لیہ:جامع مسجد اللہ والی نزد گیلانی منزل میں تنظیم آئمة المساجدجماعت اہلسنت کا اجلاس منعقدہوا۔ جس کی سرپرستی تنظیم کے سرپرست صاحبزادہ احمدحسن باروی نے کی۔اجلاس کی صدارت قاری محمدبنیامین چشتی نے کی۔تلاوت قرآن پاک کی سعادت قاری عبدالطیف باروی نے حاصل کی جبکہ نعت شریف پیش کرنے کی سعادت مولانامشتاق احمدنقشبندی نے حاصل کی۔ اجلاس میںکوئٹہ میں دہشت گردی کے واقعہ میں جاں بحق ہونے والوں کے حق میںم دعائے مغفرت اور زخمیوں کیلئے دعائے صحت کی گئی۔اجلاس میں کوئٹہ میں دہشت گردی کی مذمت کرتے ہوئے کہاگیا کہ دہشت گردی کے خاتمہ کیلئے ہرشخص کواپناکرداراداکرناہوگا۔اجلاس میں جشن آزادی پاکستان کے سلسلے میں خصوصی دعابھی کی گئی۔ جس میں ملک کی سلامتی، استحکام اورترقی کیلئے دعاکی گئی۔قیام پاکستان میں علماء اہلسنت کے کردارکوخراج تحسین پیش کیاگیا۔اجلاس میں اعلیٰ حضرت احمدرضاخان بریلوی اورعلماء اہلسنت کے مسلک اہلسنت کی ترویج واشاعت پربھی خراج تحسین پیش کیاگیا۔اجلاس میں حکومت پنجاب سے مطالبہ کیاگیا کہ دوسرے مسالک کی مساجدمیں قیام کرنے، وعظ وتبلیغ کرنے پرپابندی لگائی جائے اورمساجدپرقبضہ کودہشت گردی قراردیاجائے۔اجلاس میں قاری مظفرحسین باروی، قاری محمدلقمان سعیدی، قاری محمدظفرچشتی، صادق حسین باروی، مولانارشیداحمدباروی ، مولاناغلام مرتضیٰ،قاری غلام اکبر، قاری عبدالمجیدسمیت علماء کرام، حفاظ کرام اورآئمة المساجدنے کثیرتعدادمیں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ:باوثوق ذرائع سے معلوم ہوا ہے کہ شادی بیاہ کی تقریبات کوآسان بنانے اخراجات کم کرانے کیلئے شادی آسان کروتحریک شروع کرنے کی تیاریاں جاری ہیں۔شادی آسان کروتحریک شروع کرنے کاباقاعدہ اعلان کسی بھی وقت ہوسکتا ہے ۔اس کیلئے معاشرہ کے نمائندہ افراداورطبقات سے صلاح مشورہ جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ()میلادکمیٹی سگ حسنینیہ کے زیراہتمام عباسی ہائوس محلہ فیض آبادمیںمنعقدہ محفل میلادمصطفی سے خطاب کرتے ہوئے سیّد سجادحسین شاہ گیلانی نے کہا ہے کہ محبت رسول پاک سے محبت ہی عین ایمان ہے۔محفل میلادمصطفی کی صدارت پیرسیّد سبط الحسنین شاہ گیلانی نے کی۔تلاوت قرآن پاک کی سعادت حافظ غلام محمدباروی نے حاصل کی۔منصورعلی مہروی آف سنانواں، سمیع اللہ قریشی، اسلم ساجد، عمران بریال، کامران چشتی، عمران احمدخان، عبدالرشیدخان، علی حسن، حافظ عبدالحمید، محمدرفیق، محمداسلم ، محمدصدیق پرہاراوردیگرنعت خوانوںنے ہدیہ نعت پیش کیا۔ محفل میلادمصطفی سے خطاب کرتے ہوئے سیّدسجاد حسین شاہ گیلانی نے کہا کہ محبت رسول کے بغیرعبادات کرنا ایسے ہے جیسے بغیررس والے گنے کوچوسنا۔انہوںنے کہا کہ پاکستان اللہ کی طرف سے عطا کردہ نعمت ہے ۔کرپشن ، لوٹ مارکرنے والے ملک سے وفانہیں کررہے۔ایمانداری سے کام کرنے سے ہی ملک ترقی کرسکتاہے۔محفل میلادمصطفی میں عوام اہلسنت نے کثیرتعدادمیں شرکت کی۔محمودعلی سراجوی نقیب محفل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
نیشنل بنک اسپورٹس ڈویژن کے سربراہ ادریس اس خان آٹھویں نیشنل بنک قومی اسنوکر ریکنگ شپ کا افتتاح کر رہے ہیں
جامعہ بنوریہ عالمیہ سائٹ ٹاؤن میں، گزشتہ کی طرح امسال بھی اجتماعی قربانی کی جائے گی