قصور کی خبریں 29/5/2016

Kasur News

Kasur News

قصور (محمد عمران سلفی سے) ڈی پی او قصورسید علی ناصر رضوی کی زیر صدار ت گزشتہ روزضلع بھر میں امن وامان کی صورتحال کا جائزہ لینے کے حوالے سے امن کمیٹی کے ممبران کیساتھ اجلاس منعقد ہوا اجلاس میں حاجی محمد شفیع مغل،حافظ رشید احمد سنی، علی اقدس شمسی ،ملک نذیر احمد،سجاد احمد ایڈووکیٹ، حاجی شبیر احمد ،محمد اکرم مغل ،صابر علی شہزادہ ، آصف علی بھٹی ،شیخ شفیق ،مولوی عباد علی ،عبدالرشید اصغر ،مولانا محمد احمد برکاتی ،مولانا محمد علی ،مولانا ارشاد احمد ،میاں محمد یوسف ربانی ،سید ضیاء الحسن شمسی ،سید سجاد حسین بخاری ،حاجی محمد حنیف ،شیخ برحان الدین ،سید چراغ الحسن ،عبدالشکور بھٹی ،حیدر حسن جعفری ،علامہ عبدالرزاق علوی ،سید محمد سعید ،مولانا محمد حنیف ،قاری تاج محمد شاکر، قاری ابراہیم مفید ،محمد جمیل سعیدی ،محمد متقی جعفری، صبح صادق،شیخ محمد آصف صدر نیابازر قصو ر،آصف علی ہاشمی ریلوے روڈ،سید صفدر جرار،ڈاکٹر عبدالمجید ،محمد شاہد و دیگر معزز ممبران نے شرکت کی۔اس موقع پر ڈی ایس پی سٹی عبدالقیوم گوندل ،ڈی ایس پی ہیڈکوارٹر حسن دانیال بشیر اور انچارج سکیورٹی فیاض طاہر بھی موجود تھے ۔اجلاس کے دوران ڈسٹرکٹ پولیس آفیسر قصور سید علی ناصر رضوی نے خطاب کرتے ہوئے کہا کہ میں ضلع قصور کی عوام اور خاص طور پر امن کمیٹی کے ممبران کو خراج تحسین پیش کرتا ہوں جنہوں نے سابق روایا ت کے مطابق امن اور بھائی چارے کا ثبوت دیتے ہوئے ضلع قصور میں امن و امان برقرار رکھنے اور جرائم کی روک تھام کے سلسلہ میں پولیس کا ساتھ دیااس کے ساتھ ساتھ تما م انجمن تا جر ان ،انجمن شہریا ن ، ٹریڈیو نین ، وکلاء اور صحا فی بھا ئیو ں نے بھی مو ثر کر دا ر اداکیا ہے میں ان سب کا بھی بے حد مشکو ر ہو ں۔اجلاس کے دوران امن کمیٹی کے ممبران نے قصور پولیس کی کارکردگی پر اطمینان کا اظہار کیا اور رمضان المبارک کے دوران ہر طرح کی امداد اور پولیس پر اعتماد کا یقین بھی دلایا ۔اجلاس کے دوران امن کمیٹی کے ممبرا ن نے قصور پولیس کی خدمات کو سراہتے ہوئے کہا کہ قصور پولیس نے جرائم کی روک تھام اور امن و امان کی صورتحال کو برقرار رکھنے کیلئے بہترین حکمت عملی کو اپنایا ہے جرائم پیشہ افراد کو کیفر کردار تک پہنچانے سے نہ صرف جرائم کی شرح میں نمایاں کمی ہوئی بلکہ ضلع قصور کی عوام نے سکھ کا سانس بھی لیا ہے ۔ امن کمیٹی کے ممبران نے مزید کہا کہ قصور پولیس نے قانون کی بالا دستی کو قائم کیا ہے اور ڈی پی اوقصور سید علی ناصر رضوی اور انکیمحنتی ٹیم نے قصور کی عوام میں احساس پیدا کیا کہ کوئی شخص قانون سے بالا تر نہیں اور قانون کی نظر میں سب برابر ہیں۔ڈسٹرکٹ پولیس آفیسر سید علی ناصر رضوی نے امن کمیٹی کے ممبران کے جذبات کو سراہتے ہوئے کہا کہ ہم سب امن کے داعی ہیں امن کی خواہش رکھنا اور اس کیلئے عملی اقدامات کرنا ایک مثبت سوچ اور ایک نیک و اچھی نیت کی نشانی ہے قصور پولیس کا ایک ایک جوان خدمت خلق کے جذبہ سے سرشار ہے اور انشاء اللہ قصور پولیس عوام کی جان و مال اور عزت کی حفاظت کی خاطر خون کا آخری قطرہ تک بہا دے گی اور کسی بھی قربانی سے دریغ نہیں کرے گی ۔ڈی پی اوقصور نے ضلع بھر میں مذہبی ہم آہنگی ،امن و امان کی صورتحال کو برقرار رکھنے اورجرائم کی روک تھام کے سلسلہ میں پولیس کیساتھ شانہ بشانہ کھڑا ہونے پرامن کمیٹی کے ممبران میں شیلڈزاور تعریفی سرٹیفکیٹ تقسیم کیے۔ بعدازاں امن کمیٹی کے ممبران کو ظہرانہ بھی دیا گیا جس میں ڈی پی اوقصور سمیت دیگر پولیس افسران نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قصور(بیورورپورٹ)اے ایس آئی ناصر کی کرپشن کے خلاف اہلیان علاقہ ہلڑ کے پیمار سراپہ احتجاج، اہل علاقہ کی طرف سے رنگے ہاتھوں گرفتار کروائے جانے والے گدھوں کا گوشت بنا کر فروخت کرنے والوں پر اپنا مدعی کھڑا کرکے گدھے چوری کا مقدمہ درج کردیا،بعد ازاں ملزم رہا ہو گئے، ڈی پی او قصور سے فوری نوٹس لینے کا مطالبہ، تفصیلات کے مطابق تھانہ کوٹ رادھاکشن کے علاقہ ہلڑ کے پیمار کے رہائشیوں محمد شریف، دلدار علی، امجد علی، شمشاد،ناصر، احسان، عظیم، جعفر، سہیل، عاطف،اصغر، رضوان، الیاس، یار محمد، عمران ودیگر نے صحافیوں سے گفتگو کرتے ہوئے کہا کہ ہم نے مارچ2015کو گدھوں کا گوشت بنا کر فروخت کرنے والے افراد کو رنگے ہاتھوں گرفتار کرکے پولیس کے حوالے کیا، ناصر اے ایس آئی نے ملزمان کو گرفتار کرکے ان کے قبضہ سے گدھے کا گوشت، کھال اور ودیگر سامان قبضہ میں لے لیااور چار روز تک مقدمہ درج نہ کیا، اہلیان علاقہ کے اسرار پر اپنا ہی مدعی اصغر علی کو کھڑا کرکے حیدر علی، سردار علی مہنگا مسیح اور دو کس نا معلوم افراد کے خلاف مقدمہ نمبر81/15درج کیا، اور ملزمان سے چھ لاکھ روپے رشوت لیکر جیل بھیج دیا، جو چند روز بعد ہی رہا ہو گئے، اہل علاقہ کے مطابق اے ایس آئی ناصر نے ملزمان سے سازباز ہوکر معمولی مقدمہ درج کیا، اہل علاقہ کے مطابق مذکورہ اے ایس آئی عرصہ داراز سے اسی علاقہ میں تعینات ہے اور رشوت کا بازار گرم کر رکھا ہے، ہم آئی جی پنجاب، ڈی پی او قصور ودیگر اعلی حکام واقع کی انکوائری کرکے ملوث افراد کے خلاف سخت قانونی کاروائی کی جائے اور گدھوں کا گوشت فروخت کرنے والے افراد کو فوری گرفتارکیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)پولیس تھانہ بی ڈویژن نے دبئی پلٹ شہری کو گرفتار کرکے اس کی چھترول کرکے دس ہزار روپے لیکر چھوڑ دیا، تفصیلات کے مطابق پولیس تھانہ بے ڈویژن کے سب انسپکٹر عبدالغنی چار ملازمین کے ہمراہ دبئی پلٹ محمد وقار کو سیاسی مخالفین سے ساز باز ہو کر گرفتار کرلیا،رات کو چھترول کی اور 14گھنٹے بعدملزم کے بھائی محمد وقاص سے دس ہزار روپے رشوت لیکر چھوڑ دیا،محمد وقاص نے ڈی پی او قصور سے فوری نوٹس لینے کا مطالبہ کیا ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)کروڑوں روپے کی لاگت سے بنائے گئے واٹر سپلائی کے منصوبے کریشن کے نظر، چھ سال گزرنے کے باوجود اہلیان ہلڑکے پیمارپینے کے صاف پانی سے محروم، زیر زمین پانی انتہائی خطر ناک، اہل علاقہ دو سے تین کلو میٹر دورنہر کنارے سے پانی لانے پر مجبور، تفصیلات کے مطابق چھ سال قبل سات کروڑ کی لاگت سے بننے والے واٹر سپلائی کا منصوبہ کریشن کی نظر ہوگیا، اہل علاقہ کے مطابق منصوبہ مکمل ہونے کے بعد ایک بار پانی چھوڑا گیا تھا جس کی وجہ سے انتہائی ناقص میٹریل سے ڈالے گئے پائپ جگہ جگہ سے پھٹ اور کئی مقامات سے لیک ہو گئے تھے، ہم ن لیگی ایم این اے سلمان حنیف اور ایم پی اے انیس قریشی سے متعدد بار پینے کے صاف پانی کی فراہمی کا مطالبہ کر چکے ہیں لیکن آج تک واٹر سپلائی کا منصوبہ جوں کا توں ہے، اہل علاقہ کے مطابق ہر جگہ پانی کی ٹینکیاں زمین سے اوپر جبکہ ہمارے گائوں میں پانی کی ٹینکی زمین کے اندر بنائی گئی ہے، اہل علاقہ نے وزیر اعلی پنجاب سے فوری نوٹس لیتے ہوئے پینے کے صاف پانی کی فراہمی اور ناقص میٹریل کا استعمال کرنے والے ٹھیکیدارو ملوث افراد کے خلاف فوری کاروائی کا مطالبہ کیا ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) قصور اور اسکے گردونواح میں ٹریفک کے مختلف حادثات میں خاتون سمیت دو افراد جاں بحق ،تفصیلات کے مطابق کوٹ غلام محمد کا رہائشی عمر رسیدہ بزرگ نزیر احمد چوک قتل گڑھی کوٹ پیراں کے قریب گھر جانے کے لئے پید ل سڑک عبور کررہاتھا کہ تیز رفتار ٹرک نے ٹکر مار دی جس کے نتیجے میں 70 سالہ نزیر احمد شدید زخمی ہوگیااسے طبی امداد کے لئے ہسپتال لے جایا جا رہاتھا لیکن زخموںکی تاب نہ لاتے ہوئے راستے میں ہی دم توڑ گیا،ڈرائیور گاڑی چھوڑ کر موقع سے فرار ہوگیا،اچھرہ لاہور کا رہائشی محمد شریف اپنی اہلیہ کے ہمراہ موٹر سائیکل پر لاہور سے پتو کی جارہے تھے جب ملتان روڈ دیناناتھ کے قریب پہنچے تو پیچھے سے آنے والے آنے والے تیزرفتار ٹریکٹر ٹرالے نے ٹکر ماردی جس کے نتیجے میں محمد شریف اور اسکی اہلیہ منیراں بی بی شدید زخمی ہوگئے،انھیں طبی امداد کے لیے ہسپتال لے جایا جارہاتھا کہ زخموں کی تاب نہ لاتے ہوئے منیراں بی بی راستے میں ہی دم توڑ گئی،ڈرائیور موقع سے فرار ہوگیا ،پولیس مصروف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قصور(بیورورپورٹ) چوری اور ڈکیتی کی مختلف وارداتوں میں شہری نقدی،طلائی زیورات ،موبائل فون ،کیری ڈبہ اور دیگر قیمتی اشیاء سے محروم ہوگئے،تفصیلات کے مطابق تھانہ صدر پھولنگر کے علاقہ اولکھ میں دس نامعلوم ڈاکوئوں نے چوہدری غلام سرور کے ڈیرے میں داخل ہوکر ڈیرے میں موجود ملازمین کو اسلحے کے زور پر یرغمال بنالیا اور 160000 روپے ،موبائل فون اور ایک عدد بندوق چھین کر فرار ہوگئے،انہی ڈاکوئوں نے چوہدری حامد کے ڈیرے میں داخل ہوکر گن پوائنٹ پر 51000 روپے ،موبائل فون اور ایک رائفل چھین لی،چک نمبر 18 کا رہائشی سید فیصل کاظمی فیملی کے ہمراہ کیری ڈبے پر پکھو کی جارہاتھا کہ کندن موڑ کے قریب دو ڈاکوئوں نے زبردستی روک کر گن پوائنٹ پر 3000 روپے ،موبائل فون ،چھ تولے طلائی زیورات اور کیری ڈبہ چھین لیااور فرار ہوگئے،پولیس نے مقدمات درج کرکے تفتیش شروع کردی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قصور(بیورورپورٹ) کنگن پور کے نواح میں مخالفین نے پانی لگانے کے تنازعہ پر نوجوان کو فائرنگ کر کے قتل کردیا تفصیلات کے مطابق لولے جٹاں کا رہائشی محمد سلیم اپنے کھیتوں کو پانی لگا رہا تھا کہ مخالفین اصغر وغیرہ نے کہا کہ ہماری باری ہے جس پر جھگڑا ہوگیا تو ملزم اصغر نے اپنے دیگر ساتھیوں کے ہمراہ فائرنگ کر کے محمد سلیم کو قتل کردیا، تھانہ کنگن پور پولیس نے مقدمہ درج کر کے ملزمان کی گرفتاری کیلئے چھاپے مارنے شروع کردئیے ہیں،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قصور(بیورورپورٹ) نواحی گائوں کیلوں کے قریب کھیتوں سے نامعلوم خاتون کی لاش برآمد،پولیس ذرائع کے مطابق نامعلوم ملزمان نے خاتون کو قتل کرکے لاش کو کماد کی فصل میں پھینک دیااور فرارہوگئے،پولیس نے لاش کو اپنے قبضے میں لیکر کارروائی شروع کردی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قصور(بیورورپورٹ) تھانہ بی ڈویژن کے علاقہ بستی صابری میں دو متحارب گروپوں کے آپس میں تصادم کے نتیجے میں پانچ افراد شدید زخمی ہوگئے،تفصیلات کے مطابق بستی صابری کے رہائشی بشارت گروپ اور کاشف وغیرہ کا معمولی بات پر آپس میں جھگڑا ہوگیا،جس پر دونوں گروپوں نے ایک دوسرے پر ڈنڈوں اور سوٹوں کی بارش کردی،جس کے نتیجے میں بشار ت علی عرف شاکا،علی،شفیق ،شہادت علی،کاشف وغیرہ شدید زخمی ہوگئے،امداد ی عملے نے موقع پر پہنچ کرزخمیوں کو ڈسٹرکٹ ہسپتال منتقل کردیا،جہاں انھیں طبی امداد فراہم کی جارہی ہے۔پولیس تھانہ بی ڈویژن مصرو ف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قصور(بیورورپورٹ)شہر کے معروف سیاست دان اور تحریک انصاف کے سینئر رہنما سردار فاخرعلی کے والد سردار اصغر علی انتقال کرگئے،ان کی نماز جناز موضع کیسر گڑھ میں ادا کی گئی،جس میں رکن قومی و صوبائی اسمبلی ،وکلائ، صحافیوں اور شہریوںکی کثیر تعداد نے شرکت کی اور مرحوم کے اہل خانہ سے اظہار تعزیت کیا،

Kasur News

Kasur News

Kasur News

Kasur News

Kasur News

Kasur News