پاکپتن کی خبریں 10/1/2017

Pakpattan

Pakpattan

پاکپتن (ڈسٹرکٹ رپورٹر) پاکستان کسان اتحاد پنجاب کے صدر چوہدری رضوان اقبال نے کہا ہے کہ حکومت نے کسان دشمنی کا ثبوت دیتے ہوئے زرعی کھادوں پر حکومت کی طرف سے دی جانیوالی سبسڈی کو نوٹیفکیشن کینسل کر دیا ہے جس کی وجہ سے کسانوں کو فصلوں کی کاشت کیلئے اب سستی کھادیں پھر دوبارہ مہنگے داموں میں ملیں گی،حکومت کے اس کسان دشمن اور زراعت دشمن فیصلہ کی بھر پور مذمت کرتے ہیں ۔انہوں نے کہا ہے کہ پہلے ہی کسان حکومت کی زراعت دشمن پالیسیوں کی وجہ سے تباہ حالی کا شکار ہے،پاکستان کی معیثت میں ریڑھ کی ہڈی کی حیثیت رکھنے والے شعبہ زراعت کو جان بوجھ کرتباہ کیاجا رہا ہے۔رضوان اقبال نے کہا کہ حکومت فوری طور پر زرعی کھادوں پر دی جانیوالی سبسڈی بحال کرے ،اگر حکومت نے سبسڈی بحال نہ کی تو کسان مجبوراً احتجاج کا راستہ اختیار کرتے ہوئے پنجاب اسمبلی کا گھیرائو کرکے احتجاج کرنے پر مجبور ہوجائیں گے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) حکومتی اعلانات کے برعکس میپکو کی غیر اعلانیہ بدترین لوڈشیڈنگ عروج پر،شہری پریشان۔بتا یا گیاہے کہ حکومت پاکسان کی طرف سے لوڈشیڈنگ کے خاتمہ اور اس پر قابو پانے کا اعلان کیا گیا ہے لیکن پاکپتن اور گرد ونواح میں اس کے برعکس محکمہ میپکو نے بغیر اطلاع کے بدترین لوڈشیڈنگ معمول بنا لیا ہے ،میپکو کی لوڈشیڈنگ سے شہریوں کو شدید مشکلات کا سامنا ہو رہا ہے، رات بھر بجلی نہ ہونے کی وجہ سے پاکپتن شہر اندھیروں میں ڈوب چکا ہے، جس کیخلاف شہریوں نے سراپا احتجاج بنتے ہوئے کہا ہے کہ حکومت نے لوڈشیڈنگ پر قابو پا کر لوڈشیڈنگ کے خاتمہ کا اعلا ن کیا تھا لیکن پاکپتن میں اسکے بر عکس شدید لوڈشیڈنگ جاری ہے ،حکومت ایسے اعلانات ہی کیوں کرتی ہے جس پر عمل درآمد کر وا نا حکومت کے لیے مشکل ہے ۔انہوں نے پاکپتن اور گرد ونواح میں بجلی کی فوری بحالی کا مطالبہ کیاہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) محکمہ جنگلات کی نہر سہاگ پاڑہ سے کروڑوں روپے کی لکڑی چوری ملازمین کے خلاف درخواست سست روی کا شکار ڈی ایف او جنگلات بھی برابر کا حصہ دار نکلا۔تفصیلات کے مطابق سماجی راہنماسید نسیم عسکری کی درخواست پرایک ماہ گزرنے کے باوجود کاروائی نہ ہوسکی ذرائع سے پتا چلاہے کہ سہاگ پاڑہ نہر سے کروڑوں روپے کی لکڑی چوری ملازمین محکمہ جنگلات کے گارڈ وحید اور بلاک آفیسر نے اونے پونے درخت فروخت کر کے ان کے جعلی نمبر پلانٹیشن والے درختوں کو لگا دیے تھے جس کی درخواست کاروائی کے لیے ایک ماہ قبل ڈی ایف او کو دی جس پر کاروائی نہ ہوسکی بلکہ ملازمین نے موقف دیتے ہوئے کہاکہ ڈی ایف او سمیت اعلی آفسیران کو برابر کا حصہ دیتے ہیں اس لیے ہمارے خلاف کاروائی نہیں ہوسکتی ۔درخواست گزار نسیم عسکری نے صوبائی وزیر جنگلات لاہور اور سیکٹر یری جنگلات لاہور سے کاروائی کا مطالبہ کر دیا ۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) چوری ڈکیتی کی وارداتوں میں متعدد افراد لٹ گئے۔بتا یا گیاہے کہ ریلوے روڑ پر محمد صابر مقصود بسم اللہ میڈیکل سٹور پر موجود تھے کہ اچانک 3 نامعلوم مسلح افراد آگئے جنہوں نے اسلحہ کی نوک پر 600000 مالیتی کا سامان چھین لیا۔ گائوں74/D کے رہائشی محمد اقبال کے گھر سے نذر فرید وغیرہ دو افراد 41000 مالیتی کا سامان چوری کر کے لے گئے۔گائوں واں دک سنگھ کے رہائشی نظام دین کے گھر سے بارش علی وغیر ہ پانچ افراد 60000مالیتی کی طلائی چوری کرکے لے گئے ۔پولیس نے الگ الگ مقدمات درج کر لیے ہیں۔۔۔۔