پاکپتن (ڈسٹرکٹ رپورٹر) نصابی سرگرمیوں کے ساتھ ساتھ غیر نصابی سرگرمیاں بھی بچوں میں چھپے ہوئے ٹیلنٹ کو ابھارنے کیلئے بہت ضرور ی ہیں، سپورٹس ایکٹیویٹیز سے بچوں میں ٹیلنٹ نکھر کر سامنے آجاتا ہے اور ان میں مقابلوں میں مثبت رحجان کو ابھارنے کی ضرور ت ہے تاکہ ہمارے یہ مستقبل کے معمار غیر نصابی سرگرمیوں میں بھی دنیا میں پیچھے نہ رہیں اور کل کو ہمارے نوجوان میدانوں میں اپنی قابلیت کا جوہر دکھا کر پاکستان کا نام روشن کریں۔ ان خیالات کا اظہار دی یونیورسٹی آف لاہور پاکپتن کیمپس کے پریذیڈنٹ پیر الطاف حسین چشتی نے یونیور سٹی میں 7 روزہ سپورٹس گالہ کی افتتاحی تقریب سے خطاب کے دورا ن کیا۔ اس موقع پر فکیلٹی و سٹاف اور طلبہ کثیر تعداد میں موجود تھے۔انہوںنے کہا کہ ہمارے بچوں میں ٹیلنٹ کی کوئی کمی نہیں ہے صرف انہیں تراشنے کی ضرورت ہے، صحت مند جسم صحت مند معاشرہ کی بنیاد ہے نصابی سرگرمیوں کے ساتھ ساتھ ہم نصابی سرگرمیوں سے طلباء وطالبات کی بہتر ین تربیت ممکن ہے جدید دنیا کی دوڑ میں ایک ترقی حاصل کرنے کیلئے ہمیں اپنے طلباء و طالبات کو کھیلوں کی طرف راغب رکھنے میں اپنا بنیادی فرض ادا کرنا ہے اس سے بچوں کی جسمانی نشوونما کے ساتھ دماغی صلاحیتوں میں بھی اضافہ ہوتا ہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) مسلم لیگ (ن) کے ایم این اے سردار منصب علی ڈوگر نے کہا کہ مسلم لیگ (ن) کا مقصد خوشحال اور پرامن پاکستان ہے، اور اس مقصد کے حصول کیلئے مسلم لیگ (ن) کی حکومت نے وزیراعظم نوازشریف کی قیادت میں دن رات محنت کرر ہے ہیں،پاکستان مسلم لیگ(ن) نے حکومت کے دوران عوام کی بے لوث خدمت کی ہے اور پاکستان کو مسائل کے گرداب سے نکال کرترقی کی راہ پر گامزن کرنے کی مخلصانہ کاوشیں رنگ لارہی ہیں۔انہوں نے کہا کہ عمران خان کو ملکی ترقی پسند نہیں ہے ، عمران خان کو صرف اورصرف الزام لگانے آتے ہیں ،تحریک انصاف چوں چوں کا مربہ ہے،میاں محمد نواز شریف کی قیادت میں پاکستان ترقی کی منازل تیزی سے طے کر رہا ہے ۔ منصب ڈوگر نے کہا کہ مسلم لیگ (ن) کا ایجنڈا خوشحال پاکستان ہے جس سے ہم کبھی پیچھے نہیں ہٹیں گے،عمران خان کو چاہیے کہ ہوش کے ناخن لیں اور پاکستانیوں کے مستقبل سے کھیلنا چھوڑ دیں وہ اپنے مقاصد میں کبھی کامیاب نہیں ہوں گے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) بیرون ملک گئے طالب علم کی جگہ پر سپریٹنڈنٹ کی مدد سے چار پرچہ دینے والا بی ایس سی کا طالب علم پانچوے پرچے میں پکڑا گیا۔ بتایاگیاہے کہ گورنمنٹ فاضلکا اسلامیہ سکول میں میٹرک کے امتحانات کے دوران ملزم ثاقب جو کہ بی ایس سی کا طالب علم تھا محمد اعظم کی جگہ پر سپریٹنڈنٹ کی مدد سے امتحانات دے تھا جو چار امتحانات دے چکا تھا جس کو گورنمنٹ ہائی سکول فاضلکا کے ہیڈماسٹر نے بانچوے امتحان میں پکڑ لیا ۔علاوہ ازیں ملزم ثاقب جس کی جگہ پر امتحا ن دے رہا تھا وہ لڑکا گزشتہ سال سے بیرون ملک گیا ہوا ہے۔ پولیس نے مقدمہ درج کرلیاہے۔۔۔۔
نیشنل کوچنگ سینٹر کراچی میں منعقدہ مرد و خواتین جونیئر جوڈو کیمپ
لاہور : عمرہ کی سعادت حاصل کرنے والوں کی روانگی کے موقع کی تصویری جھلکیاں