لندن (جیوڈیسک) برطانیہ کے دارالحکومت لندن کے مشرقی علاقے میں پولیس نے تین عورتوں کو انسداد دہشت گردی قانون کے تحت گرفتار کر لیا ہے۔
لندن میٹروپولیٹن پولیس نے ایک بیان میں کہا ہے کہ اس نے ان تینوں کو دہشت گردی کی کارروائیوں کی تیاری اور اس پر اکسانے کے شُبے میں حراست میں لیا ہے۔ان میں دو کی عمریں 18 ،18 سال اور ایک کی عمر 19 سال ہے۔
پولیس نے اپنے بیان میں مزید بتایا ہے کہ ان کی گرفتاری لندن کے مشرق میں ہارلسڈن روڈ پر واقع ایک پتے سے پہلے سے جاری تحقیقات کی روشنی میں عمل میں آئی ہے۔
پولیس نے خفیہ اطلاع ملنے کے بعد اس پتے پر گذشتہ جمعے کو ایک چھاپا مار کارروائی کی تھی اور اس دوران میں ایک عورت کو گولی مار دی گئی تھی۔پولیس کا کہنا تھا کہ اس نے یہ کارروائی کرکے جنگجوؤں کی حملے کی ایک سازش ناکام بنا دی تھی۔
جنوبی وزیرستان: سرحد پار سے حملہ، پاک فوج کی جوابی کارروائی، 3 دہشتگرد ہلاک
ملک بچانے کیلئے موجودہ حکومت کا جانا ضروری ہے: پرویز مشرف