پائی خیل (نامہ نگار) پائی خیل گردونواح میں زکام ،الرجی،کالی کھانسی اور ملیریا کی وباء پھیل گئی ناداراور غریب مریض دربدرہوگئے تفصیلات کے مطابق پائی خیل اور گردونواح میں بارانِ رحمت نہ ہونے کے باعث ہرطرف گردوغبارپھیلاہواہے ۔جس کی وجہ سے علاقہ بھرمیں بوڑھوں ،بچوں ، عورتوںاورہرعمرکے لوگوں میں زکام،الرجی،کالی کھانسی،خسرہ اورملیریا پھیلاہواہے۔علاوہ ازیں بنیادی مرکزصحت میں ادویات کی عدمِ دستیابی کے باعث ناداراورغریب مریض پرائیویٹ کلینک پرجاکربھاری بھرکم اخراجات کرنے پرمجبورہیں اور پرائیویٹ کلینک کے مالکان کی چاندی ہوگئی ہے ۔لوگوں نے بارانِ رحمت کے لئے اللہ تعالیٰ سے خصوصی دعائیں بھی کی ہیں ۔عوامی وسماجی حلقوں نے ڈی سی او میانوالی اورای ڈی اوہیلتھ سے وبائی امراض کے تدارک پراقدامات اٹھانے کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار)گزشتہ رات شرپسندوں نے پائی خیل پہاڑمیں سرکنڈوں اورجنگلات کوآگ لگادی تفصیلات کے مطابق گزشتہ رات شرپسندوں نے پائی خیل پہاڑمیں سرکنڈوں اورجنگلات کوآگ لگادی جوکہ آناًفاناًکئی کلومیٹرتک کھڑے جنگلات اورسرکنڈوں کواپنی لپیٹ میں لے لیااورآگ آسمان کوچھونے لگی آگ لگنے سے جنگلی حیات بھی آگ کی لپیٹ میں آکرزندگی کی بازی ہارگئے اورجنگلات میں چارہ جات جل کرراکھ ہوگئے عوامی وسماجی حلقوں نے ڈی سی اومیانوالی ،محکمہ جنگلات وائلڈلائف کے ارباب اختیارسے نوٹس لینے کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار)جماعت اہلسنت حنفی بریلوی کے معروف مذہبی راہنمامحمداسلم خان قادری آف غنڈی نے جامع مسجدعلی خان خیل پائی خیل میں عظمت اللہ خان علی خان خیل اورخان کماش خان علی خان خیل کی والدہ کے ایصالِ ثواب کے لئے منعقدہ قل شریف کی محفل سے خطاب کرتے ہوئے کہاکہ موت ایک اٹل حقیقت ہے جس کاذائقہ ہرذی روح چیزنے چکھناہے ۔خوش قسمت انسان وہ ہے جواپنی زندگی اللہ اوراس کے محبوبۖ کے احکامات کے مطابق گزارتاہے ۔قبرمیں بھی راحت پاتاہے میدان حشرمیں بھی اللہ کے محبوبۖکی شفاعت سے سرفرازہوگا۔مسلمان بھائیو!یہ زندگی فانی ہے ۔اللہ پاک کی بندگی بجالائواس کے محبوبۖکی ذات بابرکات پردرودوسلام کانذرانہ صبح شام پیش کیاکروتاکہ جب ہماراوقت نزع آئے توغیب کی طرف سے یہی آوازآئے ”اے اطمینان پانے والی نفس آجااپنے رب کی طرف وہ تجھ سے راضی تواس سے راضی ہوجا”۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار)نواحی علاقہ سوانس میں گرلزہائی سکول نہ ہونے سے طالبات حصولِ زیورتعلیم سے محروم تفصیلات کے مطابق نواحی علاقہ سوانس میں لڑکیوں کی تعلیم کے لئے گورنمنٹ گرلزایلمنٹری سکول موجودہے ۔جو20سال کاعرصہ گزرجانے کے باوجوداَپ گریڈنہ ہوسکا۔آٹھویں کلاس کاامتحان پاس کرنے کے بعد طالبات کودوردارزکے علاقو ں میں تعلیم کے حصول کے لئے جاناپڑرہاہے۔جس سے نادارغریب والدین اورطالبات کوشدیدمشکلات کاسامناکرناپڑرہاہے۔علاقہ کی معروف سماجی شخصیاتطارق سوانسی،عبدالرحیم،فیضان علی ،غلام حیدرسیالوی نے رکن قومی اسمبلی ایم این اے حاجی عبیداللہ خان شادی خیل،ڈی سی اومیانوالی اورای ڈی اوایجوکیشن میانوالی سے سکول کی اَپ گریڈیشن اوردیگربنیادی سہولیات کی فراہمی کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) ویگن سٹاپ ریلوے اسٹیشن پائی خیل اسٹیشن کے مقام پرمسافرخانہ نہ ہونے سے شہریوں کوشدیدمشکلات کاسامنا،تفصیلات کے مطابق میانوالی،بنوں کالاباغ روڈپرقدیمی ریلوے اسٹیشن پائی خیل کے ویگن سٹاپ پرمسافرخانہ نہ ہونے سے مسافروں،طلباء وطالبات کوشدیدمشکلات کاسامناکرناپڑرہاہے۔حالانکہ مسافرخانہ کی جگہ موجودہے جس پرقبضہ مافیاگروپ نے تجاوزات قائم کررکھی ہے۔میانوالی جانے والے مسافر،طلباء وطالبات مین روڈکے کنارے دھوپ میں کھڑے ہوکربسوں اورکوچزکاانتظارکرتے ہیں۔علاوہ ازیں کئی مسافربسوں اورکوچزکے انتظارمیں ہوٹلوں اوردکانوں پربیٹھنے پرمجبورہیں ۔ باپردہ خواتین جنہیں مین روڈکے کنارے دھوپ میں یاہوٹلوں کے سامنے کھڑے ہونے پرمجبورہیں۔عوامی وسماجی حلقوں کے علاوہ میاں ظہوراحمد،غلام رسول خان،محمدشفاء اللہ،حافظ عاقل خان ودیگرنے ممبرقومی اسمبلی حاجی عبیداللہ خان شادی خیل،ڈی سی اومیانوالی سے ویگن سٹاپ پائی خیل ریلوے اسٹیشن کے مقام پرمسافرخانہ کاقیام عمل میں لائے جانے کامطالبہ کیاہے۔
آئی ایس او نے سال رواں کو احیاء اقدار اسلامی کے نام سے منانے کا اعلان کر دیا
اسلام آباد کا امن و امان خراب کرنے کے ذمہ دار عمران خان ہیں : حاجی قیصر امین بٹ