ چند دن بعد معاملات ٹھنڈے ہو نے پر ملزمان کو چھوڑ دیا جائے گا۔جبکہ اہل خانہ اور جماعت اہلسنت پاکستان کی تمام تنظیموں نے یہ اعلان کیا ہے کہ اگر دو دن کے اندر ملزمان گر فتار نہ کئے گئے تو ہم پنجاب اسمبلی کے سامنے احتجاج کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) ڈی پی او کاحکم، ایس ایچ او تھانہ سٹی اے ڈویثرن محمداشفاق کاظمی کی تاجران سے ملاقات، بازاروں میں سی سی ٹی وی کیمرے اور سیکورٹی گارڈز رکھے جائیں، پولیس کی طرف سے گشت بھی کیا جائے گا،ڈی پی او کا پیغام پہنچایا، تفصیلات کے مطابق ایس ایچ او تھانہ ایس ایچ او تھانہ سٹی اے ڈویثرن محمداشفاق کاظمی نے تاجران کے ساتھ میٹنگ کی، میٹنگ میں تاجروں کے نمائندوں نے شرکت کی، اجلاس میں بازاروں کی سیکورٹی کے بارے میں تفصیلی گفتگو کی گئی، انجمن تاجران نے یقین دھانی کروائی کہ بازار میں سی سی ٹی وی کیمرے اور سیکورٹی گارڈز کا جلد ہی انتظام کر لیا جائے گا، ایس ایچ او تھانہ سٹی اے ڈویثرن محمداشفاق کاظمی نے کہا کہ نے کہا کہ چند روز قبل ہونے والی چوری و ڈکیتی کی وارداتیں ٹریس کرنے کیلئے ڈی پی او قصور سید علی ناصر رضوی کی طرف سے تین ٹیمیں تشکیل دی ہیں جو دن رات محنت کر رہی ہیں ملزمان کو جلد ہی گرفتار کرکے کیفر کردار تک پہنچایا جائے گا، جبکہ تاجروں کے جان و مال کی حفاظت کو یقینی بنانے کیلئے بازار میں پولیس گشت لگا دیا گیا ہے، رات اور دن کے وقت گشت کرنے والی پولیس پارٹیاں بازار میں بھی گشت کیا کریں گے، ہم تاجروں کے تعاون سے قصور شہر کو امن کا گہوارہ بنائیں گے اور تاجروں کے تحفظ کو یقینی بنانے کیلئے ہر ممکن اقدامات کئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) شہر میں پانی ملے دودھ کی فروخت عروج پر پہنچ گئی۔ گوالے دیدہ دلیری سے شہرمیں غیرمعیاری ناقص کمیکل ملا دودھ لارہے ہیں جس سے اکثرلوگ معدہ اورچھاتی کی بیماریوں میں مبتلاہورہے ہیں ۔عرصہ سے سیمپلوں کاسلسلہ بھی بندہے ۔گوالوں نے من مرضی شروع کردی ۔ریٹ میں بھی اضافہ قصورکے شہریوں چوہدری سعید، عامرعلی،علی احمد،ذیشان علی،ارشادعلی نے بتایاکہ شہرکے چاروں اطراف سے دودھ سینکڑوں من داخل ہوتاہے جواکثرگوالے موٹرسائیکلوں کے ذریعے لیکر آتے ہین مگراس کے معیارپرنظرڈالی جائے تو مضرصحت دودھ میں کیمیکل بھی ملایاجاتاہے اوریہ پاؤڈرلاہورسے منگوایاجاتاہے جوعام پانی میں ڈالنے سے دودھ کی شکل اختیارکرلیتاہے اورخوشبو بھی پیداہوجاتی ہے۔ جوانسانی صحت کیلئے مضرہے جبکہ دوسری طرف نہروں اورندی نالوں اورٹیوب ویلوں سے گنداپانی دودھ میں ملایاجاتاہے جس سے شہرمیں پیٹ کی بیماریوں پیداہورہی ہیں اوپر سے پانی خراب ہونے سے اس کے اثرات زیادہ مرتب ہورہے ہیں ضلعی انتظامیہ کے ترجمان نے بتایاکہ محکمہ فوڈاورصحت کے متعلقہ ہے وہ سیمپل حاصل کرکے چالان کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)دیہاتی مرکز صحت کھارا میں 9سال تک اپنے فرائض ادا کرنے والی مسز نسیم فردوش ریٹائرڈ، اہلیان کھارا کی طرف سے تقریب کا اہتمام، نو سال تک خدمات انجام دینے پر خراج تحسین، تفصیلات کے مطابق 1977کو محکمہ صحت میں بھرتی ہونے والی مسز نسیم فردوس دیہاتی مرکز صحت کھارا میں 2007سے2016تک ڈیوٹی انجام دیتی رہی ہیں، گزشتہ روز ان کی ریٹائرمنٹ پر اہلیان کھارا کی تقریب سے ایک تقریب کا اہتمام کیا گیا، جس میں سعید احمد بھٹی، ماسٹر نبی احمد خاں، چوہدری مظفر الیاس، چوہدری غلام رسول، میڈیم راحیلہ، مسز تبسم ظفر، سیاسی و سماجی جماعتوں کے نمائندوں، صحافیوں اور خواتین کی بڑی تعداد نے شرکت کی، انہوں نے کہا کہ مسز نسیم فردوس نے عرصہ نو سال تک اہلیان کھارا کی جس طرح خدمت کی ہے اس کی ماضی میں مثال نہیں ملتی، ہمیں ان کی کمی ہمیشہ محسوس ہوتی رہے گی، انہوں نے اپنے ڈیوٹی عبادت سمجھ کر ادا کی ہم انہیں خراج تحسین پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)تلاش ورثان ، چوکی صواآصل تھانہ کاہنہ سے نوجوان کی لاش ملی ہے ، ورثان کی تلاش ہے ،چوکی انچارج رحمت علی اسسٹنٹ سب انسپکٹر کی میڈیا سے اپیل ، تفصیلات کے مطابق ایک لاش رنگ سانوالہ جسم پتلاء قد 5فٹ شلوار قمیض مٹیالا رنگ چپل سیاہ 30/10/16فصل مونجی موضع گلوہڑہ سے ملی ہے ، چوکی انچارج صواآصل چوہدری رحمت علی اسسٹنٹ سب انسپکٹرنے بتایا کہ اس لاش کے وارثان کی تلاش ہے ، لواحقین اس نمبر پررابطہ کریں ،03217956365
الخدمت فاؤنڈیشن کے رضاکار پروگرام کے تحت ہونے والی یوتھ گیدرنگ کی تیاریوں کے حوالے سے اجلاس منعقد
اولیاء اللہ سے محبت دنیا و آخرت کا بہترین سرمایہ ہے: صوفی مسعود احمد صدیقی