مصطفی آباد/للیانی کی خبریں 1/3/2017

Lalyani

Lalyani

مصطفی آباد/للیانی (نامہ نگار) تھانہ مصطفی آباد میں مینول ایف آئی آر و روز نامچہ ختم، کمپیوٹرز اندراج شروع، پہلی FIRتنویر احمد اے ایس آئی پٹرولنگ چیک پوسٹ مصطفی آبادکی مدعیت میں ٹریکٹر ٹرالی چلانے والے کنگن پور کے رہائشی صابر کے خلاف درج ہوئی،تفصیلات کے مطابق تھانہ مصطفی آباد میں مینول ایف آئی آر اور مینول روز نامچہ کو ختم کرکے ان کی فرنٹ ڈیسک میں کمپیوٹرپر اندراج کا سلسلہ شروع کر دیا گیا،فرنٹ ڈیسک تھانہ کلچر میں تبدیلی کا اہم سنگ میل ہے، قیام پاکستان سے لیکر ابتک تھانہ کلچر میں مقدمات کا اندراج مینول ہی کیا جاتا تھا ، یکم مارچ2017سے مقدمات اور روز نامچہ کا اندراج کمپیوٹریزڈ کر دیا گیا ہے، تھانہ مصطفی آباد میں پہلی FIRتنویر احمد اے ایس آئی پٹرولنگ چیک پوسٹ مصطفی آبادکی مدعیت میںغفلت، لاپرواہی و تیز رفتاری سے ٹریکٹر ٹرالی چلانے والے کنگن پور کے رہائشی صابر کے خلاف درج ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)پولیس تھانہ مصطفی آباد نے 71مقدمات درج کرکے62 ملزمان کو جیل بھیج دیا،پولیس مقابلہ میں ڈاکو ہلاک، 12اشتہاری،13منشیات فروش، قمار باز ودیگر گرفتار،چار کلو چرس، 49لیٹر دیسی شراب، موٹر سائیکل و20لاکھ روپے کا مال مسروقہ بر آمد، تفصیلات کے مطابق ڈی پی او قصور سید علی ناصر رضوی کی خصوصی احکامات کی روشنی و ڈی ایس پی صدر سرکل مرزا عارف رشید کی زیر نگرانی ایس ایچ او تھانہ مصطفی آباد طارق بشیر چیمہ نے گزشتہ ایک ماہ کے دوران سماج دشمن عناصر کے خلاف کاروائی کرتے ہوئے خطر ناک اشتہاری ملزم رانا امتیاز عرف امتیازی کو پولیس مقابلہ میں ہلاک کرنے کے علاوہ، 12اشتہاری ،13منشیات فروش، قمار بازی ، ناجائز اسلحہ ودیگر جرائم میں ملوث افراد کے خلاف71مقدمات درج کرکے 62افراد کو گرفتار کرکے جیل بھیج دیا گیا، جبکہ 4کلو چرس، 49لیٹر دیسی شراب، موٹر سائیکل و 20لاکھ روپے مالیت کا مال مسروقہ بر آمد۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) بہترین رزلٹ پیش کرنے والاگورنمنٹ ہائی سکول سرہالی کلاں مسائل کا گڑھ بن گیا، سکول میں بچوں کے بیٹھنے کیلئے کمرے، لیب نہ ہونے کے برابر، سکول میں گندے پانی کی نکاسی نہ ہونے کی وجہ سے شدید مشکلات کا سامنا، تعلیم کے نعرے لگانے والے منتخب نمائندوں نے آنکھیں بند کر لی، اعلی حکام نوٹس لیں، مطالبہ، تفصیلات کے مطابق2016میں بہترین رزلٹ پیش کرنے والا گورنمنٹ ہائی سکول سرہالی کلاں مسائل کا گڑھ بن گیا، 300بچوں کیلئے لیب میں سہولیات نہ ہونے کے برابر، گائوں کا گندا اور بارشی پانی کھڑا ہونے کی وجہ سے سکول کاگرائونڈ جوہڑ میں تبدیل ہو چکا ہے، جس کی وجہ سے بچے مختلف بیماریوں کا شکار ہو رہے ہیں، سکول میں زیر تعلیم625 بچوں کیلئے صرف10کمرے، مزید 4کمروں کی اشد ضرورت،بچوں کھلے آسمان تلے تعلیم حاصل کرنے پر مجبور، اہلیان سرہالی کلاں بابا طارق مقبول جزل کونسلر، محمد امین جزل کونسلر، مطلوب احمد، طارق بشیر چیمہ، افتخار منشائ، ایوب ابراہیم ، محمد امین، اسلم مہتاب، حیدر علی، عبدالحمید، عمران اقبال، محمد سلیم ، مشتاق احمد ودیگر نے کہا کہ منتخب نمائندوں نے ہمارے سکول سے منہ موڑ لیا ہے، جس کی وجہ سے ضلعی انتظامیہ نے بھی سکول کو فنڈ نہ دینے کی قسم کھا رکھی ہے، ہم وزیر تعلیم و ڈپٹی کمشنر قصور سے سکول کو بنیادی سہولیات فراہم کرنے کا مطالبہ کرتے ہیں، بابا طارق مقبول جزل کونسلر، محمد امین جزل کونسلر نے کہا کہ سکول کو بنیادہ سہولیات فراہم نہ کرنے والے سیاستدانوں کی آئندہ الیکشن میں بھر پور مخالفت کریں گے اور مخالفت امیدوار کو کامیاب کروائیں گے۔

محمد عمران سلفی صدر پریس کلب مصطفی آباد للیانی رجسٹرڈ
0300-0334-7575126