خانیوال: پولیس مقابلے میں اغوا کار ہلاک، 10 سالہ بچہ بازیاب

Posted on September 14, 2015 By Mohammad Waseem مقامی خبریں

خانیوال (جیوڈیسک) حویلی کورنگا کے قریب پولیس نے اطلاع ملنے پر اغوا کاروں کے اڈے پر چھاپہ مارا جس پر اغوا کاروں نے پولیس پارٹی پر فائرنگ کر دی۔

فائرنگ کی زد میں آ کر ایک کانسٹیبل زخمی ہو گیا۔ پولیس نے جوابی فائرنگ کر کے ایک اغواکار کو ہلاک کر دیا جبکہ چند دن قبل ملتان سے اغوا کئے گئے 10 سالہ بچہ رافع کو اغوا کاروں کے چنگل سے چھڑوا لیا۔

پولیس نے بچے کو اپنی تحویل میں لے لیا۔