پاکپتن کی خبریں 16/3/2017

Pakpathan

Pakpathan

ُپاکپتن (ڈسٹرکٹ رپورٹر) شہریوں کو تفریحی سہولیات کی فراہمی کیلئے 19 مار چ بروز اتور کو فوجی گرائونڈ میں ایم پی اے الیون اور چیئرمین الیون کے درمیان دوستانہ کرکٹ میچ منعقد ہو گا ۔ایم پی اے الیون ٹیم کی کپتانی صوبائی پارلیمانی سیکرٹری لیبر وہیومن ریسورس پنجاب ، ایم پی اے پاکپتن میاں نوید علی کریں جبکہ چیئر مین الیون ٹیم کی کپتانی چیئر مین بلدیہ پاکپتن چوہدری مظفر اقبال کریں گے ۔ یہ دوستانہ میچ جشن بہاراں کے سلسلہ میں منعقد کیا گیاہے تاکہ پاکپتن کے شہر یوں کو صحت افزاء تفریحی مہیا کی جاسکے ۔میچ جیتنے کیلئے دونوں ٹیموں کے کھلاڑی پر عزم نظر آرہے ہیں۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ُپاکپتن (ڈسٹر کٹ رپورٹر) پاکستان تحریک انصاف کے ضلعی رہنما ملک محمد اشر ف نے کہاہے کہ شریف خاندان نے پاکستان کی غریب عوام کو مہنگائی کے سوائے کچھ نہیں دیا، حکمران عوام کو ریلیف فراہم کرنے میں بری طرح ناکام ہوچکے ہیں، حکمرانوں کی کرپشن کیخلاف آواز اٹھا رہے ہیں ، شریف خاندان کی کرپشن نے پاکستان کو مقروض بنادیاہے ، پاکستان کا روشن مستقبل نوجوان نسل آج ہاتھوں میں ڈگریاں اٹھا ئے نوکریوں کی تلاش میں دھکے کھاتے پھررہے ہیں۔ملک محمد اشرف نے کہا کہ حکمرانوںنے پاکستان پر جمہوریت کے نام پر اپنی بادشاہت مسلط کر رکھی ہے ، ٹوٹی پھوٹی سڑکیں حکمرانوں کی کارکردگی کا منہ بولتا ثبوت ہیں، حکمرانوں کی کرپشن کے باعث آج کسی ادارے سے رشوت اور سفارش کے بغیر کام نکلوانا ناممکن ہو چکا ہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ُپاکپتن (ڈسٹر کٹ رپورٹر)پاکپتن کی عوام سوئی گیس ہونے کے باوجود لکڑیاں جلانے پر مجبورہوگئی ۔بتایاگیاہے کہ محکمہ سوئی گیس نے پاکپتن میں گیس کی بندش کو معمول بنا لیا شام ڈھلتے ہی پوری رات کے لیے گھریلو صارفین کی گیس بند کر دی جاتی ہے جس سے شہریوں کو بے پناہ مشکلات کا سامنا کرنا پڑ رہا ہے مختلف شخصیات نے میڈیا کو بتایا کہ گیس کی بندش سے ان کے گھروں کے چولہے ٹھنڈے پڑ گئے ہیں صبح بچے ناشتہ کیے بغیر سکول جانے پر مجبور ہیں اور رات کو بھی جب گھر جاتے ہیں تو لکڑیاںہی جلانا پڑتی ہیں شہریوں نے اعلیٰ حکام سے نوٹس لیکر گیس کی بندش کو فی الفور بند کروانے کا مطالبہ کیا ہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ُپاکپتن (ڈسٹر کٹ رپورٹر) 10 افراد کا دربار حافظ قطب الدین پر قبضہ کی کوشش،سامان لے کر فرار۔بتایاگیاہے کہ گائوں 21/Eb کے رہائشی محمد ریاض کے دادا کے دربار حافظ قطب الدین پر ابراروغیرہ 10 افراد نے قبضہ کی کوشش کرتے ہوئے دربار سے اینٹیں اور دیگر سامان لوڈکر کے فرار ہو گئے۔پولیس نے مقدمہ درج کرلیاہے۔۔۔۔

سید حسن عباس بخاری ڈسٹر کٹ رپورٹر پاکپتن