خانیوال (راشد ملک) خانیوال شہر کو ماڈل سٹی بنایا جائے گا، منتخب نمائندے عوام کی آواز ہوتے ہیں عوام کے مسائل ان کی دہلیز پر حل ہوں گے انشاء اللہ، آواز فورم نے جس طرح مسائل کو اجاگر کیا ہے انشاء اللہ ان کا جلد ازالہ کر دیا جائیگا۔ ان خیالات کا اظہاروائس چیئر مین بلدیہ خانیوال رانا عبدالرحمن خاں نے شہری سہولیات کے مسائل اور نو منتخب نمائندوں سے بلدیاتی نظام پر ڈائیلاگ کے حوالے آواز پروگرام کے زیر اہتمام منقعدہ تقریب سے ڈسٹرکٹ پریس کلب میں خطاب کرتے ہوئے کیا۔انہوں نے کہاکہ خانیوال شہر میں ترقیاتی کاموں کا جال بچھا دیا جائیگا اور شہر کو ماڈل سٹی بنایا جائیگا ۔ شہر کی صورتحال بدلنا ایک شخص کے بس کی بات نہیں ہے اس کیلئے تمام شہریوں کو متحد ہوکر بلدیاتی نمائندوں کا ساتھ دینا ہوگا تاکہ شہرکو ماڈل سٹی بنانے آسان ہو ۔انہوں نے مزید کہاکہ کہ ہم پر امید ہیں کہ جتنے بھی عوامی مسائل ہیں ہم ان پر خصوصی توجہ دیں گے کیونکہ خانیوال میں پچھلے کئی سال کسی بھی ترقیاتی منصوبوں پر کوئی پیش رفت نہیں ہوئی ۔ ممبران ضلع کونسل بسم اللہ ارم و دیگر نے بتایا گیا کہ یہ کون سی سدی کا شہر ہے جس میں اب بھی سیورج نظام ہی موجود نہیں ہے اور شہر کے تمام بلاک میں اوپن نالی کا نظام چل رہا ہے اب تک ہمارے نمائندے اور ادارے خانیوال کی عوام کو سیوریج ،سڑک اور پینے کے صاف پانی جیسی بنیادی سہولیات بھی نہیں دے سکے۔اسی طرح اگر تعلیم اور صحت کی بات کی جائے تو یہ وہ واحد ضلع ہے جو صحت تعلیم کالج ، یونیورسٹی ، اور تمام بنیادی شہری سہولیات میں سب سے پیچھے ہے۔اس موقع پر سید حسین رضا ، بسم اللہ ارم طاہر نول، عبداللطیف انور ، ،تسلیم گلشن ، شفقت وسیم ، شبانہ عابد ،اکرم ہراج ، محمد اسلم میکن ،ندیم حمید عمرانہ ،عاصم نذیر بھٹی ،ملک اشفاق پرنس ،رانا شبیر کونسلر ، رانا منصور کونسلر اور دیگر بھی موجود تھے جنہوں نے وائس چیئرمین بلدیہ رانا عبدالرحمن خاں اور ان کی تمام ٹیم کو مبارک باد پیش کی اور بھرپور سپورٹ اور اپیل کی خانیوال کے مسائل پر خصوصی توجہ دیں ۔اس تقریب کا بنیادی مقصد خانیوال کے تمام سماجی و عوامی مسائل کو حل کرنا اور خانیوال کی عوام کو بہتر زندگی گزارنے کے لیئے مواقع فراہم کرنا ہے ۔آواز پروگرام ایک سماجی تبدیلی کا پروگرام ہے جو کہ ایک سماجی تحریک کی شکل اختیار کرتا چلا جا رہا ہے۔
۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔
خانیوال (راشد ملک) ن لیگ 2018میں بھی کلین سویپ کریگی ان خیالات کا اظہار رانا خالد علی تاج رہنما پاکستان مسلم لیگ نے میڈیا سے گفتگو کرتے ہوئے کیا انہوں نے کہاکہ مسلم لیگ ن الیکشن2018اپنی عملی کارکردگی پر کلین سویپ کرے گی وزیراعظم میاں نواز شریف کی قیادت میں ملک تعمیر وترقی کی راہ پر گامزن ہوچکا ہے جمہوریت مخالفت قوتیں اپنے مذموم عزائم کا میاب نہیں ہوں گی 2018تک ملک میں ترقی اور خوشحالی کے لئے نئے دور کا آغاز ہوگا انہوںنے کہاکہ مسلم لیگ ن کی بلدیاتی الیکشن میں واضح برتری میاں نواز شریف کی عوام میں مقبولیت کا ثبوت ہے اور حکومت کی طرف سے مثبت سیاست اور عوام دوست پالیسی جاری رہیں گی انہو ںنے کہاکہ مسلم لیگ ن نے اختیارات کو نچلی سطح تک منتقل کرکے یہ ثابت کردیا ہے کہ وہ حقیقی معنوں میں عوامی جماعت ہے۔
۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔
خانیوال (راشد ملک) لٹیرے حکمران جلد اپنے انجام کو پہنچ جائینگے ان خیالات کا اظہار سٹی صدر پاکستان تحریک انصاف ملک مبارک علی نے میڈیا سے گفتگو کرتے ہوئے کیا انہوں نے کہاکہ چیئرمین تحریک انصاف عمران خان کی مسلسل جدوجہد کے نتیجہ میں لوٹ مار کرنیوالے حکمران جلد اپنے انجام کو پہنچ جائیںگے انہوںنے کہاکہ حکمرانوں کے بچوں نے اپنے وکیل اکرم شیخ کو تبدیل کرکے اس مقدمہ کو طول دینے کی کوشش کی ہے حکمرانوں کو پتہ چل چکا ہے کہ ان کی چوری پکڑی جانے والی ہے ۔عمران خان نے جس بہادری دیدہ دلیری کے ساتھ حکمرانوں کے خلاف آواز بلند کی ہے اور ہر فورم پر حکمرانوں کی کرپشن سامنے لے کر آئے ہیں اس پر پاکستان کی قوم تحریک انصاف کے قائد کو خراج تحسین پیش کرتی ہے انشاء اللہ الیکشن 2018میں کرپٹ حکمرانوں سے عوام کی جان چھوٹ جائے گی اور نیا پاکستان عمران خان کی قیادت میں بن کر رہے گا۔
گورنمنٹ پوسٹ گریجوایٹ کالج برائے خواتین خانیوال میں شعبہ اُردو کے زیر اہتمام تقریری مقابلے کا انعقاد
سلیم شہید فٹبال کلب امرت نگر نے ینگ اتحاد فٹبال کلب بہاولپور کو ہرا کر فائنل جیت لیا