مسلم لیگ کی حکومت چور دروازے سے نہیں آئی، شیخ آفتاب احمد

Sheikh Aftab Ahmad

Sheikh Aftab Ahmad

ٹیکسلا (ڈاکٹر سید صابر علی سے) وفاقی وزیر پارلیمانی امور شیخ آفتاب احمد نے کہا ہے کہ مسلم لیگ کی حکومت چور دروازے سے نہیں آئی، مخالفین جتنا چاہیں واویلہ کر لیں ان کے پروپیگنڈوں سے حکومت جانے والی نہیں، ہر محاز پر ڈٹ کر مخالفین کا مردانہ وار مقابلہ کریں گے۔

جمہوریت کی بقاء کے لئے نواز شریف فیملی نے ان گنت قربانیاں دیں، قید وبند کی صعوبتیں بھی برداشت کیں، اس خاندان نے اقتدار میں آکر اثاثے نہیں بنائیں، بھٹو دور میں بھی نواز فیملی کی 13 فیکٹریاں تھیں، بطور پاکستانی وثوق سے کہتا ہوں اس خاندان کے خلاف جتنی مرضی تحقیقات کر لیں کسی جگہ کرپشن میں ملوث ہونے کا کوئی ثبوت نہیں ملے گا۔

نواز شریف انتہائی محب وطن اور درد دل رکھنے والے انسان ہیں قوم کو فخر ہونا چاہئے کہ انھیں ایسا لیڈر میسر آیا،نواز شریف کے راستے میں رکاوٹ پیدا کرنے والے ذلیل و خوار ہونگے، کوئی کسی غلط فہمی میں نہ رہے موجودہ حکومت نہ صرف اپنی آئینی مدت پوری کرے گی بلکہ ملک کو معاشی ترقی کی جانب گامزن کرے گی، لوکل باڈیز، ضمنی انتخابات، کینٹ بورڈز انتخابات سے ثابت ہو گیا کہ مسلم لیگ ن کتنی عوامی مقبولیت رکھتی ہے۔

ان خیالات کا اظہار انھوں نے زیلدار ہاوس ٹیکسلا میں پاکستان رومانیہ فرینڈ شپ ایسوسی ایشن کے ٹائٹل کے سلسلے میں منعقدہ تقریب سے خطاب اور بعد ازاں میڈیا سے گفتگو کے دوران کیا ، وفاقی وزیر پارلیمانی امور شیخ آفتاب احمد کا کہنا تھا کہ ملک کے ستر فیصد عوام میاں نواز شریف کے ساتھ ہیں،عمران خان کو نشانہ تنقید بناتے ہوئے انکا کہنا تھا کہ عمران خان اچھے انسان ضرور ہیں لیکن کامیاب سیاستدان نہیں انکے قول و فعل میں تضاد ہے انکے بیانات صبح کچھ اور شام کو کچھ اور ہوتے ہیں۔

موجودہ حکومت عوام کے منڈیٹ کے ساتھ بر سر اقتدار آئی کسی چور دروازے سے نہیں آئی،اور نہ ہی ملک میں قبل ازوقت الیکشن کا کوئی ماحول ہے، محض الزامات لگانے والے ملک میں عدم استحکام کی فضاء پیدا کرنا چاہتے ہیں انکا یہ خواب کبھی شرمندہ تعبیر نہیں ہوگا، تمام مخالفت تحریکیں دو تین ماہ میں دم توڑ جائیں گی۔

وقاقی وزیر برائے پارلیمانی امور شیخ آفتاب احمد کا کہنا تھا کہ اگر قوم کو یاد ہو تو12 اکتوبر1999 کو نواز شریف فیملی کے ساتھ کیا کچھ نہ کیا گیا حتی کے انکے بیٹے حسین نوازکو گرفتار کر کے پابند سلاسل کیا گیا انکا کیا قصور تھا کہ کہ وہ نواز شریف کے بیٹے تھے ،انکا کہنا تھا کہ 1935 میںیہ خاندان پاکستان کے بڑے اندسٹریل میں شامل تھا ،بھٹو کے دور اقتدار میں میاں فیملی کی تیرا فیکٹریاں تھیں، یہ وہ خاندان ہے جس کا شمار بہت پہلے پاکستان کے چند بڑے انڈسٹریل خاندانوں میں ہوتا تھا، نواز شریف پاکستانی قوم کی تقدیر بدلنے کا ایجنڈہ لیکر آئے ہیں۔

ایسے محب وطن لیڈر قوم کو ملنا مشکل ہی نہیں بلکہ نا ممکن ہے،انھوں نے واضح کیا کہ نوز شریف ے تو خود اپنے کو احتساب کے لئے پیش کردیا ہے اب یہ الزام لگانے والوں پر منحصر ہے کہ وہ الزامات کو ثابت کریں،محض الزامات کی بنیاد پر واویلہ کرنا قرینہ انصاف نہیں۔

پاکستان رومانیہ فرینڈ شپ ایسوسی ایشن کے زیر اہتمام تقریب میں رومانیہ کے سفیر مسٹر ایمیلن آئیون، چیئرمین پاکستان رومانیہ فرینڈ شپ ایسوسی ایشن ظفر بختاروی، عمران مسعود، ڈاکٹر نوشین کے علاوہ واہ کینٹ ٹیکسلا کی متعدد سیاسی و سماجی شخصیات موجود تھیں۔

ڈاکٹر سید صابر علی ٹیکسلا موبائل نمبر0300-5128038