کولمبو (جیوڈیسک) سری لنکا کے لیجنڈ کمارا سنگاکارا کرکٹ کی دنیا سے رخصت ہو گئے۔ ماسٹر بلے باز اپنی آخری اننگز میں اٹھارہ رنز بنا سکے۔
لیجنڈری کمارا سنگاکارا آخری مرتبہ بیٹنگ کے لئے میدان میں اترے تو ہزاروں شائقین نے کھڑے ہو کر عصر حاضر کے عظیم کرکٹر کا استقبال کیا۔ ماسٹر بلے باز نے اٹھارہ گیندوں پر اٹھارہ رنز بنائے۔ چند دلکش سٹروکس کھیلے اور پھر کرکٹ کے سین سے ہمیشہ کے لئے اوجھل ہو گئے۔
کمارا سنگاکارا نے ایک سو تینتیس ٹیسٹ میچز میں سری لنکا کی نمائندگی کی اور اڑتیس سینچریوں اور باون نصف سینچریوں کی مدد سے بارہ ہزار تین سو پچاس رنز سکور کئے۔
انہوں نے اپنا آخری ون ڈے میچ ورلڈ کپ میں جنوبی افریقہ کے خلاف سڈنی میں کھیلا۔ کرکٹ کے پنڈتوں نے سنگاکارا کو سچن ٹنڈولکر سے بڑا بلے باز قرار دیا۔
بھارت سے سیریز اب ممکن نہیں لگتی، چیئرمین بورڈ بھی ہمت ہار گئے
سلمان بٹ اور محمد آصف کی واپسی، انٹرنیشنل کرکٹ کونسل نے پی سی بی کو اختیار دیدیا