لاہور (جیوڈیسک) فلم ’مالک‘ کے بعد پاکستان کی ایک اور فلم ’بلائنڈ لو‘ بھی ریلیز سے قبل مشکلات کا شکار دکھائی دے رہی ہے۔
رواں سال عیدالفطر پر 2 پاکستانی فلموں ’سوال سوا سات سو کروڑ ڈالر کا‘ اور ’بلائنڈ لو‘ کی ریلیزکی تیاریاں کی جارہی ہیں لیکن فلم ’مالک‘ کی طرح ’بلائنڈ لو‘ کے ساتھ بھی چوہے بلی کا کھیل کھیلا جارہا ہے۔ ’بلائنڈ لو‘ کی شوٹنگ مکمل ہونے کے بعد فلم کے ڈیجیٹل پرنٹ بنکاک کے لیبارٹری سے دھل کر ہارڈ ڈسک کی شکل میں واپس پاکستان پہنچے تو کسٹم حکام نے این او سی نہ ہونے کی وجہ سے ڈیجیٹل ہارڈ ڈسک کی حوالگی سے انکار کردیا۔
اس سلسلے میں فلم پرڈیوسر کامران چوہدری نے جب منسٹری آف کامرس سے رجوع کیا گیا تو انہیں وہ قوانین گنوائے گئے جو دوسرے ملکوں کی فلموں کے لیے مخصوص ہیں جب کہ کامران چوہدری کا کہنا تھا کہ مخصوص حربے اختیار کرکے فلم کے راستے میں روڑے اٹکائے جارہے ہیں۔ فلم کی کاسٹ میں ہدایت کار فیصل بخاری نے دی ہیں جب کہ کاسٹ میں یاسر شاہ اور نمرہ خان کےعلاوہ متیرہ بھی شامل ہیں۔
راولپنڈی سے داعش کمانڈر گرفتار، نفرت انگیز مواد بھی برآمد
مادھوری نئی فلم میں عالیہ بھٹ کی ماں بنیں گی