اسلام آباد (جیوڈیسک) سپریم کورٹ نے فوجی اور کورٹ مارشل عدالتوں سے سزا پانے والوں کو اپیل کا باضابطہ حق دینے کی درخواست خارج کر دی ہے ، عدالت کا کہنا ہے کہ متاثرہ فریق آئینی عدالتوں سے رجوع کر سکتا ہے۔
قائم مقام چیف جسٹس ثاقب نثار نے چیمبر میں ایڈووکیٹ انعام الرحیم کی درخواست پر سماعت کی ۔ درخواست گزار نے موقف اختیار کیا کہ سپریم کورٹ کے حکم کے باوجود ہائیکورٹس فوجی عدالتوں کے فیصلوں کیخلاف اپیلیں نہیں سنتیں ۔ فوجی عدالتوں کے فیصلوں کیخلاف اپیلوں کا حق دینے کیلئے خصوصی فورم کا تعین کیا جائے۔
قائم مقام چیف جسٹس ثاقب نثار نے درخواست گزار کو مخاطب کرتے ہوئے کہا کہ آپ متاثرہ فریق نہیں ۔ متاثرہ فریق کو فوجی عدالت کے فیصلے سے اعتراض ہو تو آرٹیکل 184/3 اور 199 کے تحت آئینی عدالتوں سے رجوع کر سکتا ہے۔
کراچی: رضویہ سوسائٹی میں پولیس مقابلہ،6 دہشتگرد گرفتار
کراچی : سانحہ صفورا کے سہولت کار شیبا احمد کی ضمانت منظور