لیہ کی خبریں 9/12/2016

Layyah

Layyah

لیہ : نزد بستی جیسل حاجی غلام عباس کے ڈیرے پر منعقدہ محفل میلاد مصطفی سے خطاب کرتے ہوئے علامہ عبدالعزیز طاہر سراجوی نے کہا ہے کہ سیرت رسول پرعمل کرنے سے ہی دنیا وآخرت میں سرخروئی ملے گی۔انہوںنے کہا کہ زندگی کے تمام شعبوںمیںکام کرنے والوں کے لیے سیرت مصطفی میں راہنمائی موجود ہے۔ہم اپنی ذاتی ،اجتماعی اورقومی زندگیوںمیں سیرت مصطفی پرعمل کریں توہمارے تمام مسائل حل ہوجائیں گے۔محفل میلادمصطفی میں زندگی کے مختلف شعبوں سے وابستہ افرادنے کثیرتعدادمیں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ : مسجد حمزہ جی ٹی ایس اڈہ میںماہانہ محفل میلادمصطفی وگیارھویں شریف آج رات بعد نمازعشاء منعقدہورہی ہے۔ جس میںصدرجماعت اہلسنت پاکستان تحصیل لیہ پروفیسرعلامہ احمدرضااعظمی خطاب کریں گے۔معروف نعت خواں بھی تشریف لارہے ہیں۔یہ بات حافظ عبدالحمیدچشتی امام مسجدھذانے بتائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ : فیس بک پرمیلادمصطفی منانے کے خلاف جاری مہم کے خلاف سخت نوٹس لیاجائے۔ان خیالات کااظہارثناء خوان مصطفی ،کالم نویس محمدصدیق پرہارنے میڈیاسے بات چیت کرتے ہوئے کیا۔انہوںنے کہا کہ سوشل میڈیاپر اہم صحابہ کرام، اولیاء کرام اوردیگربزرگان دین کاحوالہ دے کرعوام کوگمراہ کرنے کی کوشش کی جارہی ہے کہ ان میں سے کسی نے میلادنہیںمنایا۔حالانکہ نبی پاک کامیلادتوخوداللہ تعالیٰ نے منایا ہے۔انہوںنے کہا کہ فیس بک پرمیلادمصطفی منانے کے خلاف لکھ لکھ کرفرقہ واریت کوہوادی جارہی ہے۔انہوںنے حکومت پاکستان اورحکومت پنجاب سے مطالبہ کیا ہے کہ فیس بک پرمیلادمصطفی منانے کے خلاف جاری مہم کاسخت نوٹس لیتے ہوئے اس میںملوث عناصرکے خلاف سائبرکرائم ایکٹ کے تحت کارروائی کی جائے۔دریں اثناء صدرتنظیم آئمة المساجدجماعت اہلسنت لیہ شہرقاری محمدبنیامین چشتی نے کہا ہے کہ جومسلمان نبی کریم سے محبت کرتا ہے، وہ میلادرسول مناتا بھی ہے، خوش بھی ہوتا ہے اوراس میں شرکت بھی کرتا ہے۔انہوںنے کہا کہ نبی کریم نے ہمیںکفروشرک کے اندھیروںسے نکال کرایمان کی روشنی میںلاکھڑاکیا۔ہمیں بھی چاہیے کہ عقیدت واحترام کے ساتھ میلادمصطفی منائیں اوراس میں شرکت کریں۔انہوںنے کہا کہ سوشل میڈیاپر میلادمنانے کے خلاف لکھنے والے فساد چاہتے ہیں۔