نئی دہلی (جیوڈیسک) روس نے پاکستان پر جماعت الدعوۃ اور لشکرطیبہ کے ساتھ تعلق کا بھارتی الزام مسترد کرتے ہوئے اس کی حمایت کرنے سے انکار کردیا ہے۔
بھارتی میڈیا رپورٹس کے مطابق بھارت نے برسبین میں فنانشل ایکشن ٹاسک فورس کے اجلاس میں پاکستان پر دہشت گردوں کی معاونت اور پشت پناہی کا الزام عائد کیا ،نیوزی لینڈ اور آسٹریلیا نے بھی پاکستان کا ساتھ دیتے ہوئے بھارتی اقدام کی مخالفت کی تھی۔ میڈیا رپورٹس کے مطابق ماضی میں سلامتی کونسل میں کشمیر سے متعلق قراردادوں کو تسلسل سے ویٹو کرنے اور بھارت کے مؤقف کی مسلسل حمایت کرنے والے روس کے اس رویے نے بھارت کو پریشانی میں مبتلا کردیا ہے۔
رپورٹس کے مطابق روس کا مؤقف تناظر کے بغیر نہیں ہے ،گذشتہ سال بھارت نے پاکستان کو اسلحہ فروخت کرنے کے ماسکو کے فیصلے پر ناراضی کا اظہار کیا تھا ، لیکن پاکستان ماسکو دفاعی معاہدے کا فیصلہ امریکا اور بھارت کے قریبی تعلقات کا ردعمل ہوسکتا ہے،روس سمجھتا ہے کہ پاک افغان خطے میں دہشت گردوں کا مقابلہ کرنے کیلئے اسے پاکستان کی ضرورت ہے۔
شنگھائی تعاون تنظیم پاک بھارت باہمی اعتماد بڑھانے میں مددگارہوگی، وزیراعظم نوازشریف
عراق، جنگی طیارے کی غلطی ، رہائشی آبادی پر بم گرا دیا