مصطفی آباد/للیانی کی خبریں 31/10/2016

Lalyani

Lalyani

مصطفی آباد/للیانی (نامہ نگار) ایم این اے سلمان حنیف، ایم پی اے ندیم سیٹھی کی پریس کلب میں آمد،میڈیا ملک کا چوتھا ستون ، ملکی ترقی میں میڈیا کے کردار کو نظر انداز نہیں کیا جس سکتا،میڈیا نے جمہوریت کی آزادی کیلئے بے مثال قربانیاں پیش کی، تفصیلات کے مطابق ن لیگی ایم این اے چوہدری سلمان حنیف خاں، ایم پی اے محمد یعقوب ندیم سیٹھی، رانا منیر احمد ودیگر کی پریس کلب مصطفی آباد میں منعقدہ تقریب میں شرکت، چوہدری سلمان حنیف خاں ایم این اے ، محمد یعقوب ندیم سیٹھی ایم پی اے نے کہا کہ میڈیا کی آزادی نے ملکی ترقی میں اہم کردار ادا کیا ہے، میڈیا نے ہر دور کے جابرو ظالم حکمران کے سامنے کلمہ حق بلند کیا، جمہوریت کی آزادی کیلئے میڈیا کی قربانیوں کو نظر انداز نہیں کیا جا سکتا، انہوں نے پریس کلب مصطفی آباد للیانی(رجسٹرڈ) کی صحافی برادری کو عوامی مسائل اجاگر کرنے پر خراج تحسین پیش کیا، بعد ازاں چوہدری سلمان حنیف خاں نے نجی ٹی وی چینل کی پہلی سالگرہ کا کیک کاٹا، مقررین نے نجی ٹی وی چینل کی پہلی سالگرہ کے حوالے سے گفتگو کرتے ہوئے کہا کہ ہم ٹی وی چینل کی انتظامیہ اور ان کے نمائندگان کو پہلی سالگرہ پر مبارکباد پیش کرتے ہیں اور امید کرتے ہیں کہ حق و سچ کی آواز بلند کرنے کے سلسلہ میں جو اضافہ خوش آئندہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) صبح کے وقت تین دوکانوں میں ڈکیتی و چوری کی تین وارداتیں،دو نا معلوم ڈاکوبیکری سے ہزاروں روپے نقدی، میڈیکل سٹور اور شوز کی دوکان سے لاکھوں روپے مالیت کا سامان چوری کرکے فرار، تفصیلات کے مطابق گزشتہ رات و صبح کے وقت دو نا معلوم ڈاکو بیکری سے 50ہزار روپے نقدی، میڈیکل سٹور اور شوز کی دوکان سے لاکھوں روپے کا قیمتی سامان چوری کرکے فرار ہو گئے، ایک دوکان کے تالے توڑ کی کوشش، واقع کی اطلاع سن کر ڈی ایس پی صدر سرکل مرزا عارف رشید، ایس ایچ او تھانہ صدر یونس ڈوگر، ایس ایچ او تھانہ مصطفی آباد حاجی محمد اسلم موقع پر پہنچ گئے، تاجروں کو انصاف کی فراہمی و ڈاکوئوں کو کیفر کردار تک پہنچانے کی یقین دھانی۔

محمد عمران سلفی صدر پریس کلب مصطفی آباد للیانی رجسٹرڈ
0300-0334-7575126