ٹیکسلا (ڈاکٹر سید صابر علی سے) چھ سالہ ننھا محمد بلال کرنٹ لگنے سے جاں بحق ہو گیا، آندھی اور طوفان سے چھت پر گرنے والی بجلی کی تاروں نے ننھے بلال کی جان لے لی، تفصیلات کے مطابق گزشتہ روز حسن ابدال کے محلہ شہید آباد میں رہائش پذیر محمد احسان کا چھ سالہ بچہ گھر کی چھت پر کھیلتے ہوئے بجلی کی ننگی تاروں سے ٹکرا گیا۔
گزشتہ روز آنے والی آندھی طوفان کے باعث محمد احسان کے گھر کے اوپر سے گزرنے والیبجلی کی تار جو کچھ جگہوں سے ننگی تھی چھت پر آن گری،صبح جب ننھا بلال چھت پر کھیلنے گیا تو چھت پر گری ننگی تار سے ٹکرا گیا ،جس کی وجہ سے بجلی نے اسے اپنی لپیٹ میں لے لیا،اور ننھا بلال موقع پر ہی جاں بحق ہوگیا،ننھے بلال کی اچانک حادثاتی موت نے پورے علاقہ کو غم زدہ کردیا،شام چھ بجے بلال کا نما زجنازہ ادا کیا گیا اس موقع پر ہر آنکھ اشک بار تھی، نماز جنازہ میں کثیر تعداد میں لوگ شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر سید صابر علی تحصیل رپورٹر ٹیکسلا موبائل نمبر0300-5128038
موٹروے پولیس نارتھ زون نے عید کے پرمسرت موقع پر مسافروں میں تحائف تقسیم کیے
واہ کینٹ، کنٹونمنٹ بورڈ انتظامیہ کی غفلت، کھلا مین ہول انسانی جان نگل گیا