ٹیکسلا (ڈاکٹر سید صابر علی / تحصیل رپورٹر) تھانہ صدر واہ کینٹ کا جرائم پیشہ افراد کے خلاف کریک ڈاون جاری ،واہ کینٹ ٹیکسلا اور گردونواح میں چوری ڈکیتی ، راہزنی جیسی انتہائی سنگین وارداتوں میں ملوث ملزمان کی سی سی ٹی وی فوٹیج حاصل کر لی گئیں،شہریوں سے ملزمان کی شاخت کرنے کی استدعا،پولیس جرائم کے خاتمہ میںا پنا بھرپور کردار ادا کر رہی ہے جرائم کی بیخ کنی کے لئے شہریوں کا تعاون ناگزیر ہے،ایس ایچ او تھانہ صدر واہ کینٹ یاسر مطوب کیانی کی میڈیا سے گفتگو، تفصیلات کے مطابق پولیس نے جرائم پیشہ افراد کے گھیرا تنگ کرتے ہوئے تیکنیکی بنیادوں پر کام کا آغاز کردیا ہے،ایس ایچ او تھانہ صدر واہ کینٹ یاسر مطلوب کیا نی کے مطابق زیر نظر تصاویر انتہائی سنگین وارداتوں میں ملوث ملزمان کی ہے جو پولیس کو مطلوب ہیں،اس ضمن میں انھوں نے شہریوں سے اپیل کی ہے کہ انکی شناخت کی بابت اگر کسی کو کچھ معلومات ہوں تو وہ بلا جھجک میرے سرکاری موبائل نمبر0307-8883890 پر اطلاع کریں انکے نام مکمل صیغہ راز میں رکھے جائیں گے اور انھیں انعام سے نوازا جائے گا،ایس ایچ او یاسر کیانی کا کہنا تھا کہ پولیس شہریوں کے جان ومال کے تحفظ کو یقینی بنانے کے لئے اپنے فرائض منصبی احسن طریقے سے سر انجام دے رہی ہے، تاہم جرائم کی بیخ کنی کے لئے شہریوں کا تعاون ناگزیر ہے،مذکورہ ملزمان کی بابت بتایا جارہا ہے کہ یہ لوگ واہ کینٹ ٹیکسلا اور گردونواح کے علاقوں میں متعدد سنگین وراداتوں کا ارتکاب کر چکے ہیں ، پولیس نے انکی سی سی ٹی وی فوٹیج کے زریعے تصاویر کی اشاعت کو ممکن بنایا تاکہ ان جرائم پیشہ افراد کو قانون کے کٹہرے میں لاکر عوام میں موجود خوف وہراس کو ختم کیا جائے،ان کی بابت شہریوں کو کچھ بھی معلومات ہوں تو وہ میرے ذاتی استعمال میں موجود موبائل پر بغیر کسی خوف وخطر کے فوری اطلاع کرے ان کا نام مکمل صیغہ راز میں رکھا جائے گا،اور انھیں انعام سے نوازا جائے گا،سٹریٹ کرائم میں اضافہ کا بنیادی سبب عوام کی چشم پوشی ہے ،ایسے افراد کسی رو رعائت کے مستحق نہیں بلکہ معاشرے کے ناسور ہیں، جرائم کی بیخ کنی کے لئے شہریوں کو اپنا انفرادی اور اجتماعی کردار ادا کرنا ہوگا،تاکہ معاشرہ ان ناسوروں سے پاک ہو،ایس ایچ او تھانہ صدر واہ کینٹ اانسپکٹر یاسر مطلوب کیانی کا موبائل نمبر0307-8883890یہ ہے،جو انکے ذاتی استعمال میں ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا ( ڈاکٹر سید صابر علی سے) غریب رکشہ ڈرائیور کا سفاکانہ قتل، نامعلوم افراد نے ٹیکسلا سے حسن ابدال کے لئے رکشہ بک کرایا ویرانے میں جاکر چھریوں کے پے درپے وار کر کے رکشہ ڈارئیور کو موت کے گھاٹ اتار دیا، پولیس تھانہ صدر حسن ابدال نے بھائی کی مدعیت میں قتل کا مقدمہ درج کر کے تفتیش شروع کردی،تفصیلات کے مطابق گزشتہ روز رات کے وقت نامعلوم افراد نے ٹیکسلا سے حسن ابدال کے لئے رکشہ بک کرایا،جبکہ برہان کے پاس ویرانے میں جاکر رکشہ ڈرائیور محمد صدیق ولد محمد مسکین ساکن محلہ ملک آباد واہ کینٹ کو سفاکانہ انداز میں قتل کردیا، جبکہ نعش برہان پل کے قریب پھینک کر فرار ہوگئے، بتایا جاتا ہے کہ رکشہ ڈرائیور ملک آباد کی سیاسی شخصیت حاجی بشیر کا بھتیجا تھا، سنگدل افراد نے رکشہ ڈارئیور کو چھریوں کے پے در پے وار کر کے اسکی گردن ، ہاتھ پاوں کاٹ دیئے ،تاہم قتل کی اصل وجوہات معلوم نہ ہوسکیں،رکشہ ڈارئیور کی نعش برہان پل کے قریب ستے برآمد ہوئی،پولیس تھانہ صدر حسن ابدال نے مقتول محمد شفیق کے بھائی سعید اکبر کی مدعیت میں نامعلوم افراد کے خلاف قتل کا مقدمہ درج کرلیا، اور نعش ورثاء کے حوالے کردی، ملک آباد کے رہائشی غریب رکشہ ڈرائیور کا نماز جنازہ منگل کے روز ملک آباد میں ادا کیا گیا ، اور سینکڑوں سوگواران کی موجودگی میں ملک آباد کے قبرستان میں سپردخاک کردیا گیا،قتل کی لرزہ خیز واردا ت کے بعد علاقہ میں خوف کی فضا پھیل گئی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا ( ڈاکٹر سید صابر علی سے) زیلدار سید احسن رضا، زیلدار سید ظہیرالحسن شاہ کی جانب سے رومانیہ کے سفیراینڈ ڈین آف یورپ ایچ ای ایملن کے اعزاز میں الوداعی تقریب، تقریب میں ایمبیسڈر آف تونزیا،پرتغال، بوسنیا، سری لنکا، فرانس، ڈیفنس اتاشی آسٹریلیا،بنگلہ دیش، روس، جرمنی، و دیگر پندرہ سے زائد ممالک کے اتاشیوں نے بمعہ اہل خانہ شرکت کی، تقریب میں وجے ناتھی ڈی ایچ ایم سری لنکا،کرنل جی بی ڈیفنس ایڈوائزر فرانس،ڈاکٹر جمال ناصر، مصطفی نواز کھوکر،چوہدری مجید، ظفر بختاری،میاں عمران مسعود سابق وزیر پنجاب، ایس ایچ شیراز ڈائریکٹر آئی ایس آئی، میاں ناصر جنجوعہ ڈائریکٹر میڈ جیک، چوہدری شہزاد، فرح عظیم شاہ(گلوبل افئیر)سید جرار علی،حاجی محمد ضرار اعوان، حاجی محمد ایوب صراف، سید محسن رضا سمیت سول و فوجی اعلیٰ افسران سیکرٹریز صاحبان نے کثیر تعدا د میں شرکت کی تقریب کے میزبان زیلدار سید احسن رضا نے شرکاء کا شکریہ ادا کرتے ہوئے کہا کہ ہم پاکستان کادنیا میں سوفٹ امیج اجاگر کرنا چاہتے ہیں ، پاکستانی پر امن اور محبت کرنے والی قوم ہے، تقریب کے مہمان خصوصی ایمبسڈر آف رومانیہ اور ڈین آف یورپ ایچ ای ایملن نے کہا کہ پاکستانی قوم نہ صرف مہمان نواز ہے بلکہ محبت کرنے والی قوم ہے یہاں سے بہت سی خوبصورت یادیں لیکر جا رہا ہوں زیلدار ہائوس کی مہمان نوازی ہمیشہ یاد رہے گی،جنہوں نے متعدد مواقعوں پر ہماری مہمان نوازی کی ، قبل ازیں تقریب آمد پرزیلدار سید ظہیرالحسن شاہ اور مسلم لیگ (ن) کے راہنما سابق امیدوار برائے کینٹ بورڈ ٹیکسلا حاجی محمد ضرار اعوان نے مہمانوں کا استقبال کرتے رہے۔
فوجی گاڑی پر حملہ قابل مذمت ،اہلکاروں کی شہادت افسوسناک ہے، مفتی محمد نعیم
کشمیر کی جنگ پاکستان کی بقا کی جنگ ہے