پشاور بس بم دھماکے میں شہید ہونے والوں کی تدفین

Peshawar Blast

Peshawar Blast

پشاور (جیوڈیسک) پشاور میں بس کے اندر بم دھماکے میں شہید ہونے والوں کو ان کے آبائی علاقوں میں سپرد خاک کردیا گیا ہے۔

بس بم دھماکے میں شہیدہونے والے 6 شہدا محمد انعام ، ریاض خان، محمد اسماعیل، محمد سیف ، محمد ارشد اور شاہد علی کا تعلق مردان کی تحصیل تخت بائی سے تھا ۔ انہیں نماز جنازہ کی ادائیگی کے بعد آبائی علاقوں میں سپرد خاک کردیا گیا۔

مالاکنڈ ایجنسی تحصیل درگئی کے مختلف علاقوں سے تعلق رکھنے والے 3 شہدا حسین خان، ارشد علی اور محمد انور کی تدفین بھی کردی گئی ہے۔

شہدا کی نماز جنازہ میں پاک فوج کے حکام اور سیاسی و سماجی حلقوں سے تعلق رکھنے والے افراد نے شرکت کی۔