مصطفی آباد/للیانی (نامہ نگار) ذہنی معذور شخص پائوں پھسلنے سے نہر میں گر کر جاں بحق، پٹھان والا کے قریب نہر سے نا معلوم لڑکی کی لاش بر آمد، تفصیلات کے مطابق مصطفی آباد للیانی بی آر بی نہر کنارے بیٹھا 50سالہ ذہنی معذور شخص پائوں پھسلنے سے نہر میں گر کر جاں بحق ہو گیا، جبکہ نواحی گائوں پٹھانوالہ کے قریب نہر سے 20سالہ نا معلوم لڑکی کی لاش بر آمد، پولیس نے لاش قبضہ میں لیکر ورثہ کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (محمد عمران سلفی سے) عید پر بہترین ڈیوٹی کرنے پر پٹرولنگ پولیس قصور کو شاباش ، کارکردگی خوش آئند ہے پٹرولنگ قصورعید کے ایام میں ہائی ویز کو محفوظ بنانا اور لوگوں کو مدد فراہم کرنا ہماری اولین ترجیح تھا ۔ان خیالات کا اظہار ڈی ایس پی پٹرولنگ شعیب چیمہ نے پر یس کلب مصطفی آباد للیانی (رجسٹرڈ) میں صحافیوں سے گفتگو کرتے ہوئے کیا۔ DSP محمد شعیب چیمہ نے عید پر بہترین انداز میں ڈیوٹی کرنے پر پٹرولنگ پولیس کے افسران اور جوانوں کو شاباش دی اور ایام عید میں اُن کی کارکردگی کو خوش آئند قرار دیا ۔ انہوں نے مزید کہا کہ عید کے دنوں میں لوگوں کی مکمل حفاظت کرنا اور بھر پور مدد کرنا ہماری اولین ترجیح تھا اور خدا کے کرم سے عید کے ایام میں پٹرولنگ پولیس کی موثر گشت کی وجہ سے کوئی بھی سنگین واقع یا وقوعہ رونما نہ ہوا ہے ۔ خاص کر رات کے اوقات میں بہت سارے افراد کو مدد اور تحفظ فراہم کیا گیا ہے ۔ سینکڑوں افراد کو مکینیکل ہیلپ اور فرسٹ ایڈ جیسی امداد مہیا کی گئی ہیں۔DSPپٹرولنگ نے مزید بتلایا کہ اگر عید کے ایام کی کارکردگی کو مد نظر رکھا جائے تو پٹرولنگ پولیس واقعی ہی ایک عوام دوست پولیس کے طور پر اپنا کردار نبھانے میں مکمل طور پر کامیاب رہی ہے ۔ اور آئندہ بھی کارکردگی کا یہ سلسلہ جاری رہے گا۔
تلہ گنگ کی خبریں 23/07/2015
آسیہ ملعونہ کے عدالتی فیصلے کو موخر کرنا عدلیہ کی ساکھ متنازع کرے گا