کراچی: جامعہ بنوریہ عالمیہ کے رئیس وشیخ الحدیث مفتی محمدنعیم نے چترال سے اسلام آباد آنے والے طیارہ حادثے پر افسوس اورجنید جمشید سمیت ودیگر کی قیمتی جانوں کے ضیاع پر رنج وغم کا اظہار کرتے ہوئے کہاکہ اللہ تعالیٰ طیارہ حادثے میں جاں بحق افراد کے درجات بلند فرمائے اور لواحقین کو صبر جمیل عطاء فرمائے۔
حادثے میں شہید ہونے والے معروف نعت خواں جنید جمشید کو بہت قریب سے دیکھنے کا موقع ملا وہ ایک بے لوث اور سلجھی ہوئی شخصیت کے مالک تھے،انہوں نے اپنی زندگی میں کئی نشیب فراز دیکھے ان کی زندگی مغربی تہذیب کے دلدادہ نوجوانوں کیلئے مشعل راہ ہے۔
گانے اور موسیقی سے شہرت حاصل کی پھر اللہ تعالیٰ نے انہیں اپنے دین کی عالی محنت کیلئے قبول فرمایا تو تمام شہرت کو ٹھکرا کر رسول صلی اللہ علیہ وسلم کی ثناء خوانی اور اسلام کی تبلیغ کیلئے زندگی وقف کردی ہے دعوت دین کے عظیم مقصد کو لیکر چترال گئے تھے واپسی میں اللہ تعالیٰ نے انہیں شہادت کے اعلیٰ مقام پر فائز کردیا۔
ٹیکسلا: جشن عید میلاد النبی ۖ کا مرکزی جلوس واہ کینٹ میلاد چوک واہ کینٹ سے شروع ہوگا
یکساں نظام تعلیم قوموں کی ترقی کا ضامن ہوتا ہے: فیصل جاوید