کراچی (اسٹاف رپورٹر) عوام کو امن و تحفظ کی فراہمی کے ساتھ ارضی و سماوی اور قدرتی آفات کی تکالیف وپریشانیوں اور جانی و مالی نقصانات سے بچانا اور مصیبت کے اوقات میں عوام کی امدادو بحالی حکومت کا فریضہ ہوتا ہے۔
مگر افسو س کہ حکمران طبقات اپنے فرائض منصبی کو فراموش کرکے مفادات میں آگ ملک و قوم کو جلارہے ہیںجس کی وجہ سے عوامی سہولیات پر مامور ادارے بھی کرپشن کا شکار اور فرائض کی انجام دہی میں غفلت و کوتاہی کے مرتکب ہیں جس کی وجہ سے نہ صرف عوام بد ترین پریشانیوں اور تکالیف سے دوچار ہیں بلکہ قومی وحدت و استحکام بھی خطرات سے دوچار ہیں۔
محب وطن روشن پاکستان پارٹی کے قائد و چیئرمین امیر پٹی ‘سینئر وائس چیئرمین فاروق کمال’ وائس چیئرمین اسلم خان ‘ صدر محمد سلیمان راجپوت’ نائب صدر یونس سایانی ‘ سیکریٹری راجہ انور ایڈوکیٹ ‘فائنانس سیکریٹری اقبال ٹائیگر ‘ کراچی ڈویژن کے صدر اقبال چاند ‘ شعبہ خواتین کی سربراہ میڈم انیتا ‘ میڈم تبسم ناز کے ہمراہ میڈیا سے گفتگو کرتے ہوئے کہا کہ عوام کو ناقص حکمت عملی اور غفلت سے سیلابی تباہی سے دوچار کرنے والوں کو اب عقل و ہوش کے ناخن لیکر سیلاب متاثرین کی امدادو بحالی پر توجہ دینی چاہئے بصورت دیگر قوم ان کے احتساب کیلئے تیار بیٹھی ہے۔
فوج ہمیشہ کی طرح مثالی کردار ادا کر رہی ہے۔ سولنگی اتحاد
کراچی: وزیراعلیٰ سندھ کا بارشوں کے امکان پر مختلف علاقوں کا دورہ