قصور (بیورورپورٹ) تھانہ صدر قصور پولیس نے ڈی پی اوقصور سید علی ناصررضوی کی خصوصی ہدایات پر کاروائی کرتے ہوئے ڈکیتی ،رابری ،موٹرسائیکل چھیننے اور اسلحہ ناجائز کی 13سے زائد وارداتوں میں ملوث خطرنا ک ڈکیت گینگ احمد یار عرف یارو کے تین ارکان سرغنہ احمد یار عرف یارو ،ذوالفقار عرف دلا اور محمد حسین کو گرفتار کر کے ملزمان کے قبضہ سے اسلحہ ناجائز تین عدد بندوق ،مال مسروقہ 15عدد موبائل فون ،7عدد موٹرسائیکل ،نقدی ایک لاکھ 50ہزارروپے اور دیگر قیمتی سامان کل مالیتی6لاکھ روپے مالیت کا مال مسروقہ برآمد کرلیا ہے ان خیالات کا اظہار ایس پی انویسٹی گیشن ملک مشتاق احمد اعوان نے گزشتہ روز پریس کانفرنس کرتے ہوئے کیا ۔ایس پی انویسٹی گیشن نے مزید تفصیلات بتاتے ہوئے کہا کہ شہر قصور اور اس سے ملحقہ دیہات کو جانے والے راستوں پررات کے پچھلے پہر موٹر سائیکل چھیننے کی وارداتوں کے پیش نظر ڈی پی اوقصور سید علی ناصر رضوی کی خصوصی ہدایات اور ڈی ایس پی صدر مرزا عارف رشید کی زیر نگرانی ایس ایچ صدر قصور انسپکٹر محمد یونس ،محمد شریف ASIاور دیگر ملازمان پر مشتمل ٹیم کو ملزمان کی گرفتاری اور موٹرسائیکلوں کی برآمدگی کا ٹاسک دیا گیا ۔ جو پولیس ٹیم نے سائنٹیفک بنیادوں ، پیشہ وارانہ صلاحیتوں کو بروئے کار لاتے ہوئے اور شب وروز کی محنت سے احمد یار عرف یارو گینگ کے تین ارکان کو گرفتار کرلیاہے۔ ملزمان کی نشاندہی پر اب تک7موٹر سائیکلیں برآمد ہوچکی ہیں۔دوران انٹیروگیشن ملزمان نے ضلع قصور میں موٹرسائیکل چھیننے کی متعدد وارداتوں کا انکشاف کیا ہے۔ملزمان سے انٹیروگیشن ابھی جاری ہے جن سے مزید برآمدگی کی بھی توقع ہے ۔بعدازاں ایس پی انویسٹی گیشن قصور ملک مشتا ق احمد اعوان نے برآمد ہونے والی7موٹرسائیکلیں مالکان کے حوالے بھی کیں ۔موٹرسائیکل مالکان ،شہر قصور کے تمام حلقوں اور مختلف مکاتب فکر کی معزز شخصیات نے قصور پولیس کی اعلیٰ کارکردگی کو سراہتے ہوئے قصور پولیس کو خراج تحسین پیش کیا جبکہ اچھی کارکردگی پر پولیس افسران و ملازمان میں تعریفی سرٹیفکیٹ اور نقدی انعامات کا اعلان بھی کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)ڈی پی او قصورسید علی نا صررضوی نے مقامی صحافیوں سے با ت چیت کر تے ہوئے بتلایا کہ اس سال عرس حضر ت با با کمال چشتیؒ پر ملکی حا لا ت کے پیش نظر انتہا ئی الر ٹ سکیو رٹی کے انتظا ما ت کئے گئے ہیں جس میں ممکنہ دہشت گردی ، جیب ترا شی ،واردات اور غیر اخلا قی حر کا ت سے نمپٹنے کے لیے کلو ز سر کٹ کیمر وں کا انتظا م کیاگیا ہے ۔ زا ئر یں کی ر ہنما ئی اور مدد کے لئے احا طہ دربا ر میں پولیس کیمپ لگایا گیاہے جس میں منی ہسپتال ،ایمبولینس، فا ئر بریگیڈ ،ٹی ایم اے کا عملہ ، وا پڈا کا عملہ ، کسی بھی ہنگامی حالات سے نمٹنے کے لیے موجود ہو گا۔علاوہ ازیں پولیس کیمپ میں سا ؤ نڈ سسٹم اور وائرلیس بیس سیٹ کا بھی انتظام کیا گیا ہے جس کے ذر یعے گمشدہ بچوں،دیگراشیا ء اور ضروری اعلانات کیے جا سکیں گے۔ اس سال زائر ین کی جا ن و مال کی حفا ظت اور لا ء اینڈ آرڈر صو ر تحال سے نمپٹنے کے لئے عرس حضرت با باکمال چشتی ؒ پر پولیس افسرا ن 01ایس پی ،03ڈی ایس پی ،9انسپکٹر ،19سب انسپکٹر ،76اسسٹنٹ سب انسپکٹر ،48ہیڈ کا نسٹیبل اور371کا نسٹیبلا ن اور30لیڈی کانسٹیبلا ن،69ایلیٹ اہلکار اور93پولیس قومی رضاکارکل 718افسران واہلکاران ڈیو ٹی سرانجام رہے ہیں جن کی 24گھنٹے ڈیو ٹی کی تین شفٹیں بنا ئی گئی ہیں۔علاوہ ازیں سکیوررٹی خدشات کے پیش نظر در با ر کے گردونواح میں12پکٹس لگائی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور ( بیورورپورٹ) ڈسٹرکٹ آفیسر لیبر اور لیبر انسپکٹر کی مشترکہ کاروائی کے دوران شہر اور گردونواح میں قائم درجنوں ورکشاپس اور دکانوں کوچائلڈ لیبر کی خلاف ورزی پر سیل کرکے چالان عدالت میں بھیج دئیے گئے ۔تفصیلات کے مطابق ڈی سی او قصور عمارہ خان کی خصوصی ہدایات کی روشنی میں DOلیبر چوہدری ارشد محمود تارڑکی زیر نگرانی قصور کے لیبر انسپکٹر سید تسنیم نواز نے چائلڈ لیبر ایکٹ کی خلاف ورزی کرنے والی ورکشاپس بلال آٹوز خان محل موڑ ،طاہر ہنڈا سروس کمال چشتی موڑ،عامر ڈینٹر موڑ خان محل ،مہر کار پینٹر دیپالپور روڈ اسم علی ہاشمی کمانی میکر لیاقت مارکیٹ ،جاوید خراد ورکس لیاقت مارکیٹ ،رانا موٹرز مصطفیٰ آباد ،شوکت ڈینٹرز ورکس مصطفیٰ آباد و دیگر درجنوں دکانوں کو سیل کرکے مالکان ے خلاف کاروائی شروع کردی ہے اور چالان لیبر کورٹ میں ارسال کردئیے ہیں ۔DOلیبر چوہدری ارشد محمود تارڑ نے میڈیہا کو بتایا کہ چائلڈ لیبر کا خاتمہ پنجاب حکومت کی اولین ترجیحات میں شامل ہے اور چائلڈ لیبر ایکٹ کی خلاف ورزی کرنے والے افراد کے خلاف بلاتفریق کاروائی کی جائیگی ۔انہوں نے لیبر انسپکٹر سید تسنیم نواز کی خدمات کو سراہتے ہوئے کہا کہ وہ ایک محنتی اور فرض شناس انسپکٹر ہونے کا ثبوت دیتے ہوئے گزشتہ ایک عرصہ سے اچھی کارکردگی کا مظاہرہ کررہے ہیں جو قابلِ تحسین ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)جاوید امجد سلیمی ایڈیشنل آئی جی پنجاب ہائی وے پٹرول پولیس کی ہدایت پر بابر بخت قریشی SSP/PHPلاہور ریجن کی زیر نگرانی حفیظ الرحمن DSP/PHPضلع قصور نے پٹرولنگ پوسٹ ہائے ضلع قصور کے تمام انچارج پوسٹ کو پوسٹ پر بطور انچارج ذمہ داریوں کے حوالے سے لیکچرز دئیے ۔جس میں انچارج پوسٹ کی پیشہ وارانہ صلاحیتوں پر بریفنگ دی گئی جس میں پوسٹ کے بیٹ ایریا ، بلڈنگ اور سازو سامان کی دیکھ بھال،فرنیچر ، تمام مشینری اور الیکٹریکل آرٹیکلزکی حفاظت اور دیکھ بھال، پوسٹ پر سہولیات کی فراہمی کا انتظام و انصرام،مقامی پولیس اور SHOتھانہ کے ساتھ رابطہ، تجاوزات کے خاتمے کے حوالے سے ریکارڈ کی ترتیب و ترسیل ، پوسٹ کی سرکاری گاڑی و موٹرسائیکل کی دیکھ بھال و مرمت،پوسٹ کییکارڈ کی بروقت تکمیل، پوسٹ کی صفائی اور سکیورٹی ، پوسٹ کو درکار سازو سامان کے لیے ڈیمانڈ تیار کرنا اور بھیجنا،بطور انچارج پوسٹ پر کھیلوں کا اہتمام ، پوسٹ کے تمام سٹور ہائے کی دیکھ بھال، اکاؤنٹس کے معاملات اوربل ہائے کی ادائیگی، روزانہ کی حاضری اور پریڈ ، وائرلیس عملہ کی حاضری اور کارکردگی پر بریفنگ دی گئی۔مزید برآں پوسٹ انچارجز کو ان ذمہ داریوں کی ادائیگی کے لیے پوسٹ پر ان کے ماتحت عملہ جس میں ایڈمن آفیسر، محرر پوسٹ اور میس سیکرٹری کی رہنمائی کے حوالہ سے تفصیلی بریفنگ کے ساتھSOP’sپر عملدرآمد کو یقینی بنانے کے بارے میں تفصیلی لیکچرز دیئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْقصور (بیورورپورٹ )قصور کے صحافیوں کا تعزیتی اجلاس ملک عارف کی زیر صدارت منعقد ہوا، اجلاس میں سنیئر صحافی تنویر شاہد کے بھائی کی وفات پر اظہار افسوس اورانکے مرحوم بھائی کیلئے دعائے مغفرت کی گئی، پاکستان میڈیا کونسل سٹی قصور کے صدر ملک عارف علی کی زیر صدارت تعزیتی اجلاس میں قصور سے نمائندگی کرنے والے متحرک اور ذمہ دار صحافیوں عطاء محمد قصوری صدر یونین آف جرنلسٹس پریس کلب قصور ،مہر عبدالرحمٰن ،عمران انصاری ،محمد احمد چوہدری ،سید ماجد علی شاہ ،ندیم اختر چوہدری ،ذیشان چوہدری جنرل سیکرٹری PMCسٹی قصور ودیگر صحافیوں کی بڑی تعداد نے گہرے دکھ کا اظہار کرتے ہوئے مرحوم کی مغفرت اور لواحقین کیلئے صبر کی دعا کی،اس موقع پر عمران شہزاد انصاری نے نعتیہ کلام پیش کرنے کے بعد مرحوم کی نیک و درویش صفت زندگی پر گہری روشنی ڈالتے ہوئے انکی خدمات کو سراہا اور انکے لواحقین کو صبر کی نصیحت کی ہے۔
ملک بھر کی طرح ضلع بھر کے مختلف شہریوں میں مجلس وحدت مسلسمین کی جانب سے احتجاجی مظاہرہ
سندھ میں آپریشن کا رکنا جرائم پیشہ افراد کی حوصلہ افزائی ہو گی، طاہر حسین سید