عوام سے جو وعدے کئے تھے اس سے بڑھ کر تعمیر و ترقی کے لئے کام کر رہے ہیں

Posted on May 11, 2016 By Zulfiqar Ali سٹی نیوز

ترجمان ڈیرہ کوٹلہ چوہدری شفیق لنگڑیال نے گذشتہ روز میڈیا سے خصوصی بات چیت کرتے ہوئے کہا کہ اس وقت ہمارے حلقہ میں اربوں روپے کے ترقیاتی منصوبہ جات پر تیزی سے کام جاری ہے ہم نے اپنے حلقہ کے عوام سے جو وعدے کئے تھے الحمدللہ اُس سے بڑھ کر تعمیر و ترقی اور مسائل کے حل کے لئے کام کر رہے ہیں۔

ہم اپنے حلقہ میں ہر طرف سڑکوں کے جال بچھا رہے ہیں اور سب سے زیادہ ڈویلپمنٹ ہم نے حلقہ کے پسماندہ علاقوں میںکرائی ہے دیہاتوں کی سطح پر اور یونین کونسل لیول پر کام کیا جا رہا ہے۔ آج جس تیزی سے ترقیاتی کام ہو رہے ہیں اُس کی مثال اس سے قبل نہیں ملتی۔ حکومت نے صحت، تعلیم اور مواصلات کے شعبے میں سب سے زیادہ توجہ دی اس کے نتیجے میں آج گورنمنٹ کے اداروں کا بہترین معیار ہے۔

چوہدری شفیق لنگڑیال نے کہا کہ خدمت اور جمہوریت کے خلاف سازشیں کرنے والے ناکام ہوں گے حکومت اپنی مدت پوری کرے گی۔