کراچی (اسٹاف رپورٹر) آرمی چیف کی مدت ملازمت میں توسیع کا فیصلہ میرٹ کے مطابق کرنے کے حکومتی اعلان کا خیر مقدم کرتے ہوئے نیکسٹ جنریشن پروٹیکشن فاونڈیشن کے چیف عمران چنگیزی ‘ جنرل سیکریٹری حاجی امیر علی خواجہ‘ فیصل خان ‘ عقیلہ غوری اور ایم آر پی سربراہ امیرپٹی نے کہا ہے کہ چونکہ قوم جنرل راحیل شریف کی مدت ملازمت میں توسیع کی خواہشمند ہے اسلئے وفاقی زیرداخلہ کے میرٹ پر آرمی چیف کی مدت ملازمت میں توسیع کرنے کابیان قوم کیلئے حوصلہ افزا ہے۔
کیونکہ قوم یہ جانتی ہے کہ جنرل راحیل شریف کی قیادت میں افواج پاکستان نے ملک و قوم کو دہشتگردی کے عذاب سے نجات دلانے کیلئے بیمثال و لازوال قربانیاں دیکر نہ صرف عوام کو امن و تحفظ فراہم کیا ہے بلکہ ملک وقوم کا مستقبل محفوظ بنانے میں بھی اہم کردار ادا کر رہی ہے۔
اسلئے میرٹ پر فیصلہ کیا جائے تو جنرل راحیل شریف کی مدت ملازمت میں آپریشن ضرف عضب کی مکمل کامیابی اور پاکستان سے دہشتگردی کے مکمل خاتمے تک کیلئے توسیع یقینی ہے۔
جمہوری حکمرانوں کا آمرانہ طرز عمل قوم کیلئے تکلیف دہ ہے۔ سولنگی اتحاد
وطن عزیز میں اوئے توئے کی سیاست شروع، رواداری کی سیاست ختم ہو چکی ہے