پائی خیل (نامہ نگار) سوانس :ٹربائن اورٹیوب ویل مالکان نے پانی فی گھنٹہ کے 1000 روپے ریٹ مقررکرکے کسانوں کی چمڑی ادھیڑکررکھی دی ۔تفصیلات کے مطابق نواحی علاقہ سوانس اور گردونواح میں بجلی اورڈیزل کی قیمتیں کم ہونے کے باوجودٹربائن اورٹیوب مالکان نے ریٹ کم نہیں کیے ۔پہلے کی طرح پانی فی گھنٹہ 900 اور 1000 روپے کے ریٹ وصول کرکے کسانوں کی چمڑی اُدھیڑرہے ہیں ۔عوامی وسماجی حلقوں کے علاوہ حاجی امیدبہار،کلیم اللہ خان ،شہزادخان ودیگرنے ڈی سی اومیانوالی سے اصلاح واحوال کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل(نامہ نگار)حضرت امام حسین کی قربانی لازوال ہے جس سے حق کے لئے ڈٹ جانے کادرس ملتاہے ۔ان خیالات کااظہارجماعت اہلسنت سٹی پائی خیل کے راہنماقاری آصف عنایت اللہ چشتی نے کیاانہوں نے کہاکہ اسوہ حسینی پرعمل پیراہوکرامت مسلمہ دنیاوآخرت میں سروخروہوسکتی ہے ۔ دین محمدی ۖ اخوت،محبت بھائی چارے ،اتفاق ،عدل وانصاف ،یگانگت اورامن وآشنی کاعلمبردارہے ۔کسی بے گناہ افرادکاناحق خون بہانہ حکم خداوندی سے کھلم کھلابغاوت ہے ۔عشرہ محرم الحرام میں تمام مسلمانوں کوبھائی چارے کی فضاء قائم رکھنے میں اپنا کردار ادا کرناچاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل(نامہ نگار) پائی خیل میں بجلی کی غیراعلانیہ آنکھ مچولی اورٹرپنگ نے صارفین کومشکلات میں ڈال دیاتفصیلات کے مطابق پائی خیل اورگردونواح میں بجلی کی دن رات غیراعلانیہ آنکھ مچولی اورٹرپنگ سے صارفین کی الیکڑک اورالیکٹرونکس اشیاء جلنے لگیںجبکہ بجلی کے آلات سے مزدوری کرنیوالوں کاچولھا ٹھنڈااور کاروبارزندگی کوبری طرح مفلوج کرکے رکھ دیا ہے ۔علاوہ ازیں شہریوں کوپینے کے لئے ،کسانوں کوٹیوب ویل اورٹربائن کے ذریعے کھیتوں کوپانی لگانے کی صورت میں شدیدمشکلات کاسامناکرناپڑرہاہے۔جس کے باعث واٹرسپلائی بند،مسجدوں میں وضوکے لئے پانی نایاب ،دیہاڑی دارطبقہ فاقوں کاشکار،مہنگائی میں کئی گنااضافہ ناداراورغریب طبقہ ڈپریشن کاشکارطلباء ذہنی اذیت میں مبتلاتاہم عوامی وسماجی حلقوںنے حکامِ بالا سے بجلی کی ظالمانہ لوڈشیڈنگ کادورانیہ کم کرنے اوربجلی کے تسلسل کامطالبہ کیاہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) پائی خیل اورگردونواح میں کپاس کی تیارفصل پرڈاکے کسان راتیں جاگ جاگ کر عاجز آ گئے تفصیلات کے مطابق پائی خیل ،ٹھٹھی شریف، ڈھیرامیدعلی شاہ ،گنداشریف،کوٹ بیلیاں،اتراکلاں،سوانس اور دیگرملحقہ علاقہ جات میں کپاس کی تیارفصل سے چورراتوں کوپُھٹی چن کررفوچکرہوجاتے ہیں اورصبح ہوتے ہی جب کسان پُھٹی چننے کے لئے اپنے کھیت میں جاتاہے توپُھٹی غائب پاکران کے ہوش وحواس اُڑجاتے ہیں ۔ کیونکہ کھاد،بیج ،پانی ،ہل اورزرعی سپرے کرکے لاکھوں روپے خرچ کرنے کے بعدفصل تیارہوتی ہے ۔اوران کی ذرائع آمدن کاواحدذریعہ یہی فصل ہوتی ہے ۔اوراس طر ح کسانوں نے فصل کے نقصانات سے بچنے کے لئے راتوں کوجاگ جاگ کراپنی نیندیں کھیتوں پرقربان کردی ہیں ۔کسانوں نے نامعلوم چوروں کے خلاف مئوثرکاروائی کے لئے ارباب اختیارسے فی الفورنوٹس لینے کامطالبہ کیاہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) پائی خیل اورمضافات میں بیٹرکی نسل ناپیدرہی سہی کسرغیرقانونی ٹیپ ریکارڈپرشکاریوں نے پوری کررکھی ہے ۔تفصیلات کے مطابق پائی خیل اورمضافات میں اِمسال بیٹرکی نسل ناپید ہوگئی ہے ۔کیونکہ غیرقانونی طورپرشکاریوں نے بیٹرکی نسل کشی میں کوئی کسرنہیں چھوڑی اب جبکہ پابندی کے باوجوددرجنوں سے زائدشکاری ٹیپ ریکارڈلگاکربیٹرپھانسنے میں مصروف ہیں اوراس کی نسل کُشی کی جارہی ہے ۔اسی وجہ سے معصوم پرندے بیٹرکے نسل نایاب ہوگئی ہے ۔اورمحکمہ وائلڈلائف کاروائی کرنے کے بجائے لمبی تان کرسوگئے ۔عوامی وسماجی حلقوں نے ڈی سی اومیانوالی ،ڈائریکٹرجنرل وائلڈلائف پنجاب اورمتعلقہ ارباب اختیارسے نوٹس لینے کامطالبہ کیاہے ۔
شاہ فیصل زون میں اسسٹنٹ کمشنر شاہ فیصل کی صدارت میں محرم الحرام کے انتظامات کے حوالے سے اجلاس
فیصل آباد کی خبریں 28/9/2016