قصور (بیورورپورٹ) اے سی کیوں خراب ہیں میاں شہباز شریف ڈسٹرکٹ ہسپتال میں افسران پربرس پڑے،لاہور قصور میں فرق نہیں سمجھتا یہاں کے شہریوں کو ہرممکن سہولیات فراہم کرنے میں کوتاہی برداشت نہیں کی جائیگی ،مریضوں وزیراعلی پنجاب میاں شہباز شریف کو اپنے درمیان میں دیکھ کر خوش ہوگئے ،زکی برادرز کی اے سی کوچ میں ہسپتال پہنچنے پر انتظامیہ کی دوڑیں لگ گئیں، ڈی سی او قصور عمارہ خان ، ڈی پی او سیدعلی ناصر رضوی ، ایڈیشنل ڈسٹرکٹ کلکٹر قصور محمدشاہد چاک و چوبند نظرآئے اور دل میں دعائیں مانگتے رہے ,ہسپتال کی بلڈنگ اچھی ہے مگر اب سہولیات کا فقدان نظرن نہ آئے ، سٹریچر ٹھیک کروائے جائیں،انہیں بتایا گیا کہ لیڈی ہیلتھ ورکرز سخت پریشان ہیں ان کے پروگرام کی ڈسٹرکٹ انچارج ڈاکٹر سمرہ خرم کام نہیں کرتیں وہ اس سیٹ کے اہل نہیں جونےئر ہیں ،جس پر انہوں نے سیکرٹری ہیلتھ پنجاب سے رپورٹ طلب کرلی ،وزیراعلی پنجاب نے ایک گھنٹہ ہسپتال میں گزارا،اچھے انتظامات پر ڈی سی او عمارہ خان اور ایڈیشنل ایم ایس ڈاکٹر ضیاء الرحمن خالد کو شاباش دی، ڈی پی اوصاحب(سیدعلی ناصر رضوی) آپ بھی اپنا کام جاری رکھیں اور جرائم پیشہ افراد سے قصور ضلع کو پاک کریں،ڈسٹرکٹ قصور کے تمام حالات سے باخبر رہتا ہوں ، مسلم لیگی ورکرز صدر شعبہ خواتین میڈم صفیہ سعید کا حال چال پوچھا ، کارکنوں نے میاں شہباز شریف، وزیراعظم پاکستان میاں نوازشریف زندہ باد کے نعرے لگائے ۔دوسری جانب وزیراعلی پنجاب میاں شہباز شریف نے ریلوے اسٹیشن پرلگائے جانیوالے رمضان بازار میں انتظامیہ کی کارکردگی پراطمینان کا اظہار کیا ، اور اسسٹنٹ کمشنر قصور شاہ رخ نیازی کو شاباش دی اور لوگوں سے دستیاب سہولیات کی بابت دریافت کیا ،آخر میں انہون نے ایک بھٹہ وزٹ کیا اور کوئی چائلڈ لیبر نہ ہونے پر خوشی کا اظہار کیا اورڈی سی او عمارہ خان، ڈی پی او علی ناصر رضوی ، ایڈیشنل ڈسٹرکٹ کلکٹر محمدشاہد کی کارکردگی کوسراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)ڈی سی او قصور عمارہ خان اور ڈی پی او سید علی ناصر رضو ی کا اتوار کے روز سبزی و فروٹ منڈی کا دورہ ،پھلوں ، سبزیوں اور دیگر اشیائے خورونوش کی قیمتوں اور معیار کا جائزہ لیا ۔ ڈی سی او قصور عمارہ خان نے منڈی دورہ کے موقع پر پھلوں ، سبزیوں اور دیگر اشیاء کی قیمتوں اور معیار کا تفصیل سے جائزہ لیا اور آڑھتیوں کو ہدایت کی کہ رمضان المبارک میں عوام کو زیادہ سے زیادہ ریلیف دیں اور پھل ،سبزیوں اور دیگر اشیاء کو ضلعی حکومت کے مقرر کردہ ریٹس پر فروخت کو یقینی بنائیں ۔ انہوں نے منڈی میں آئے ہوئے صارفین سے نرخوں کے حوالے سے بھی دریافت کیا ۔ڈی سی او اور ڈی پی او نے متعلقہ افسران کو ہدایت کی کہ سبزیوں اور فروٹس وغیرہ میں صارفین کو زیادہ سے زیادہ ریلیف فراہم کرنے کیلئے بھرپور اقدامات کئے جائیں اور گرانفروشی ، ذخیرہ اندوزی کو کسی صورت برداشت نہیں کیا جائیگا ۔ انہوں نے منڈی میں سٹاف کی حاضری ، صفائی ستھرائی اور دیگر انتظامات کو بھی چیک کیا ۔ اس موقع پر انکے ہمراہ چیئر مین مارکیٹ کمیٹی ناصر محمود خاں ، سیکرٹری مارکیٹ کمیٹی محمد بلال بھٹی اور دیگر متعلقہ افسران بھی تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)سنی علماء کونسل و تنظیم السعید کے ضلعی صدر معروف عالمِ دین پیر عبدالحمید سعیدی نے کہا ہے کہ عالم اسلام کے مسائل کا حل انتہاپسندی ،دہشتگردی اور فرقہ وارانہ تشدد کے خاتمے سے ہی ممکن ہے۔ عالم اسلام کو جو خطرات بڑھ رہے ہیں ان کا مقابلہ باہمی اتحاد سے کیا جاسکتا ہے۔ باطل قوتیں شام ،عراق ،فلسطین ،یمن کی تباہی کے بعد اب پاکستان اورعالم عرب کے امن سے کھیلنا چاہتی ہیں۔ عالم اسلام کی سلامتی و استحکام کیلئے تمام اسلامی ممالک کو متحد ہونا ہوگا۔یہ بات انہوں نیپی ایف پی کے ایک نمائندہ وفد سے ملاقات میں کہی ۔ انہوں نے پاکستان فلاح پارٹی کی اے پی سی کو امن وامان کےء قیام اور اہلسنت کیلئے تازہ ہوا کاجھونکا قراردیتے ہوئے کہا کہ اسلام اورجہاد کے نام پر انتہاپسندی ،دہشتگردی پھیلانے والوں کیخلاف مسلم علماء اور مفکرین کو ہر سطح پر آواز بلند کرنی ہوگی۔لیبیا،شام،عراق میں بیرونی مداخلت کی وجہ سے عالم اسلام اضطرابی کیفیت میں ہے ، مسلم امہ کی نوجوان نسل کو گمراہ کرنے کیلئے مختلف فتنے ابھر رہے ہیں جو دہشتگردی ،انتہاپسندی اور فرقہ وارانہ تشدد کو پھیلانے کیلئے دین اسلام کا نام غلط استعمال کررہے ہیں۔انہوں نے پاکستان فلاح پارٹی کی اے پی سی میں شرکت کایقین دلایا اور کامیابی کیلئے دعاء خیر کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) مسلم لیگ ن شعبہ خواتین کی ضلعی صدر صفیہ سعید نے کہا ہے کہ رمضان بازار و ہسپتال میں وزیراعلی کی آمد شہریوں کیلئے سرپرائز ہے ، قصور سے میاں شہباز شریف کی محبت کسی سے پوشیدہ نہیں ہے وہ حقیقی محسنِ قصور ہیں انہوں نے وزیراعلی کی آمد کے بعد خواتین کے ہمراہ سیکورٹی ، امن و امان، صارفین کے لئے مہیا کی گئی سہولیات ، اشیاء کے معیار اور قیمتوں کے ساتھ ساتھ سستے رمضان بازاروں میں ناپ تول کے پیمانوں اور اشیاء کے نرخناموں کا جائزہ لیا ، اس موقع پر انہوں نے خریداری کے لئے آنے والے صارفین سے بھی بات چیت کی جنہوں نے حکومت پنجاب کی طرف سے ماہ رمضان کے دوران روزمرہ استعمال کی اشیاء کی سستے داموں دستیابی پر وزیر اعلی پنجاب محمد شہبا ز شریف کا شکریہ ادا کیا اور اشیاء کے معیار اور قیمتوں پر اپنے اطمینان کا اظہار کیا ۔میڈم صفیہ سعید نے اس موقع پر کہا کہ سستے رمضان بازار وں کی صورت میں شہریوں کو خصوصی ریلیف پیکج دیا گیا ہے جس سے وہ باآسانی ضروریات کی تمام اشیاء حاصل کر رہے ہیں۔ انہوں نے کہاکہ صوبائی کابینہ کے اراکین، اراکین اسمبلی اور انتظامیہ کے افسران سستے رمضان بازاروں کے دورے کرکے رعایتی نرخوں پراشیاء صرف کی فراہمی یقینی بنا رہے ہیں اور کسی قسم کی شکائیت پر ازالے کے لئے موقع پر افسران سے رابطہ کریں۔
کے ایم سی کی عدم توجہی شاہ فیصل کالونی فلائی اوور حادثے کا گڑھ بن گیا
واپڈا والے ماہ رمضان میں گرمی کی شدت کے باوجود شکایات پر کان نہیں دھرتے، احسن جاوید