پائی خیل کی خبریں 5/1/2017

Cow

Cow

پائی خیل (نامہ نگار) کوئی مانے یانہ مانے یہ ایک حقیقت ہے نواحی علاقہ ٹھٹھی شریف کے پولیس آفیسر انسپکٹر (ر) زاکم خان سمندخیل جوکہ بہت بڑے زمیندار بھی ہیں۔ان کے ہاں اپنی نوعیت کی منفردچھ تھنوں والی کراس نسل کی گائے موجودہے جوکہ کئی سالوں سے پال رکھی ہے ۔انہوں نے ایک ملاقات میں بتایاکہ گائے کے چھ تھن برابرہیں اوران میں دودھ برابرآتاہے اوراس گائے نے دوبچھڑیاں دی تھیں جوکہ ہم نے جوان کیں ان کے بھی چھ چھ تھن تھے جوکہ بعدمیں ہم نے بچھڑیاں بیچ دیں تھیں جبکہ گائے ہمارے پاس موجود ہے۔ گردونواح میں پتہ چلتے ہی گائے کودیکھنے والوں کا تانتا بندھ گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) یونین کونسل پائی خیل کی بلڈنگ میں شہریوں کوصاف پانی کی فراہمی کاواحدواٹرفلٹریشن پلانٹ بند،لاکھوں کی مشینری زنگ آلودہونے لگی تفصیلات کے مطابق پائی خیل کے عوام کوصاف اورصحت مندپانی کی فراہمی کے لئے یونین کونسل پائی خیل کی بلڈنگ میں لاکھوں روپے مالیت کالگائے جانے والاواحدواٹرفلٹریشن پلانٹ جوکہ تھوڑے عرصہ کے لئے چالوکیاگیاتھالیکن اب جبکہ نامعلوم وجوہ کی بناء پراسے بندکردیاگیاہے۔جس سے لاکھوں روپے کی مشینری زنگ آلودہونے لگی ہے اورشہری صاف شفاف پانی پینے سے محروم ہوگئے ہیں عوامی حلقوں نے ضلعی انتظامیہ اورمحکمہ پبلک ہیلتھ انجینرنگ کے ارباب اختیارسے یونین کونسل پائی خیل میں لگے واٹرفلٹریشن پلانٹ کوفعال کرنے کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) عوامی وسماجی حلقوں نے کہاہے کہ سٹی پائی خیل میں سٹریٹ لائٹس نصب کی جائیں ۔کیونکہ سرکاری عمارات یونین کونسل ،پوسٹ آفس ،ریلوے پھاٹک کے علاوہ مین بس سٹاپ ،مین شاہراہوں اورگلیوں میں سٹریٹ لائٹس نہ ہونے سے سورج ڈھلتے ہی پوراشہر اندھیرے میں ڈوب جاتاہے ۔اندھیرے کی وجہ سے کوئی چیزنظربھی نہیں آتی ۔علاوہ ازیں گلیوں میں اکھڑاہواسولنگ کی وجہ سے نمازیوں اورشہریوں کورات کے اندھیرے میں چلنامشکل ہوجاتاہے ۔اکھڑے ہوئے سولنگ کی وجہ سے ٹھوکرلگنے سے لوگ گلیوں میں گِرپڑتے ہیں جس سے کافی جانی نقصان کااندیشہ ہوتاہے ۔ عوامی وسماجی حلقوں نے ضلعی انتظامیہ سے پائی خیل میں سٹریٹ لائٹس نصب کرنے کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) تھانہ پائی خیل میںسال2016کے دوران کل مقدمات 255درج ہوئے تفصیلات کے مطابق ہیڈمحررتھانہ پائی خیل لیاقت علی نے بتایاکہ تھانہ پائی خیل میںسال2016 کے دوران کل255مقدمات درج ہوئے جن میں ناجائزاسلحہ کے 100مقدمات میں سے 3کلاشنکوف ،چھ رائفل ،26بندوقیں،48تیس بورپسٹل،32بورایک عدد،17 بارہ بورپسٹل اور326 کارتوس، منشیات کے25مقدمات میں سے16کلو370گرام،چرس 120کپی اور50 لیٹر شراب، قتل کے چارمقدمات،قماربازی کے چھ مقدمات میں39 افراد گرفتار520440 روپے برآمدہوئے ۔جبکہ اشتہاری Aکیٹگری17،Bکیٹگری35گرفتارکیے۔بقایا17اے کیٹگری اور5بی کیٹگری کے اشتہاری گرفتارنہیں ہوئے۔تاہم سال 2016کاآخری مقدمہ 302کا اشتہاری اخترخان کوکلاشنکوف سمیت گرفتار کیا۔جبکہ سال 2017کاپہلامقدمہ بدنام زمانہ منشیات فروش سے1620گرام چرس سمیت گرفتاکرکے9سی کامقدمہ درج ہوا۔یادررہے سال 2014 میں 188 مقدمات ، سال 2015 میں 199 مقدمات اورسال 2016 میں 255 مقدمات درج ہوئے ہیں۔