میکسیکو سٹی (جیوڈیسک) میکسیکو میں بزرگوں کی نگہداشت کے لئے قائم ایک نرسنگ ہوم میں آتشزدگی کے نتیجے میں 16 افراد ہلاک ہوگئے۔
غیر ملکی خبر ایجنسی کے مطابق آتشزدگی کا واقعہ میکسیکو کے سب سے بڑے شہر تیجوانا کے شمال مشرق میں موجود نرسنگ ہوم میں پیش آیا۔حکام نے واقعے کی تصدیق کرتے ہوئے بتایا کہ آتشزدگی کے وقت نرسنگ ہوم میں 44 افراد موجود تھے جن میں سے 16 جاں بحق ہوگئے جب کہ 5 افراد زخمی بھی ہوئے۔
حکام کے مطابق فوری طور پر حادثے کی وجہ معلوم نہیں ہوسکی ہے تاہم اس حوالے تحقیقات کررہے ہیں ،واقعے کے بعد نرسنگ ہوم کے بقیہ بزرگ افراد کوعارضی طور پر دوسرے سینٹر میں منتقل کردیا گیا ہے۔
اس سے قبل 2009 میں بھی ایک حکومتی نگرانی میں چلنے والے ڈے کیئر سینٹر میں آگ لگنے کے نتیجے میں 49 بچے دم گھٹنے سے جاں بحق ہوگئے تھے جہاں حادثے کی وجہ ڈے کیئر سینٹر میں ناقص حفاظتی اقدامات بتائے گئے تھے۔
امریکا میں نسل پرستی کی سوچ اب بھی باقی ہے، براک اوباما
امریکی ریاستوں میں شدید بارشیں، ٹرین اور پروازوں کا شیڈول متاثر