پاکپتن کی خبریں 30/1/2017

Pakpattan

Pakpattan

پاکپتن (ڈسٹرکٹ رپورٹر) نجی ٹی وی کی طرف سے پاک فوج کی کردار کشی کی مہم چلانے کیخلاف کسان اتحاد کی احتجاجی ریلی،مالکان کے خلاف نعرے بازی،مقدمہ درج کرنے کا مطالبہ۔بتا یا گیاہے کہ نجی ٹی وی کی طرف پاک فوج کی کردار کشی پر مہم چلانے پر کسان اتحاد نے پنجاب کے صدر چوہدری رضوان اقبال،سیکرٹری اطلاعات چوہدری محمد اشرف، میاں عبدالرحمن وٹو، اختر خان بلوچ کی قیادت میں کسانوں نے جیو ٹی وی کیخلاف احتجاجی ریلی سیرگاہ سے شروع ہو کر نگینہ چوک پراختتام پذیر ہوئی ۔کسانوں نے پاک فوج زندہ باد کے او رمودی کا جو یار ہے غدار ہے غدار ہے کے نعرے لگا ئے۔ مظاہرین سے خطاب کرتے ہوئے مقررین نے کہا کہ پاک فوج ہمارا مان ہے ، نجی ٹی وی شروع سے ہی پاک فوج کے مخالفت کرتا ہے اور اب بھی پاک فوج کی کردار کشی پر مہم چلا رہا ہے ۔مقررین نے نجی ٹی وی کے مالکان کیخلاف اندراج مقدمہ کا مطالبہ کرتے ہوئے کہا ہے کہ جیو ٹی وی کے مالکان نے پاک فوج کی کردار کشی پر مہم چلا کر وطن دشمنی کا ثبوت دیا ہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (نامہ نگار) SDO کینال پاڑہ میاں عدن ضیاء نے کہا ہے کہ محکمہ کینال کی طرف سے پانی چوری کرنے والوں کیخلاف سخت کاروائی عمل میں لائی جارہی ہے جس کے باعث پانی چوری ہونے کے واقعات میں نمایاں کمی واقع ہوئی ہے۔انہوں نے کہا کہ ملکہ ہانس نہر کو پختہ کنکریٹ بنانے کے لیے حلقہ کے ایم این اے سردار منصب علی ڈوگر کی خصوصی کاوش کے نتیجہ میںPC1 کے تحت12 کروڑ 47 لاکھ کی گرانٹ منظور کر وا کر ٹینڈر بھجوا دیئے گئے ہیں جس پر بہت جلد کام شروع کر وا کر 2018 جون میں نہر کو مکمل طور پر پختہ بنا دیا جائے گا ۔ جس کے جہاں پانی چوری ہونے کے واقوات میں کمی واقع ہوں گی وہیں اہلیان علاقہ اور زمینداروں کو بہت ریلیف ملے گا۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (نامہ نگار) ڈکیتی کی واردات کے دران چار نامعلوم مسلح افرا دنے اسلحہ کی نوک پر مقامی صحافی کے بھائی سمیت متعدد شہریوںکو لوٹ لیا،مزاحمت پر فائرنگ سے دو افراد زخمی ۔بتا یا گیاہے کہ مقامی صحافی افتخاربھٹی کا چھوٹا بھائی طارق بھٹی سبزی وفروٹ منڈی جارہاتھا راستے میں چار نامعلوم مسلح افراد نے اسلحہ کی نوک پر لوٹ لیااسی دوران میونسپل کمیٹی کے ملازم سلیم بھٹی اوردیگر راہگیروں نے بھاگ کراپنی جان بچائی۔گائوں ہیڈ کمہاریوالا15ایس پی کے قریب ڈاکووں نے ناکہ لگا کر مسافروں کوباندھ کرلوٹ کیا نقدی اورموبائل فون لوٹ لے۔مزاحمت پرڈاکوئوں نے فائرنگ کر دی جس سے 45 سالہ غلام مصطفی اور 28 سالہ محمد افضل شدید زخمی ہو گئے جو کوتشویشناک حالت کے باعث ڈی ایچ کیو منتقل کر دیا ہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (نامہ نگار) ناجائز تعلقات سے منع کر نے پر بیوی نے آشناکے ساتھ مل کر شوہر کو موت کے گھاٹ اتار دیا۔بتا یا گیاہے کہ گائوں 39/Eb کے رہائشی اللہ بخش کی بیوی ملزم بشیراں بی بی نے ملزم اللہ دتہ کے ساتھ ناجائز تعلقات بنا رکھے تھے اللہ بخش نے اپنی بیوی اور ملزم اللہ دتہ کی ناجائز تعلقات بنانے پر بے عزتی کی جس کی رنجش پر ملزم خاتو ن بشیراں بی بی نے اپنے آشنا ملزم اللہ دتہ اور دیگر تین ساتھیوں کے ہمراہ مل کر اپنے شوہر اللہ بخش کو اسلحہ کی نوک پر گلا دبا کر قتل کر دیا ۔اہل خانہ کے بیدا ر ہونے پر خاتون اپنے دیگر ساتھیوں کے ہمراہ فرار ہو گئی۔ پولیس نے مقتول اللہ بخش کے داماد محمد ممتاز کی رپورٹ بشیراںبی بی وغیرہ پانچ افراد کیخلاف مقدمہ درج کرلیاہے۔۔۔۔۔