لاہور (جیوڈیسک) دورہ انگلینڈ سے پہلے سلیکشن کمیٹی کے لیے مشکلات پیدا ہو گئیں۔ قومی ٹیم کے اہم ہتھیار یاسر شاہ سلیکشن کے لیے دستیاب نہیں ہیں۔ یاسر شاہ ایبٹ آباد میں جاری فٹنس کیمپ کے پہلے روز گھٹنے کی انجری کا شکار ہوئے۔ نیشنل کرکٹ اکیڈمی میں میڈیکل پینل نے یاسر شاہ کی انجری کا جائزہ لینے کے بعد لیگ سپنر کو ان فٹ قرار دے دیا۔
ذرائع کے مطابق یاسر شاہ کا فٹنس ٹیسٹ پانچ ہفتے بعد دوبارہ ہوگا۔ دورہ انگلینڈ کے لیے قومی سکواڈ کا اعلان جون کے پہلے ہفتے میں متوقع ہے۔
گرین شرٹس پہلا ٹیسٹ چودہ جولائی کو لارڈز میں کھیلیں گے۔ یاسر شاہ نے گزشتہ برس انگلینڈ کے خلاف ہوم سیریز جیتنے میں اہم کردار ادا کیا۔ گوگلی بولر نے دو ٹیسٹ میچز میں پندرہ شکار کیے اور مین آف دی سیریز قرار پائے۔
اغوا کاروں نے کوڑے مارے، گوشت کاٹا اور ناخن اکھاڑے : شہباز تاثیر
فلم ’’ہوٹل‘‘ فیملیز کو بھا گئی ہے، میرا