پاکپتن (پیر توقیر رمضان سے) ضلع کونسل پاکپتن کا پہلا بجٹ اجلاس شدید ہنگامہ آرائی کی نظر،ممبران کی ایک دوسرے کو گالیاں ، چیئرمین گروپ کی حاضری نامکمل، بجٹ فیل ، اپوزیشن گروپ اورممبران گتھم گتھا، حاضری رجسٹرڈ ایک دوسرے سے چھیننے کی کوششیں، حاضری رجسٹرڈی او سی کے حوالے، اپوزیشن ممبران الجھنے والے آوٹ سائیڈروں کے خلاف کاروائی کے لئے اپو زیشن نے در خواست جمع ۔بتایاگیاہے کہ ضلع کونسل پاکپتن کا پہلا بجٹ اجلاس کنونیئر وائس چیئرمین اسلم ہو تیانہ کی صدارت میں شروع ہی ہوا تھا کہ اپو زیشن ممبر میاں اسلام جو ئیہ نے نشاندہی کی کہ کچھ ممبران اجلاس میں موجود ہی نہیں ہیں مگر حاضری رجسٹرمیں انکی حاضری لگا دی گئی ہے چیئر مین ضلع کونسل اس بات کو واضح کریں کہ ایسا کیو ںکیا گیا ہے اس دوران جلدی جلدی میں ضلع کونسل کے ایک اہلکار نے تفصیلات بیان کئے بغیر مختصر الفاط میں بجٹ پیش کر دیا تو چیئر مین ضلع کونسل گروپ نے پاس پاس کرواکر اجلاس کو ختم کر کے باہر چلے گئے تو اپو زیشن انھیں دیکھتے ہی رہ گئی جس پر اپو زیشن ارکان نے رجسٹرد حاضری قبضہ میں لے لیا اس دوران چیئر مین گروپ کے ممبر احمر عباس ہوتیانہ اور اپو زیشن گروپ کے ممبر منے شاہ میں تلخ کلامی ہو گئی جس کے بعد گالی گلوچ کا سلسلہ شروع ہو گیا اور ضلع کو نسل ہال مچھلی منڈی بن گیا چیئر مین گروپ اور اپوزیشن گروپ کے بعض ممبران بیچ بچاو میں مصروف ہو گئے ۔علاوہ ازیں تھانہ فرید نگر پو لیس بھی موقع پر پہنچ گئی جس کے بعد چیئر نین ضلع کونسل میاں اسلم سکھیرا اور اپو زیشن لیڈر خالد سعید خاں حاضری رجسٹرلے کر ڈپٹی کمشنر آفس پہنچ گئے اور رجسٹر ڈی او سی کے حوالے کر دیا ۔بعض ازاں ایڈیشنل ڈپٹی کمشنر عارف عمر عزیز نے دونوں اطراف سے دلائل سنے اپو زیشن کی طرف سے ایوان میں آوٹ سائیڈروں کی طرف سے ممبران کو گالیاں دینے اور دیگر الزا مات کے حوالے سے تحریری درخواست دی اپو زیشن کے خالد سعید خاں ،رانا غضنفر عباس، اسلام جو ئیہ ، خالد قطب چشتی ، رانا ارادت شریف ، عامر حیات بھنڈارہ نے کہا کہ چیئر مین ضلع کونسل کے پاس بجٹ پاس کروانے کی مطلوبہ تعداد موجود نہ تھی جس کے باعث انہوں نے بو گس حاضریاں لگوائیں اپو زیشن اکثریت میں تھی لہذا بجٹ منظور نہیں ہوا جبکہ چیئر مین گروپ کے شوکت علی کھچی ،احمر عباس ہو تیانہ، عمران وٹو و دیگر ممبران کا کہنا تھا کہ بجٹ پاس ہو گیا ہے اپو زیشن بلا جواز شور کر رہی ہے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) تھانہ چک بیدی پولیس نے چار رکنی بین الاضلاعی ڈکیتی گروہ گرفتار کرکے تقریباً50 لاکھ مالیتی کار، ڈالہ، مویشی اور موٹر سائیکلیں بر آمد کر لیں۔ ان خیالات کا اظہار ایس ایچ اوتھانہ چک بیدی عابد حسین بھلہ نے میڈیا سے گفتگو کے دوران کیا۔ انہوں نے بتایا کہ ڈسٹرکٹ پولیس آفیسر کامران یوسف ملک کی ہدایت پر پولیس نے علاقے میں راہزنی ڈکیتی کی وارداتیں کرنیوالے بین الاضلاعی گروہ کے سرغنہ اکرم عرف اکری جوئیہ ،ارباب سنی، لطیف پاولی اور ظفر کالیا کو جدید ٹیکنالوجی کی مدد سے گرفتار کرکے ان کے قبضہ سے وارداتوں کے دوران استعمال ہونیوالا تقریباً 50 لاکھ مالیتی جدید اسلحہ ،کار،ڈالہ،مویشی اور موٹرسائیکلیں بر آمد کر لیںہیں، ملزمان نے دوران تفتیش 30 سے زائدوارداتیں کرنے کا انکشاف کیا ہے جن کی مزید تفتیش جاری ہے۔انہوں نے بتایا کہ ملزمان ضلع اوکاڑہ کے رہائشی تھے جو اوکاڑہ ، ساہیوال اور پاکپتن کے دوران وارداتیں کرتے تھے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) سیکورٹی انتظامات کے باوجود سستے بازار وں کا انعقاد روکنے پر دکانداروں کا ضلعی انتظامیہ اور پولیس کیخلاف ڈی سی او آفس کے سامنے احتجاجی دھرنا نعرے بازی۔ بتایاگیاہے کہ عارفوالا اور قبولہ کے دکانداروں نے انتظامیہ اور پولیس کی طرف سے سیکورٹی انتظامات کو آڑ بنا کر سستے بازاروں کا انعقاد روکنے پر درجنوںدکانداروں نے ڈی سی او آفس کے سامنے احتجاجی دھرنا دے کر انتظامیہ اور پولیس کیخلاف شدید احتجاج کرتے ہوئے کہا کہ انتظامیہ کی طر ف سے کہا گیا تھا کہ بازاروں سیکورٹی انتظامات کیے جائیں ہم نے اپنی مدد آپ کے تحت بازاروں کے سیکورٹی انتظامات کیے جس کے باوجود انتظامیہ ہمیں بازار لگانے نہیں دے رہی جو سراسر ظلم کے مترادف ہے ، پولیس اور ضلعی انتظامیہ ہمارے بچوں کے حلال رزق میں رکائوٹ بن چکی ہے ،بازاروں کا انعقاد نہ ہونے پر ہمارے گھروں کے چولہے ٹھنڈے پڑ گئے ہیں۔انہوں نے مطالبہ کیا کہ ہمیں فوری بازار لگانے کی اجازت دی جائے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) تین مسلح ڈاکوئوں نے شہری سے پانچ لاکھ کی نقدی چھین کرفائرنگ کرکے زخمی کردیا،پولیس تھا نہ فرید نگر وارداتوں کا تسلسل روکنے میں بری طرح ناکام، واردات کا مقدمہ تا حال درج نہ ہوسکا۔بتایاگیاہے کہ ساہیوال روڑ پر 3 ڈاکوؤں نے دن دھاڑے موٹرسائیکل شوروم کے مالک محمد شریف سے اسلحہ کی نوک پر 5 لاکھ روپے چھین لیے اور ڈاکوؤں نے مزاحمت پر محمد اکرام کو فائر مار کر زخمی کردیا۔ پولیس تھانہ فرید نگر وارداتوں کا تسلسل روکنے میں بری طرح ناکام ہوچکی ہے تاحال واردا ت کا مقدمہ درج نہ ہو سکا۔۔۔۔۔
آنکھیں قدرت کا بہترین عطیہ ہیں، چوہدری اکمل کسانہ
سول عدالت جہلم کی نئی عمارت میں موسم بہار کی شجرکاری مہم 2017 کا افتتاح