پیرس : ہندوستان عالمی امن کیلئے خطرہ بن چکا ہے، افضال چوہدری

Afzal Chaudhary

Afzal Chaudhary

پیرس (پی پی پی فرانس) پیپلز پارٹی آزاد کشمیر ونگ فرانس کے سینئر رہنما افضال چوہدری نے کہا کہ ہندوستان عالمی من کیلئے خطرہ بن چکا ہے آج بھارت کا مکروہ فریب میں لپٹا چہرہ پوری دنیا کے سامنے آ چکا ہے۔

وہ کشمیر پر غاصبانہ قبضے سے کسی صورت ہٹنے کیلئے تیار ہیں یہی وجہ ہے کہ وہ کنٹرول لائن پر اپنی مذموم حرکتوں کی وجہ سے آئے روز کبھی بلااشتعال فایرنگ اور کبھی دیوار برلن کی طرز پر تعمیر کرکے عوام میں اشتعال پیدا کر رہا ہے۔

آزاد کشمیر کا بچہ بچہ کٹ مرے گا لیکن کسی بھی صورت ایسی منحوس دیوار کی تعمیر نہیں ہونے دے گا انہوں نے مزید کہا کہ عالمی دنیا ثالثی کا کردار ادا کرتے ہوئے بھارت کو اس مذموم حرکت سے روکے تاکہ عالمی امن کو درپیش خطرات اور ایٹمی جنگ سے بچایا جا سکے۔

انہوں نے مزید کہا پیپلز پارٹی نے ہمیشہ کشمیریوں کی آزادی کیلئے ہر پلیٹ فارم سے آواز بلند کی ہے۔