بچوں کی صحیح اسلامی روحانی تعلیم وتربیت بہترین صدقہ جاریہ ہے ۔صوفی مسعوداحمدصدیقی لاثانی سرکار
اچھی تربیت سے اخلاق وکردارکے ساتھ ایمان بھی مضبوط ہوتاہے۔ہفتہ وارروحانی تربیتی نشست سے خطاب
فیصل آباد : بچوں کی صحیح اسلامی روحانی تعلیم وتربیت بہترین صدقہ جاریہ ہے ،انسان کو مرنے کے بعد جس چیز کاسب سے زیادہ فائدہ پہنچتاہے وہ اس کی طرف سے کیاگیا صدقہ جاریہ ہے ،انسان کیلئے اپنے بچوںکوصحیح عقیدے کیساتھ ان کی تعلیم وتربیت دیناہی بہترین صدقہ جاریہ ہے،اچھی تربیت سے اخلاق وکردارکے ساتھ ایمان بھی مضبوط ہوتاہے۔ان خیالات کااظہار دورحاضرکے عظیم روحانی پیشواصوفی مسعوداحمدصدیقی لاثانی سرکارنے ہفتہ وارروحانی تربیتی نشست ومحفل پاک ذکرونعت سے خطاب کرتے ہوئے کیا۔انہوںنے مزید کہاکہ ہمارا ادارہ لاثانی نعت وکلام کونسل اس سلسلے میں گرانقدرخدمات سرانجام دے رہاہے ،اس اداے میں بچوںکوبچپن سے حسن قرات ،نعت خوانی ،مناقب اولیاسمیت مسنون قرآنی دعائیں،صوم وصلوٰة کی پابندی،ذکرودرودوسلام کی محافل کی تعلیم وتربیت دی جارہی ہے ،ہمارے ادارے سے فارغ التحصیل ہونیوالے بچے اوربچیاں نہ صرف اپنے والدین کی اطاعت وفرمانبرداری کافریضہ بطریق احسن سرانجام دے رہے ہیں بلکہ اپنے سکولز میںبھی نمایاں کامیابیاں حاصل کررہے ہیں۔بڑے ہوکریہ بچے اپنی دنیا وآخرت کوسنوارنے کیساتھ ساتھ ملک وملت کیلئے بھی اہم کرداراداکریںگے ۔انہوںنے مزید فرمایا کہ بسااوقات بچپن سے ہی بچوں کوجھوٹ ،گالم گلوچ،بہتان بازی سمیت دیگر غیر اخلاقی حرکات سیکھنے کو ملتی ہیں،والدین کو اس سلسلے میں اپنا کلیدی کرداراداکرناپڑیگا۔آج ہمارے معاشرے میں انہی غیر اخلاقی رویوںسے توہماری نسلیںتباہی وبربادی کاشکارہورہی ہے ۔جب ہم اپنے گھروںکوصحیح اسلامی روحانی ماحول میں سنواریں گے تو یقینا ہماری نسلیں بھی سنور جائیں گی،ہم اپنے بچوںکوفضول قسم کی سرگرمیوںسے بچاتے ہوئے انہیں اللہ ورسولۖ اوران کے محبوبوں ،حبیبوں کے ایمان افروزواقعات سنائیں تاکہ ان کے دلوںمیں اللہ ورسولۖ اوران کے محبوبوں کاعشق ومحبت پیداہواوروہ بڑے ہوکر سچے اورپکے مسلمان بنیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پیپلز پارٹی پی پی 69 کے رہنما رانا سیف خالد نے لاہور میں پارٹی کے رہنما بابر سہیل بٹ کے قتل کی شدید الفاظ میں مذمت کرتے ہوئے براہ راست جمہوریت پر حملہ قرار دیتے ہوئے کہاہے کہ حکومت جان بوجھ کر اشتعال انگیزی پھیلا رہی ہے اس طرح کسی بھی سیاسی پارٹی کے کارکن کاقتل دہشتگردی کے زمرے میں آتا ہے پارٹی نے جن لوگوں کو نامزد کیاہے اُنہیں فی الفور گرفتار کیا جائے اور ایس ایچ او مناواں کو معطل کرکے شامل تفتیش کیا جائے تاکہ لاہور میں جو کشید گی پائی جارہی ہے اس کا خاتمہ کیا جاسکے اُنہوںنے کہا کہ پاکستان کے 20کروڑ عوام جانتے ہیں کہ پیپلز پارٹی نے 5سال تک حکومت کی مگر کسی کو انتقام کا نشانہ نہیں بنایا مینا رپاکستان پر ٹینٹ ڈرامہ کیاگیا لیکن مگر ہم نے ان لوگوں کو کھلی چھوٹ دی مگر اپنی باری آئی تو یہ مخالفین کو براہ راست قتل کروارہے ہیںہم اس قسم کی غنڈہ گردی کو تسلیم نہیں کرتے میاں شہباز شریف ہمارے نامزد کردہ”مجرمان”کو فی الفور گرفتار کروائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پاکستان پیپلز پارٹی پی پی 67کے رہنما چوہدری نجف ضیاء وڑائچ نے لاہور میں پارٹی کے رہنما بابر سہیل بٹ کے قتل کو ریاستی دہشتگردی قرر دیتے ہوئے کہا ہے کہ اقتدار پر قابض مسلم لیگ ن نے جس قسم کی غنڈہ گردی شروع کررکھی ہے اس سے جمہوریت کو شدید ترین نقصانات پہنچنے کا احتمال ہے ،جن لوگوں نے یہ قبیع فعل کیا ان کی نشاندہی ہوچکی ہے جبکہ ایس ایچ او مناواں ذاتی طور پر اس میں ملوث ہے لہذا ہمارا مطالبہ ہے کہ جن لوگوں کو ہم نے نامزد کیا ہے انہیں اور متعلقہ پولیس افسر کو فی الفور گرفتار کیا جائے ،انہوںنے کہا کہ سیاست برداشت کا دوسرا نام ہے مگر موجودہ حکومت میں برداشت کی شدید ترین کمی ہے اور یہ لوگ مخالفین کو ٹھوڑا بہت نقصان پہنچانے کی بجائے سید ھا ” اوپر ” پہنچانے کی پالیسی پر عمل پیرا ہیںاور یہ پالیسی جمہوریت کو لے ڈوبے گی ،ہمارے قائد ین نے ہمیں ہمیشہ بردباری کا درس دیا ،ہم اپنوں اور مخالفین میں کوئی تمیز نہیں رکھتے یہی وجہ ہے کہ پیپلز پارٹی کے 5سالہ دور اقتدار میں نہ تو کوئی سیاسی قتل ہوا اور نہ ہی کوئی سیاسی قیدی تھا ہم مفاہمت کی پالیسی پر یقین رکھتے ہیں وزیر اعلیٰ پنجاب نے گزشتہ 4برسوں میں ماسوائے ہر بات کا نوٹس لینے کے اور کوئی کام نہیں کیا اور اب پھر انہوںنے ایک اور نوٹس لے لیا ہے مگر ہمیں ان کے نوٹس سے کوئی لینا دینا نہیں ہمارا مطالبہ ہے کہ جن لوگوں کو نامزد کیا گیا ہے ان کو گرفتار کرکے انسداد دہشت گردی ایکٹ کے تحت مقدمہ در ج کروایا جائے تاکہ پیپلز پارٹی کے جیالوں میں پائی جانیوالی بے چینی کا خاتمہ ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پاکستان تحریک انصاف کے سینئر نائب صدر رانا جاوید اشرف نے پارلیمنٹ کی لابی میں پیش آنیوالے واقعہ کی تحقیقات کیلئے بنائی جانیوالی کمیٹی کا فیصلہ سمجھ سے بالا تر ہے ،سی سی ٹی وی فوٹیج اور موبائل فونز سے بننے والی فلم میں صاف معلوم ہورہاہے کہ مراد سعید پر جاوید لطیف نے فقرے کسے اور انتہائی نازیبا الفاظ استعمال کئے جس پر اشتعال میں آکر مراد سعید نے ان کو مکارسید کیا مگر وہ مکا جاوید لطیف کو چھو بھی نہیں سکا اس کے باوجود کمیٹی نے دونوں کیخلاف سخت ایکشن لینے کا فیصلہ صادر کرکے ایک طرح سے دونوں کو قصوروار قرار دیا جوکہ انصاف نہیں ہے ،انہوںنے کہا کہ حقائق چھپ نہیں سکتے لہذا جو حقیقت ہے وہ سب کے سامنے ہے ،سی سی ٹی وی کیمرے پارلیمنٹ ہائوس کے سرکاری ہیں اس میں کسی قسم کا ردو بدل کوئی باہر کا بندہ نہیں کرسکتا اس لئے ہمارا مطالبہ ہے کہ فیصلہ حقائق کو مدنظر رکھ کر کیا جائے اگر غیر جانبدار انہ طریقے سے فیصلہ کیاجائے تو جاوید لطیف کو کسی صورت بھی پارلیمنٹ کا ممبر نہیںرہنا چاہیے جبکہ پوری ن لیگ کو مراد سعید سے معافی مانگنی چاہیے کیونکہ جس قسم کے الفاظ استعمال کئے گئے وہ ایک ایم این اے کے تصور نہیں ہوں گے بلکہ اس کی پوری سیاسی جماعت کو ملوث سمجھا جائے گا ،کمیٹی نے فیصلہ سناتے ہوئے تعصب کا مظاہر ہ کیا جو کہ نظر بھی آرہاہے اس لئے پارلیمانی کمیٹی اور اسپیکر ایاز صادق قطعی طور پر غیر جانبداری کا مظاہرہ کریں ،اگر ایک جھوٹ چھپانے کیلئے وزیر اطلاعات کو قربانی کا بکر ا بنایا جاسکتا ہے تو ایک سچائی کو دوام بخشنے کیلئے ایم این اے کی قربانی کیوں نہیں دی جاسکتی ،حکومت جلد فیصلہ کرے ورنہ تحریک انصاف خود راست اقدام پر ہوگی۔
تحریک انصاف شعبدہ بازی کی سیاست کر رہی ہے جس کا حقیقت سے کوئی تعلق نہیں ہے، رانا احمد سعید
کراچی کی خبریں 14/3/2017