پاکستان میں رائج نظام اور اسے چلانے والے ترقی کی راہ میں رکاوٹ ہیں، ملک ریاض

Malik Riaz

Malik Riaz

اسلام آباد (جیوڈیسک) بحریہ ٹاؤن کے سربراہ ملک ریاض کہتے ہیں کہ ملک میں رائج نظام اور اسے چلانے والے اس کی ترقی میں رکاوٹ ہیں اس لئے جب تک نظام چلانے والے ٹھیک نہیں ہوں گے جسے مرضی حکمران بنالیں ملک ٹھیک نہیں ہوگا۔

اسلام آباد میں تقریب سے خطاب کے دوران ملک ریاض نے کہا کہ جو قومیں بحرانوں سے نہیں نکل سکتی وہ ترقی نہیں کرسکتی، پاکستان کو لیڈر چاہیے حکمران نہیں، پاکستان میں ڈیم بنناشروع ہوجائیں تو بہت سےمسائل حل ہوجائیں گے اور لوگ سیلاب سے مرنا بند ہوجائیں گے، پاکستان میں پینے کا صاف پانی نہیں، بچے اسکول نہیں جاتے، پاکستان میں 8 کروڑ بچے تعلیم اور 4 کروڑ بچوں کو خوراک میسر نہیں۔

ملک ریاض نے کہا کہ وہ ملک میں 40 سال سے کاروبار کررہے ہیں، اس ملک کی ترقی میں صرف 2 رکاوٹیں ہیں ایک نظام اور دوسرا اس نظام کو چلانے والے، جب تک نظام چلانے والے ٹھیک نہیں ہوں گے جسے مرضی حکمران بنالیں ملک ٹھیک نہیں ہوگا، ہماری ملک میں ہربڑی بیماری موجود ہے۔

لیکن ان کا علاج نہیں ہے، ان سمیت ہر سرمایہ دار اور اہم شخصیت بیرون ملک علاج کے لئے جاتی ہے، اس پر پابندی ہوناچاہئے، ایک ہزار اور 5 ہزار کا نوٹ کرپشن بانڈ ہے اسے ملک سے ختم کردیا جائے،اسحاق ڈار 50 فیصد ٹیکس ختم کردیں۔