لیاقت علی باجوہ کی سربراہی میں وفد سجاد کریم کی رہائش گاہ پر عید ملنے کے لئے آیا

Liaquat Ali Bajwa,Delegation

Liaquat Ali Bajwa,Delegation

نیلسن (عبداللہ زید) فرینڈز آف منڈی بہاؤالدین مانچسٹر کے چئیرمین لیاقت علی باجوہ کی سربراہی میں ایک وفد نے یورپی پارلیمنٹ میں فرینڈز آف پاکستان گروپ کے چئیر مین نارتھ ویسٹ کے سنئیر ممبر یورپین پارلیمنٹ سجاد کریم کی رہائش گاہ پر بروز اتوار کو عید ملنے کے لئے آیا جس میں لیاقت علی باجو کے علاوہ، مولانا امتیاز گوند ل، نواز گو ندل ،نعیم ثاقب مارتھ، طلعت گوندل، چوہدری صفدر گوندل شامل تھے جبکہ سجاد کریم کے والد فضل کریم چوہدری، کونسلر عبد العزیز اور حاجی سغیر احمد بھی اس موقعہ پر موجود تھے۔

عید ملنے اور مبارک بادی کے بعد وفد اور سجاد کریم کے مابین مقامی طور پر برطانیہ میں مذہبی نکتہ نظر سے پیش آمدہ مسائل اور ان کا آنے والی اور بر طانیہ میں پروان چڑھنے والی مسلمان نسل پر منفی اثرات پر خدشات کا اظہار کیا گیا اور عیدین کے حوالے سے ایک روز منانے کے فوائد اور منقسم عید منانے سے پروفیشنلز اور تعلیمی اداروں میں پروان چڑھنے والی نسل کاغیر یقینی صورت حال میں دوام پرپھیلنے والی مایوسی میں اضافے کے خدشے کا اظہار کیا گیا۔

اس دیرینہ مسئلہ کے ممکنہ حل کے لئے کوشش پر اتفاق کیا گیانیز منڈی بہاؤالدین میں تعمیر و ترقی کی سست روی پر، سڑکوں اور دیگر حکومتی اداروں میں زبوں حالی جیسے معاملات پر بھی گفتگو ہوئی اور مستقبل کے لئے ایک لائحہ عمل طے کرنے پر اتفاق کیا گیاجس کے لئے مستقبل قریب میں منڈی بہاؤ الدین اور مانچسٹر دونوں مقامات پر اجلاس بلانے کی تجویز پر اتفاق کیا گیا ہے۔