ممبئی (جیوڈیسک) بالی ووڈ کے کھلاڑی اکشے کمار کا کہنا ہے کہ وہ مختلف کردار نبھانا چاہتے ہیں تاہم انہیں فلم کی ہدایتکاری میں کوئی دلچسپی نہیں ہے۔
ممبئی میں اپنی نئی فلم ’’سنگھ از بلنگ‘‘ کی تشہیری مہم کے دوران میڈیا سے بات کرتے ہوئے بالی ووڈ کے کھلاڑی کا کہنا تھا کہ انہیں فلم نگری میں 25 برس ہوگئے ہیں اور اب تک کا ان کا سفر بہت اچھا رہا ہے۔
بالی ووڈ میں اتنا وقت گزارنے کا مطلب یہ ہے کہ وہ اچھا کام کررہے ہیں، ان کی کوشش ہوگی کہ وہ فلموں میں مختلف کردار نبھائیں اور اچھی فلمیں بنائیں لیکن ان کا ہدایت کاری کے میدان میں آنے کا کوئی ارادہ نہیں۔
سنگھ ازبلنگ میں ہالی ووڈ اداکارہ ایمی جیکسن کو شامل کرنے کے حوالے سے اکشے کمار کا کہنا تھا کہ فلموں میں غیر ملکی اداکاراؤں کو شامل کرنے کا مطلب ہرگز یہ نہیں کہ بھارتی اداکارائیں باصلاحیت نہیں۔
بھارتی وزیر اعظم نریندر مودی بین الاقوامی اداروں کو بھارت میں لانا چاہتے ہیں بالکل اسی طرح ہم بھی بالی ووڈ کو بین الاقوامی فلم نگری میں تبدیل کرنا چاہتے ہیں اور ہمیں اسے مثبت انداز میں لینا چاہیے۔
اداکارہ دپیکا پڈوکون نے وومن آف دی ایئر کا ایوارڈ جیت لیا
عامر خان کی فلم ’’پی کے‘‘ بھارت سے باہر 300 کروڑ کمانے والی پہلی فلم بن گئی