راولپنڈی (جیوڈیسک) بھارت کی جانب سے جنگ بندی کی خلاف ورزیوں کو سلسلہ مسلسل جاری ہے اور تازہ ترین واقعہ میں بھارتی فوج نے آزاد کشمیر کے جندروٹ سیکٹر میں بلا اشتعال فائرنگ کی جس کے نتیجے میں ایک خاتون زخمی ہوگئے۔
پاک فوج کے شعبہ تعلقات عامہ آئی ایس پی آر کے مطابق بھارتی فوج نے آزاد کشمیر کے علاقے کوٹلی کے جندروب سیکٹر میں بلا اشتعال فائرنگ کی جس کے نتیجے میں 28 سالہ خاتون فریدہ پیٹ میں گولیاں لگنے سے شدید زخمی ہو گئی۔ پاک فوج کے جوانوں کی جانب سے بھارتی جارحیت کا بھرپور جواب دیا گیا۔
واضح رہے کہ بھارت میں نریندر مودی کے برسراقتدار آنے کے بعد سے بھارتی فورسز کی جانب سے لائن آف کنٹرول اور ورکنگ باؤنڈری پر سیز فائر کی مسلسل خلاف ورزی کی جارہی ہے جس کے نتیجے میں متعدد پاکستانی شہری شہید اور درجنوں زخمی ہو چکے ہیں۔
تونسہ: پشاور سے کراچی جانیوالی بس الٹ گئی، چار مسافر جاں بحق
قصور : بچوں سے زیادتی اسکینڈل، 7 ملزمان کا جسمانی ریمانڈ