پیرمحل (نامہ نگار) تین کس نامعلوم مسلح ڈاکوئوں نے اسلحہ کی نوک پر کارسواروں کو لوٹ لیا نقدی غیر ملکی کرنسی لوٹ کر فرار مقدمہ درج تفصیل کے مطابق قاری منظور احمد صفدر ولد میاں غلام رسول ہمراہ حافظ عبید ارشد کونسلر ہمراہ ایک کس سوار کار میں عبدالحکیم سے پیرمحل آرہے تھے کہ چک نمبر668/9گ ب بائی پاس پھاٹک پر تین کس نامعلوم مسلح موٹرسائیکل سوار وںنے اسلحہ کی نوک پر یرغمال بناکر نقدی 25ہزار روپے پانچ سوامریک ڈالر لوٹ لیے اور لوٹی ہوئی رقم سمیت فرارہوگئے تھانہ پیرمحل پولیس نے نامعلوم مسلح ڈاکوئوں کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) سنوکر کلب کے جگہ جگہ جوئے کے اڈے انتظامیہ کی پراسرار خاموشی سکول جانے والے بچے جوئے کی لت کا شکار رات12بجے تک کھلے عام جوا اور منشیات کا استعمال ڈی پی اوٹوبہ ٹیک سنگھ فی الفور گرینڈ آپریشن کریں سماجی فلاحی حلقے تفصیل کے مطابق پیرمحل شہر کے اندر جگہ جگہ سنوکر کلب جوئے کے اڈے جو کھلے عام کاروباری لوگوں اور سکولوں اور کالجوں کے طلبہ کو کھیل کی آڑ میں منشیات جوئے کی لت میں مبتلا کررہے ہیں انتظامیہ تمام تر صورتحال جاننے کے باوجود جوئے کے ان اڈوں کے مالکان کے خلاف کاروائی سے گریزاں ہے طالب علم سکول کالج جانے کی بجائے سارا دن ان سنوکر بلیئرڈ کلبوں پر پنا ہ لیے ہوئے ہیں جن کے ساتھ مبینہ طورپر آوارہ منش جنسی بدفعلی جیسے افعال کا شکار کرتے ہیں چھوٹے چھوٹے معصوم بچے اپنے ساتھ ہونے والی زیادتی کا اپنے گھروالوں کو بھی نہیں بتاسکتے جس سے مسلسل بلیک میل ہونے کے باعث نئی نسل جنسی بے راہ روی کا شکار ہورہی ہے سماجی فلاحی حلقوںنے ڈپٹی کمشنر ٹوبہ ٹیک سنگھ ، ڈی پی اوٹوبہ ٹیک سے مطالبہ کیا ہے کہ دفعہ144کے تحت تمام بلیئر ڈ سنوکر کلبوں پر سکول اوقات میں اور رات آٹھ بجے کے بعد پابندی لگائی جائے علاوہ ازیں 18سال سے کم عمر بچوں کے داخلہ پر مکمل پابندی عائد کرتے ہوئے جواء منشیات میں ملوث بلیئرڈ سنوکرزکلب مالکان کے خلاف گرینڈ آپریشن کیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ضلع ٹوبہ ٹیک سنگھ میں چائلڈ پروٹیکشن اینڈویلفیئر بیور وغیر فعال کچرا چنتے بچے بھیک مانگتے بھکاری انتظامیہ کی نااہلی کا واضح ثبوت تفصیل کے مطابق حکومت پنجاب کی طرف سے صوبہ بھر میں چائلڈ پروٹیکشن اینڈویلفیئر بیور و کو فعال کرکے کم سن بچوں سے زبردستی بھیک منگوانے اور کچرے کے ڈھیروں سے کوڑا کرکٹ چننے پرپابندی عائد ہے مگر نااہل ضلعی انتظامیہ کی عدم توجہی کے باعث ضلع بھرمیں کھلے عام بھکاری اور خستہ حال بچے علی الصبح کچرے کے ڈھیروں سے کوڑاکرکٹ چنتے نظرا تے ہیں خواتین کے غول کم سن بچوں کے ہمراہ بھیک کے لیے علی الصبح نکل پڑتے ہیں جس کو روکنے والا کوئی نہیں سماجی فلاحی حلقوںنے وزیر اعلیٰ پنجاب میاں شہبازشریف ، کمشنر فیصل آباد سے ضلع ٹوبہ ٹیک سنگھ میں چائلڈ پروٹیکشن اینڈویلفیئر بیور و فعال کرنے کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) دنیا بھر میں بڑی تیزی سے پھیلنے والا شوگر کا مرض انسان کو خاموشی سے کھوکھلا کررہاہے۔وطن عزیز میں اس وقت تقریباً 7ملین ذیابیطس کے مریض موجود ہیں ۔مناسب علاج اور احتیاط نہ کرنے پران میں دن بہ دن اضافہ ہو رہا ہے۔ نوعمروں کی ذیا بیطس قسم اول اور ادھیڑ عمر افراد کو لاحق ہونے والی ذیابیطس قسم دوم ‘دونوں بڑھ رہی ہیں ۔ اس مرض سے بچاؤ کے بارے میں عوام میں شعور اجاگر نہ کیا گیا توعالمی ادارہ صحت کے مطابق مریضوں کی تعداد دوگنا ہو جائے گی ان خیالات کا اظہار ڈاکٹرہارون مجید چوہدری سینئر میڈیکل آفیسر معروف معالج نے اپنے آگاہی پروگرام میں کیا انہوںنے کہا کہ شوگر کے مریضوں میں اضافے کے بنیادی اسباب غذائی عادات میں تبدیلی’سافٹ ڈرنکس ‘میٹھی و مرغن اشیاء کے استعمال میں بے اعتدالی ‘ٹینشن ‘آرام طلبی ‘اور جسمانی مشقت سے گریز قابل ذکر ہیںانہوںنے ذیابیطس کے مریضوں کو خبردارکرتے ہوئے کہا کہ دھندلاپن، کالے نشانات، روشنی کی چمک محسوس ہونا اور ایک یا دونوں آنکھوں میں بصارت کی کمی یا بصارت کا ختم ہوجانا جیسی علامات نظر آئیں تو فوری طور پر اپنی آنکھوں کا معائنہ کروانا چاہئے۔ کیلشیم اور وٹامن ڈی سے بھر پور غذاؤں کا استعمال ذیابیطس کے مرض سے محفوظ بنانے میں اہم کردار ادا کرتا ہے کیونکہ کیلشیم اور وٹامن ڈی جسم میں انسولین کو اعتدال میں لانے کیلئے مفید ثابت ہوئی ہے۔انہوں نے کہا کہ سگریٹ نوشی کی وجہ سے ذیا بیطس کے مریضوں میں اچھی کولیسٹرول (HDL)کم ہونے اور خراب کولیسٹرول (LDL)بڑھنے کا خطرہ ہوتا ہے لہذا شوگر کے مریض خصوصا سیگریٹ نوشی سے اجتناب برتیں قبض اکثر اوقات شوگر کا باعث بن سکتی ہے کیونکہ اگر آنتوں میں نقصان رساں جراثیم جمع ہو جائیں تو مثانہ اور لبلبہ بھی متاثر ہوئے بنا نہیں رہ سکتا اس خلل کا نتیجہ ذیا بیطس کی شکل میں ظاہر ہوتا ہے ذیابیطس سے بچنے کیلئے ورزش’کھیل ‘میٹھی و مرغن اشیائ کے استعمال میں اعتدال و احتیاط اور پنجگانہ نمازضروری ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار) تحصیل ہیڈکوآرٹرپیرمحل مچھر مکھی مار دوائی کا سپرے کرنیکا فوری بندوبست کرے عوامی حلقوں کامطالبہ تفصیل کے مطابق ملیریا کے مرض کے پھیلائو کے پیش نظر پچھلے سال سے تحصیل ہیڈکوآرٹر پیرمحل کو ادویات اور سپرے مشینیں فراہم کردی مگر علاقہ بھر میں موسم تبدیل ہونے کے باوجود سپرے نہ ہوسکا کتڑی مکھی اور مچھر کے باعث پیدل موٹرسائیکل سواروں کے لیے سخت مشکلا ت آرہی ہے آنکھوں اورمنہ میں کتڑی جانے سے موذی امراض جنم لے رہے ہیں سماجی فلاحی حلقوں نے میونسپل کمیٹی پیرمحل انتظامیہ سے مطالبہ کیا کہ پورے علاقہ میں سپرے کروائیںتا کہ لوگ موذی امراض سے بچ سکیں مساجد کے علاوہ آب نکاسی کے نالوں اور جہاں پر پانی کھڑا ہے وہاں پر بھی مچھر مار ادویات کا سپرے کیا جائے تاکہ شہری کتڑی مکھی اور مچھر کے باعث موذی امراض سے بچ سکیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) واپڈا سب ڈویژن فیسکو پیرمحل کی عوام کو تنگ کرنے کی پالیسی جاری اپنے ماتحت ملازمین کو کرپشن کی کھلی چھوٹ ڈبل سورس میٹر ،میٹرریڈنگ کے بہانے واپڈا ملازمین کا گھریلو میٹر اتار کر انہیں بلیک میل کرکے ہزاروں روپے رشوت وصول کرنے کادھندہ جاری نئے میٹر کی تنصیب کے لیے مہیا کردہ کیبل اور راڈ دیگر سازوسامان کی خوردبرد لائن مینوں کے لیے مہیا کیے گئے حفاظتی سامان کو غبن کرکے بغیر حفاظتی سامان کے واپڈا لائن مین کام کرنے پرمجبور موت کے منہ میں جانے کا خدشہ کرپٹ واپڈا ملازمین کو صوبہ بدرکیاجائے سماجی فلاحی حلقوں کا مطالبہ تفصیل کے مطابق پیرمحل فیسکو سٹی کرپشن کا گڑھ بن گیاسینکڑوں کی تعداد میں ڈبل سورس میٹر پانچ ہزارروپے سے دس ہزارروپے رشوت لے کر تنصیب کرکے لاکھوں روپے کمالئے نئے میٹر وں کی تنصیب کے دی گئی فائلوں پر اعتراض لگا دیا جاتا ہے کہ پہلے سے میٹر موجود ہے اس طرح بلیک میل کرکے پانچ ہزارروپے سے لے کر دس ہزارروپے تک زبردستی رشوت وصول کرکے اعتراض والی جگہ پر میٹرلگاکر لاکھوں روپے ماہانہ رشوت وصول کی جارہی ہے رقم نہ دینے والے صارفین نیا بجلی کامیٹر لگوانے کے لیے دفتر کے سینکڑوں چکر لگانے کے باوجود میٹر نہیں لگواسکتے نئے میٹروں کے ساتھ صارفین کے لیے آنے والی کیبل جس کی ڈیمانڈ نوٹس میں قیمت وصول کرلی جاتی ہے لگانے کی بجائے صارف کو زبردستی کیبل بازار سے لانے پر مجبور کیا جارہا ہے جس سے ماہانہ لاکھوں روپے کی کیبل خورد برد کی جارہی ہے واپڈا کی طرف سے کیبل لگانے کے لیے آہنی راڈ جس کی مالیت ڈیمانڈ نوٹس میں صارف سے ایک ہزارروپے سے زائد وصول کی جاتی ہے لگانے کی بجائے غبن کرلیا جاتاہے اس طرح ہر میٹر لگانے پر ایک ہزارروپے کا صارف کو آہنی راڈ نہ لگا کر ٹیکہ لگایا جارہا ہے پیرمحل واپڈا سٹی کی گاڑیوں کوہرسال نئے ٹائر اور دیگر سامان محکمہ واپڈا کی طرف سے مہیا کیاجاتاہے جس کو کرپٹ عملہ گاڑیوں میں استعمال کرنے کی بجائے اونے پونے داموں فروخت کرکے رقم اپنی جیب میں ڈال لیتا ہے سابق ایس ڈی او پیرمحل نے عارضی چارج کے دوران واپڈا کے ملازمین کی گاڑی کے چھ ٹائر 20ہزارروپے میں فروخت کرنے پر کاروائی کرکے بازیاب کروائے تھے انہوں نے مجاز اتھارٹی کوکاروائی کے لیے اعلیٰ حکام کو رپورٹ بھی دی مگر ان کے تبادلہ کے بعد آنے ایس ڈی او نے قصو روار ملازمین کے خلا ف کاروائی کی بجائے انہیں کرپشن کی کھلی چھٹی دے دی لائن مینوں کے لیے مہیا کیے گئے حفاظتی سامان کو غبن کرکے بغیر حفاظتی سامان کے واپڈا لائن مین کام کرنے پرمجبورکیاجارہاہے بغیر حفاظتی سامان کے کام کرتے ہوئے سندھلیانوالی میں ایک لائن مین موت کے منہ میں چلا گیا مگر اس کے باوجود افسران نے حفاظتی سامان مہیانہ کیا جس سے مزید جانوں کے ضیاع کا خدشہ ہے سماجی فلاحی حلقوں نے کرپٹ ملازمین کے احتساب کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار) پیرمحل شہر کے گرلز سکول اور گرلز کالج کے گرد منڈلانے والے اوباش نوجوان درد سر بن گئے ، خاص طور پر چھٹی کے وقت موٹر سائیکلوں پر سوار اوباش نوجوان پاس سے گذرنے والی طالبات پر بے ہودہ آواز کستے ہیں طالبات کا کالج اور سکولوں سے گھر تک آنا جانا دشوار ہو گیا متعدد مرتبہ اس امر کی توجہ انتظامیہ کو دلوائی گئی مگر اوباشوں کا خاطر خواہ بندوبست نہ ہو سکا ، اس سلسلہ میں کئے گئے سروے کے مطابق شہر کے گرلز کالج اور گرلز سکولوں کے اردگرد منڈلانے والے اوباش اور بگڑے ہوئے نوجوانوں نے زیر تعلیم طالبات کا کالج اور سکولوں سے گھروں تک آنا جانا مشکل بنا دیا ہے ، گلی محلوں کے چوراہوں کے علاوہ چھٹی کے اوقات میں کالج اور سکولوں کے گرد گھومتے اور طالبات پر آوازیں کستے ، قہقے لگاتے ، یہ اوباش والدین اور طالبات کے لئے درد سر بنے ہوئے ہیں شہر کی سیاسی سماجی مذہبی تنظیموں کے ارکان نے بارہا اس امر کی توجہ انتظامیہ کو دلوائی مگر وقتی طور پر نوٹس لینے کے علاوہ مسئلے کا مستقل حل نہیں نکالاگیا ، شہری حلقوں نے مقامی پولیس حکام سے گرلز کالج اور گرلز سکولوں کے قریب باوردی پولیس ملازمین تعینات کرنے کا مطالبہ کرتے ہوئے کہا کہ اس طرح ان اوباشوں کو موقعہ پر پکڑ کر انہیںموقع پر سزا دی جائے۔
عورتوں کے عالمی دن کے موقع پر سالویشن آرمی چرچ میں خصوصی تقریب
عمران خان کا غیر ملکی پلیئرز کے بارے میں گھٹیا بیان شرمناک ہے۔ خالد جٹ