پیرمحل (نامہ نگار) میونسپل کمیٹی چیئرمین چوہدری خالد سردار کا چیف آفیسر پیرمحل کے ہمراہ سپورٹس کمپلیکس کی منظور شدہ زمین کا دورہ قبضہ مافیا سے بچانے کے لیے فی الفور حدبندی کی جائے تفصیل کے مطابق چوہدری خالد سردار چیئرمین میونسپل کمیٹی پیرمحل نے طارق جاوید کمبوہ چیف آفیسر پیرمحل ہمراہ عاطف نیاز گجر انکروچمنٹ انسپکٹر،منور علی کالونی انسپکٹر کے ہمراہ کروڑوں روپے کی گرانٹ سے منظور شدہ سپورٹس کمپلیکس کی مجوزہ جگہ کا دورہ کرکے میونسپل کمیٹی پیرمحل اور محکمہ مال کے پٹواری محمد طارق کو ہدایات جاری کی کہ جگہ کو قبضہ مافیا سے بچانے کے لے سپورٹس کمپلیکس کی فی الفور حد بندی کرکے پول لگا ئے جائیں انہوںنے میونسپل کمیٹی عملہ کو ہدایت کی کہ قبضہ مافیا کے خلاف بلاامتیاز کاروائی کرکے خلاف ورزی کرنے والوں کے خلاف گرینڈ آپریشن کیاجائے تاکہ کوئی بھی شخص مفا دعامہ کے منصوبوں کے لیے مختص جگہ پر قابض نہ ہوسکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ہرنزلہ زکام کامریض موسمی فلوکا مریض نہیں ہوتا بخار’کھانسی’سردرد’ پٹھوں اورجوڑوں میں درد’گلا خراب’ناک کابہنا سوائن فلو کی علامات ہیں ان خیالات کااظہار ڈاکٹر ہارون مجید نے آگاہی بیان میں کیا انہوں نے کہاکہ سوائن فلو قابل علاج بیماری ہے بروقت علاج اوراحتیاطی تدابیراختیارکرکے ہم کئی دیگربیماریوں سے بھی محفوظ رہ سکتے ہیں انہوں نے کہاکہ موسمی فلوکاوائرس متاثرہ شخص کے کھانسنے یاچھینکنے کی وجہ سے آلودہ ذرات اورمریض کے ہاتھوں کے ذریعے اردگرد کی جگہوں پرپھیل جاتے ہیں اوروائرس زدہ سطحوں کو جب کوئی صحت مند شخص چھوتاہے یاوہاں سانس لیتاہے تو وائرس اس تک منتقل ہوجاتاہے انہوں نے کہاکہ ہرنزلہ زکام کامریض موسمی فلوکا مریض نہیں ہوتابخار’کھانسی’سردرد’ پٹھوں اورجوڑوں میں درد’گلا خراب’ناک کابہنا سوائن فلو کی علامات ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار ) سول ہسپتال پیرمحل میں ایکسرے مشین ، ڈینٹل یونٹ اور عملہ ہونے کے باوجود فنڈکی کمی اور ایکسرے آپریٹر نہ ہونے سے شہری بازار سے مہنگے داموں ایکسرے اور الٹر اسائونڈ کروانے پر مجبور تفصیل کے مطابق پنجاب حکومت کی طرف سے سرکاری ہسپتالوں میں کروڑوں روپے کے فنڈ عوام کو علاج معالجہ کی سہولت کے لیے مختص کرنے کی تشہیر کی جارہی مگر عملی طورپر لاکھوں روپے کی ایکسرے مشینری الٹر ا سائونڈ مشین اور ڈینٹل یونٹ اور ڈاکٹر اسسٹنٹ ہونے کے باوجود فنڈکی کمی کے باعث عوام کو الٹر اسائونڈا دیگر سہولیات کا فنڈکی کمی کے باعث فقدان ہے حکومت پنجاب کی طرف سے ضلع بھر کے تمام سرکاری ہسپتالوں میں جدیدسہولیات مہیاکی گئی مگر سول ہسپتال پیرمحل میں اپ گریڈنگ کے باوجود تمام سہولیات کا فقدان ہے جس میں ہرقسم کے آپریشن بند کردیے گئے الٹر اسائونڈ مشین سرے سے نایاب اور ایکسرے مشین کا آپریٹر نہ ہونے کے باعث مریض بازار سے مہنگے داموں ایکسرے اور الٹراسائونڈکروانے پرمجبور ہے ڈینٹل یونٹ سمیت اوپی ڈی اور ان ڈورمریضوں کی سہولت کے لئے کوئی بھی ضروری ادویات موجود نہ ہے جس سے وزیراعلیٰ پنجاب کا عوام کو طبی سہولیات فراہم کرنے کاوعدہ خواب بن گیاسماجی فلاحی حلقوںنے ڈپٹی کمشنر ٹوبہ ٹیک سنگھ کمشنر فیصل آباد سے مطالبہ کیا کہ فی الفور پیرمحل سول ہسپتال میں میں آپریشن سمیت الٹراسائونڈ اور ایکسرے اور ڈینٹل یونٹ کی سہولیات فراہم کی جائیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار ) گیس ری فلنگ کرتے ہوئے دودکاندار گرفتار مقدمات در ج تفصیل کے مطابق تھانہ پیرمحل پولیس نے محمد رمضان ولد ولی محمد ہائوسنگ کالونی پیرمحل کو گوہر الیکٹرونکس سبزمنڈی روڈ پیرمحل پر گیس ری فلنگ کرتے ہوئے جبکہ چک نمبر674/15گ ب کے رہائشی محمدر مضان ولد محمد یٰسین علی گیس سنٹر رجانہ روڈ پیرمحل پر گیس ری فلنگ کرتے ہوئے سامان ری فلنگ کنڈا قبضہ میں لے کر زیر دفعہ285/286ت پ کے تحت مقدمات درج کرلیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار ) دونمبرزرعی ادویات فروخت کرنے پر مقدمہ درج تفصیل کے مطابق محمد اصغر سب انسپکٹر ڈائریکٹر زراعت ٹوبہ ٹیک سنگھ نے اڈاواہگی پر زرعی ادویات کی دکان پر چھاپہ مارکر زرعی ادویات کے نمونہ جات لے کر لیبارٹری بھجوائے جو دونمبر ہونے پر شاہد محمدا رشد ،عبدالغفار ولد محمد حنیف اور زرعی کمپنی ملتان کے ڈائریکٹر کے خلاف ز رعی پیسٹی سائیڈ آرڈیننس 1971ترمیم شدہ 1997ت پ کے تحت مقدمہ درج کرلیا
امریکی صدر نے ہماری وفاداریوں کا صلہ دینا شروع کر دیا ہے، اویس نورانی صدیقی
خیبر ایجنسی میں چوکی پر دہشتگردوں کا حملہ، سپاہی وقاص شہید