پاکپتن کی خبریں 24/1/2017

PTI

PTI

پاکپتن (ڈسٹرکٹ رپورٹر) پاکستان تحریک انصاف کے PP-228 سے ٹکٹ ہولڈر میاںمظہر فرید وٹو نے کہا ہے کتحریک انصاف کی سیاست میں آنے کی وجہ یہ تھی کہ سیاسی جماعتوں کو اس وقت کرپشن ختم کرنے میں کوئی دلچسپی نہیں تھی، تحریک انصاف کی بنیاد ہی کرپشن کے خلاف رکھی گئی تھی،پاناما کا معاملہ پارلیمنٹ میں حل ہونا چاہیے تھا ۔انہوں نے کہا کہ شریف خاندان کی کرپشن میں ملک میں افرا تفری مچا رکھی ہے ، ملک میں بڑھتی ہوئی کرپشن معیثت کی جڑوں کوکھوکھلا کر رہی ہے ، پانامہ لیکس حکمرانوں کی کرپشن کا منہ بولتا ثبوت ہے، حکمرانوں نے ملکی مالیتی کے اداروں کو مقروض بنا دیا ہے ،آج کسی ادارے میں رشوت کے بغیر کام نہ ہونا بلاشبہ حکمرانوں کی کرپشن کا نتیجہ ہے،حکمرانو ں کو ثابت ہونیوالی کرپشن کا خمیازہ بھگتنا پڑے گا،تحریک انصا ف حکمرانوں کی کرپشن کیخلاف کھڑی ہے۔مظہر فرید نے بتا یا کہ تحریک انصاف کے چیئر مین عمران خان ملک میں مہنگائی،کرپشن ،لوڈشیڈنگ کے خاتمہ کیلئے جدوجہد کر رہے ہیں۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)ٹریفک پولیس کی عدم دلچسپی کے باعث شہر بھر کے ٹریفک مسائلوں میں اضافہ،شہری پریشان،حادثات معمول بن گے۔ بتا یا گیا ہے کہ ٹریفک پولیس کی عدم دلچسپی کے باعث پاکپتن اور گرد ونواح میں ٹریفک مسائلوں میں دن بدن شدید اضافہ ہو رہا ہے ،شہر بھر میں جگہ جگی ٹریفک جام ہو نا اور حادثات روز مرہ کا معمول بن چکے ہیں ۔جس سے شہریوں کو شدید پریشانی کا سامنا کر نا پڑ رہا ہے ۔پاکپتن میں ٹریفک کا جگہ جگہ جام ہو نا اور ٹریفک حادثات ٹریفک پولیس کی عدم دلچسپی کی وجہ سے معمول بننے پر شہریوں نے سراپا احتجاج بنتے ہوئے کہا کہ ٹریفک پولیس عدم دلچسپی کے باعث پاکپتن شہر ٹریفک کا مسائلستان بن چکا ہے ،ٹریفک پولیس مسائلوں کے خاتمہ کیلئے اقدامات کرنے کی بجائے خاموش تماشائی بن چکی ہے ،ٹریفک پولیس کی طرف سے ٹریفک مسائل کے خاتمہ کیلئے کسی قسم کی کوشش عمل میں نہیں لائی گئی ہے۔ انہوں نے ارباب اختیار سے نوٹس لیکر ذمہ داروں کیخلاف کاروائی کا مطالبہ کیاہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)4 مسلح افراد نے اسلحہ کی نوک پر دیہاتی کو اغواء کر لیا۔بتا یا گیاہے کہ گائوں عبدالستار کا بیٹا علی احسان ٹریکٹر پر آلو لوڈ کرکے پاکپتن فروخت کرنے کیلئے آرہا تھا کہ گائوں 30/Sp کے قریب چوہدر ی مدثر وغیرہ چا ر مسلح افراد نے اسلحہ کی نوک پر علی احسان کو اغواء کر لیا۔ پولیس نے مقدمہ درج کرلیاہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)تیز رفتار بس کی موٹر سائیکل کو ٹکر، بیوی جاں بحق،شوہر شدید زخمی۔بتا یا گیا ہے کہ گائوں سہوامل کا رہائشی مسعود احمد اپنی بیوی روبینہ بی بی کے ہمراہ دوائی لے کر جارہے تھے کہ جب مرلے چوک پہنچے تو سامنے سے تیز رفتار بس ڈرائیور نے مسعوداحمد کی موٹرسا ئیکل کو ٹکر ماری جس کے نتیجہ میں مسعود احمد کی بیوی روبینہ بی بی اور مسعود احمد شدید زخمی ہو گئے جبکہ روبینہ بی بی زخموں کی تاب نہ لاتے ہوئے موقع پر جاں بحق ہو گئی نامعلوم بس ڈرائیور موقع سے فرار ہو گئے ۔پولیس نے نامعلوم بس ڈرائیور کیخلاف مقدمہ درج کرلیاہے۔۔۔۔۔