لیہ کی خبریں 3/3/2017

Layyah

Layyah

لیہ (محمد صدیق پرہار) ڈسٹرکٹ ہیڈ کوراٹر ہسپتال میں مریضوں کو مفت کھانے کی فراہمی کا عمل کار خیر کی حیثیت رکھتا ہے جسے مزید فعال بنانے کے لیے انتظامی افسران ،تاجر تنظیمیں و محکمہ صحت کے حکام موثر مانیٹرنگ و مالی معاونت کے ذریعے مستقل بنیادوں پر جاری رکھنے کے لیے کام کریں گے۔یہ بات ڈپٹی کمشنر واجد علی شاہ نے ڈی ایچ کیو ہسپتال میں لیہ شوگرمل ،فضل کلاتھ مل ، خان کاٹن مل کی جانب سے مریضوں کو مفت کھانے کی فراہمی کی کینٹین کا افتتاح کرتے ہوئے کہی۔اس موقع ڈپٹی کمشنر نے مخیر حضرات کی جانب سے کھانے کا فری بندوبست کرنے پر ایک مستحسن اقدام قرار دیااور اس کی دیکھ بھال اور مانیٹرنگ کے لیے انتظامی افسران کو ہدایات دیں۔سی ای او صحت ڈاکٹر امیر عبداللہ سامٹیہ نے اس موقع پر بتایا کہ ہسپتال میں داخل مریضو ں کو تین وقت مفت کھانا فراہم کیا جائیگا۔جس کے لیے محکمہ صحت بھی مالی معاونت فراہم کرنے کے لیے پیش رفت کررہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ (محمد صدیق پرہار) ضلع لیہ میں خواتین کے عالمی دن کے حوالے سے گورنمنٹ گرلز کالج لیہ ،کوٹ سلطان و چوک اعظم میں ضلعی سطح کے مقابلے جاری ہیں ۔یہ بات ڈپٹی ڈائریکٹر سوشل ویلفیئرظفر اقبال کھارا نے بتائی ۔انہوں نے بتایا کہ اسی سلسلہ میں 4مارچ کو ضلع کونسل ہال میں محکمہ تعلیم کے زیر اہتمام صبح 10بجے خواتین کے عالمی دن کی مناسبت سے سیمینار کا انعقادعمل میں لایا جارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ (محمد صدیق پرہار) سیکرٹری زراعت پنجاب محمد محمود 4مارچ کو ضلع لیہ کا ایک روزہ دورہ کریں گے۔ جس کے دوران ضلع لیہ میں شعبہ زراعت سے وابستہ تمام افسران کے اجلاس کی صدارت صبح 8بجے کریں گے۔بعدازاں 10بجے زرعی ٹریننگ انسٹی ٹیوٹ کروڑ کا بھی معائنہ کریںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ (محمد صدیق پرہار) ضلع لیہ میں خواتین کے عالمی دن کی تقریبات کو بتدریق احسن سرانجام دینے کے لیے اے ڈی سی جرنل نعیم اللہ بھٹی کی چیئرمین شپ میں سات رکنی کمیٹی کا قیام عمل میں لایا گیا ہے ۔جن کے ممبران میں سی ای اوصحت ڈاکٹر امیرعبداللہ سامٹیہ، سی ای او تعلیم خالد ہ شاہین،ڈی ڈی کالجزڈاکٹر خاد م حسین ملک ،ڈسٹرکٹ انفارمیشن آفیسر نثاراحمد خان،ڈسڑکٹ آفیسر پاپولیشن ویلفئیرمحمدرمضان تونسوی اور ڈپٹی ڈائریکٹر سوشل ویلفیئرظفر اقبال کھارا شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ (محمد صدیق پرہار) انسداد ملاوٹ مہم کے سلسلہ میں ڈسٹرکٹ سینڑی انسپکٹر محمد ایوب خان نے مختلف دوکانوں کا اچانک معائنہ کرکے اشیاخورد نوش کے 20سیمپل حاصل کرکے تجزیہ کے لیے لیبارٹری بجھوائے۔

Layyah

Layyah