پیرمحل (نامہ نگار) کونسلر محمد اقبال بالو کے والدشیخ عبدالرحیم کے انتقال پر پریس کلب پیرمحل کا تعزیتی اجلاس تفصیل کے مطابق پریس کلب پیرمحل کا تعزیتی اجلاس رانا شاہد الرحمن کی صدارت میں منعقد کیا گیا جس میں عہدیداران رانامحمداشرف ، اختر علی ، اختر حسین ،راناشمشاد علی ، محمد ارشد صدیقی ممبران پریس کلب نے شرکت کی اجلاس میں کونسلر محمد اقبال بالو کے والد کی وفات پر گہرے رنج و غم کا اظہار کرتے ہوئے مرحوم کے درجات کی بلندی کے لیے فاتحہ خوانی کی گئی لواحقین کے لیے صبرجمیل کی دعا کی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) علم انبیا کا شیوہ ہے اساتذہ اس کے معمار ہے وہی قومیں ترقی کرتی ہے جو اپنے مستقبل کی بہترین تعلیم تربیت کرتی ہے ان خیالات کا اظہار چوہدری اسدالرحمن ایم این اے نے ہمراہ حافظ محمد نجیب اسسٹنٹ کمشنر پیرمحل ،چوہدری خالدسر دار چیئرمین میونسپل کمیٹی پیرمحل چوہدری فاروق زاہدڈپٹی ڈسٹرکٹ ایجوکیشن آفیسر کے ہمراہ گورنمنٹ پرائمری سکول غریب آباد میں مشتاق احمد کے اعزاز میں دی گئی الوداعی پارٹی اور مستحق طلبہ میں یونیفارم کی تقسیم کے سلسلہ میں منعقدہ پروقار تقریب میں کیا چوہدری اسدالرحمن ایم این اے نے کہاتعلیم بغیر تربیت کے بے فائدہ ہے تربیت یافتہ قومیں ترقی کرتی ہے چند کتابیں پڑھا کر طلبہ کو محدود کرنے کی بجائے ان کی عملی تربیت کرکے مقاصد حاصل کیے جاسکتے ہیں اسلام میں سب سے پہلا حکم تعلیم حاصل کرنے کا دیا گیا جس میں مہد سے لحد تک علم حاصل کرنے کا حکم دیا گیا دنیا آخرت میں بلندی کی منزل حاصل کرنا ہے تو تعلیم میں ترقی کرنا ہوگی انہوںنے کہا تعلیم کے لیے مختص نان سیلری فنڈ کو استعمال میں لایاجائے تو سکولوں کے تمام مسائل بنیادی سطح پر حل ہوجائیں حافظ محمد نجیب اسسٹنٹ کمشنر پیرمحل نے خطاب کرتے ہوئے کہا اساتذہ کتاب کا نعم البدل نہیں انبیاء کرام نے بھی جہالت کے اندھیروں کو ختم کرنے کیلئے مصائب و تکالیف کا سامنا کیا اور دور جدید کے اساتذہ کو نبیوں کی سنت پر عمل کرتے ہوئے شاگردوں کیلئے مثالی نمونہ پیش کرناچاہیے چوہدری خالدسر دار چیئرمین میونسپل کمیٹی پیرمحل نے کہا اساتذہ تعلیم اور غیر نصابی سرگرمیوں کے ذریعے طلبہ کی صلاحیتوں کو بیدار کر سکتے ہیں سرکاری سکولوں نے شرح خواندگی میں اضافہ کے لیے اہم کردار اد اکیا ہے غریب آباد سکول کی بہتری کے لیے ہرممکن کردار اداکریں گے انہوںنے کہا تعلیم کے بغیر کسی معاشرے میں امن و امان، عدل و انصاف، ترقی و خوشحالی نہیں رہی ہے۔ امن کے لیے بنیادی شرط لوگوں کو تعلیم کے زیور سے آراستگی ہے امن کا حقیقی دشمن ہی جہالت ہے جس معاشرے میں لوگوں کو ان کے صحیح مقام، فرائض اور حقوق کا علم نہ ہو وہ معاشرے صحیح معنوں میں معاشرہ رہتا ہی نہیں دنیا کے جن ممالک نے تعلیم کو اپنا نصب العین بنایا ان ممالک اگرچہ آزادی ہم سے بعد میں حاصل کی لیکن معاشی ، اقتصادی، سیاسی، سماجی اور جدید سائنسی طریقہ میں ہم سے کافی آگے نکل چکے ہیں۔ چوہدری فاروق زاہدڈپٹی ڈسٹرکٹ ایجوکیشن آفیسر نے تحصیل پیرمحل میں محکمہ تعلیم کے افسران کے دفاتر کی جلد سے جلد تعمیرکی نشاندہی کی جس کو چوہدری اسدالرحمن ایم این اے نے جلد سے جلد پور اکرنے کی یقین دہانی کروائی اس موقع پر سہیل محمود ڈی ایم چوہدری محمد اسلم ، چوہدری سلطان احمد وائس چیئرمین ،نذیر احمد کونسلر سمیت کثیر تعداد میں اساتذہ نے شرکت کی ریٹائرڈ استا د مشتاق احمد کو الوداعی پرائز سے نواز اور مستحق طلبہ طالبات میں یونیفارم تقسیم کی گئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) میونسپل کمیٹی پیرمحل کے زیراہتمام صفائی مہم کا آغاز چوہدری اسدالرحمن ایم این اے نے ہمراہ چوہدری خالدسر دار چیئرمین میونسپل کمیٹی پیرمحل کونسلر زکے ساتھ وارڈ نمبر1پیرمحل میں صفائی کرکے مہم کا آغاز کیا تفصیل کے مطابق میونسپل کمیٹی پیرمحل کے قیام کے بعد عوامی جمہوری حکومت کے قیام کے بعد تحصیل پیرمحل میں صحت وصفائی کی اہمیت کے پیش نظر میونسپل کمیٹی پیرمحل کے زیراہتمام صفائی مہم کا آغاز وارڈ نمبر1پیرمحل میں صفائی کا آغازکرکے کیا گیا جس کا افتتاح چوہدری اسدالرحمن ایم این اے نے ہمراہ چوہدری خالدسر دار چیئرمین میونسپل کمیٹی پیرمحل کونسلر زکے ساتھ وارڈنمبر1مہر آباد پیرمحل سے کیا اس موقع پر چوہدری خالدسر دار چیئرمین نے کہا پیرمحل کو مثالی تحصیل بناکر دم لیں گے تحصیل بھر میں صحت وصفائی کی ابتر صورتحال کے پیش نظر مہم کا آغاز کیا ہے انشاء اللہ چند دنوں میں پیرمحل کے 18وارڈ سمیت رورل اربن ایریامیں صفائی کا معیاری نظام قائم کریں گے اس موقع پر چیف آفیسر طارق جاوید کمبوہ سمیت بلدیہ پیرمحل کا عملہ سیاسی سماجی فلاحی شخصیات سمیت سول سوسائٹی کے کثیر تعداد لوگوںنے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) سامراجی طبقاتی نظام کی حمایتی قوتیں، سیاستدان اور جماعتیں اپنے اقتدار کی کرسی اور سامراجی نظام کو دوام بخشنے کیلئے انقلاب کی اصل قوت محنت کش طبقات اور غریب عوام کو مذہب ، مسلک ، قوم، زبان اور نسل کی بنیادوں پر تقسیم کرتے ہوئے اس نوآبادیاتی نظام کو بچانے کی آخری کوششوں میں مصروف عمل ہیں انگریز کا بنایا ہوا نظام ابھی تک رائج ہونے سے انگریز سرکار کے نمائندے پاکستانی عوام پر اپنا تسلط قائم رکھنے کیلئے فرسودہ نظام کو تبدیل کرنے میں سب سے بڑی رکاوٹ بنے ہوئے ہیں ان خیالات کا اظہار میڈم خورشید انصاری مرکزی راہنما صدائے خورشید ایسوسی ایشن پاکستان نے اپنے بیان میں کیا انہوںنے کہا پاکستان کی بقا و سالمیت سرمایہ دارانہ نظام میں نہیں بلکہ جمہوریت کے ذریعے ہی ممکن ہے ملک میں موجود نوآبادیاتی سامراجی نظام کو بچانے کیلئے جاگیر وڈیرے حکمران طبقات الگ سوچ اور جماعتوں کے باوجود بھی ایک ایجنڈے پر متفق و متحد ہیں تو تمام محنت کش طبقات اورپاکستان کے مظلوم عوام کو اس ظالم سامراجی نظام کو تباہ و برباد کرنے کیلئے بھی متحد ہو کر جدوجہد کرنی ہوگی اور انہیں سامراجی قوتوں کی سازشوں کے خلاف سیسہ پلائی دیوار بن کراسلامی جمہوری فلاحی ریاست کومضبوط کرنا ہوگا عوام کے پاس اتحاد و بھائی چارے سے زیادہ کوئی بڑاہتھیار نہیںجس کے ذریعے وہ اپنی منزل مقصود تک با آسانی پہنچ سکتے ہیں انہوں نے کہا نظام کی تبدیلی کے علاوہ پاکستان کے مسائل کا حل ممکن نہیں
ایمن ہاشمی انویسٹی گیٹو کونسل آف کالمسٹ کے ترجمان مقرر
کراچی کی خبریں 9/1/2017