فادرانتھنی سکندر کی قیادت میںچنن فرانسس پہلوان کی رسم جنازہ کی عبادت وتدفین
اوکاڑہ (اقبال کھوکھر) ریورنڈ فادرانتھنی سکندر کے والد معروف سماجی رہنماء چنن فرانسس پہلوان کی رسم جنازہ کی رسومات مقامی کیتھولک چرچ انٹونیاآباد10/4-Lاوکاڑہ میں ادا کی گئی۔ریورنڈ فادرانتھنی سکندر کی قیادت میں معاونت ریورنڈ فادرخالدرشیدعاصی،ریورنڈ فادر جیمس ،ریورنڈ بہادربشیر،ریورنڈفادر کامران، ریورنڈ فادر نثاربرکت،ریورنڈ فادراکمل،ریورنڈ فادرشفیق،ریورنڈ فادرمقصود،ریورنڈ فادر سیمسن،ڈیکن یعقوب ہاشم نے کی جبکہ معتدد فادرصاحبان،سسٹرصاحبات،منادصاحبان،مقامی سیاسی وسماجی ومذہبی شخصیات سمیت موسیٰ خان،ماسٹرہارون چمن،اکمل زاہدبادشاہ،ثاقب الفت،سلیمان فیروز،صرافین سہوترا،ماسٹریارس ودیگر نے شرکت کی۔کلیسیائی طور پر سینکڑوں خواتین،مرد وبزرگوں ،نوجوانوں کی تعداد بڑی عقیدت سے شریک ہوئی۔تدفین مقامی آبائی قبرستان میں کی گئی۔یادرہے کہ عزت مآب بشپ جوزف ارشد بشپ آف فیصل آباد ڈایوسیس نے تدفین سے ایک رات قبل پاک ماس کی خصوصی عبادت کی قیادت کی ۔انہوں نے دوران واعظ مرحوم کی مذہبی وسماجی خدمات پر شکرگزاری کی دعاکروائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گرینڈ ٹیچرزالائنس 31اکتوبرکو پریس کلب ساہیوال میں احتجاجی مظاہرہ کرے گا
ساہیوال(رپورٹ)اساتذہ کے حقوق کے لئے کام کرنے والی گورنمنٹ سنیئرسٹاف ایسوسی ایشن،پنجاب ایسوسی ایشن آف سبجیکٹ سپیشلسٹ،پنجاب ٹیچرزیونین،پنجابSESٹیچرز ایسوسی ایشن،پنجاب ایجوکیٹرزایسوسی ایشن،پرائمری اینڈایلیمنٹری ٹیچرزایسوسی ایشن اور MCکیڈرٹیچرزایسوسی ایشن پر مشتمل”گرینڈ ٹیچرزالائنس” ضلع ساہیوال کے زیراہتمام اساتذہ کی پروموشن میں رکاوٹ،ضروری چھٹیوںکی بندش،تعلیمی استعدادکار بڑھانے کے لئے چھٹیاں نہ دینے،بوگس نتائج کے ذریعے ذاتی پسندوناپسند پر دوردرازعلاقوں میں تبادلوں ،بے شمار ناانصافیوں ومحکمانہ زیادتیوں اوردیگر مسائل کے حل کے لئے مورخہ31اکتوبر2016بروزسوموارسہ پہر3بجے پریس کلب ساہیوال (نزد یادگار چوک)کے سامنے پرامن احتجاجی مظاہرہ کیا جائے گا۔جس میں ملک بھر سے اساتذہ تنظیموں کے اکابرین سمیت معتدد سیاسی وسماجی شخصیات بھی شرکت کریں گی۔ساہیوال سے تعلقہ ایک سنیئر عہدیدارنے ”عوامی محبت”کو بتایا کہ اساتذہ تنظیموں کے اس بھرپور احتجاج میں بوگس نتائج کی بنیاد پرہیڈٹیچرز کے تبادلوں کی منسوخی،اپ گریڈیشن آف پوسٹس وریگولائزیشن کااعلان،سکولوں کی نجکاری پر فوری پابندی اور اساتذہ کے تقدس کی بحالی جیسے مطالبات کئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
”نئے عہدکاخادم”کی تقریب رونمائی 5نومبرکو فیصل آباد میںہوگی
فیصل آباد(سٹاف رپورٹ)معروف مسیحی عالم ڈاکٹرحزقی ایل سروش کے خاندانی ومذہبی حالات زندگی پر مبنی گاسپل فیلوشپ منسٹریزکے چیئرمین ریورنڈ فلک شیر کی نئی تصنیف ”نئے عہدکاخادم”کی تقریب رونمائی مورخہ 5نومبر2016ء بروزہفتہ دوپہر1:00بجے فرسٹ پریسبٹیرین چرچ ریل بازار فیصل آباد میںمنعقد ہوگی۔معروف سماجی ومذہبی رہنمائوں کو دعوت نامے بھجوادیے گئے ہیں۔اس تقریب کاانعقادکرسچن یوتھ اینڈ ایف جی اے چرچ چک نمبر201ر۔ب چندیاں تلاواں فیصل آباد کی طرف سے کیاگیا ہے۔جبکہ زاہد فلک شیر اور سہیل ہابل اس حوالے سے تمام انتظامی امور کی نگرانی کریں گے۔
کسانوں کی فلاح و بہبود کے لئے حکومت پنجاب دن رات کوشاں ہے۔ ارقم طارق
شیخوپورہ ایریگیشن کے آفیسران نے اینٹی کرپشن کے حکم کو ہوا میں اڑا دیا