تحریر : رشید احمد نعیم
حکیم بن حزام حضرت بی بی خدیجہ رضی اللہ عنہا کے بھتیجے تھے۔ ایک مرتبہ طائف میں تھے جہاں غلاموں کی منڈی لگی تھی، یہ بھی وہاں پہنچ گئے۔ ایک نوعمر لڑکا زید انہیں بھا گیا۔ زید کی شکل و صورت اور عادات و اطوار کسی طور بھی غلاموں جیسے نہ تھے۔ سودا کیا، زید کو لے کر مکّہ آئے اور اْسے اپنی پھوپھی سیّدہ خدیجہ رضی اللہ عنہا کی خدمت میں پیش کر دیا۔ یہ نوعمر لڑکا اْن کے گھر میں پلتا رہا۔ شادی کے بعد حضرت خدیجہ رضی اللہ عنہا نے زید کو رسول اللہۖ کی خدمت میں پیش کر دیا۔ اْس نوجوان میں کچھ صفات ایسی تھیں جس کی بنا پر آپ ۖکو اْس سے غیرمعمولی محبت اور اْنس پیدا ہوگیا۔
اْدھر زید رضی اللہ عنہ کا والد حارثہ اپنے بھائی کے ساتھ اپنے بیٹے کو تلاش کرتا ہوا مکّہ آ پہنچا۔ وہ اپنے ساتھ مال و دولت لے کر آیا تھا۔ اْس نے ایک دن سیّدہ خدیجہ رضی اللہ عنہا کا دروازہ کھٹکھٹایا۔ آپ ۖ باہر تشریف لائے تو اْس نے اپنی آمد کا مدّعا بیان کرتے ہوئے عرض کیا: “میں زید کا والد ہوں۔ آپۖ جتنا مال چاہیں لے لیں، میرا بیٹا واپس کر دیں۔”
ادھر مکارم اخلاق کی انتہا تھی، ارشاد فرمایا؛ “مال و دولت کی بات نہیں۔ تم اپنے بیٹے سے پوچھ لو اگر وہ مجھے چھوڑ کر جانا چاہتاہے تو لے جاؤ، مجھے کوئی مال نہیں چاہیے۔ لیکن اگر وہ میرے پاس رہناچاہے تو میں زبردستی اْسے اپنے آپ سے دْور نہیں کروں گا۔” حارثہ کہنے لگا: “آپ ۖنے تو انصاف سے بھی بڑھ کر بات کہہ دی۔”
ALLAH
چنانچہ جب زید رضی اللہ عنہ سے پوچھا گیا کہ وہ حضور ۖکے پاس رہنا چاہتا ہے یا اپنے والد کے ساتھ جانا چاہتاہے تو اْس نے کہا: “جس شخصیت کے پاس میں رہ رہا ہوں اْن میں ایسی غیرمعمولی خوبیاں ہیں کہ اْن کی شفقت اور محبت والدین سے بھی بڑھ کر ہے لہٰذا میں مکّہ میں آپ ۖکے پاس ہی رہنا پسند کروں گا۔” والد اور چچا یہ غیرمتوقّع جواب سن کر ہکّا بکّا رہ گئے۔ اْنہوں نے کہا، “زید تمہیں یہ کیا ہو گیا ہے کہ تم غلامی کو آزادی پر فوقیت دے رہے ہو؟” مگر زید رضی اللہ عنہ نے کہا، “میں نے خوب سوچ سمجھ کر یہ فیصلہ کیا ہے۔” اور اپنے فیصلے پر قائم رہا۔
آپ ۖکو بی بی خدیجہ رضی اللہ عنہ کے اِس انمول تحفے پر اِس قدر پیار آیا کہ زید رضی اللہ عنہ کو اپنے ہمراہ لیا اور حرمِ پاک میں کعبہ اللہ کے سائے میں جا کر اعلان فرمایا: “آج سے زید میرا غلام نہیں، بیٹا ہے۔ یہ مجھ سے وراثت پائے گا اور میں اِس کا وارث بنوں گا۔”
آپ ۖنے زید رضی اللہ عنہ کی شادی اْس کی خواہش پر اپنے گھر کی سب سے معتمد لونڈی اْمِّ ایمن سے کر دی۔ زید رضی اللہ نے آنحضرت ۖسے سن رکھا تھا کہ جو شخص کسی جنّتی عورت سے شادی کرنا چاہتا ہو وہ اْمِّ ایمن سے شادی کر لے۔ اِس سعادت مند جوڑے سے تاریخِ اسلام کے سب سے کم عمر کمانڈر اسامہ بن زید رضی اللہ عنہ پیدا ہوئے۔ زید بن حارثہ رضی اللہ عنہ اْن لوگوں میں سے تھے جنہوں نے آغازہی میں اسلام قبول کر لیا تھا۔
Rasheed Ahmad Naeem
تحریر : رشید احمد نعیم
03014033622
rasheed0301403362@gmail.com
اسلامی فلاحی ریاست کا خواب
پاکستان امانت ہے ان شہداء کی