پیرمحل (نامہ نگار) گورنمنٹ ہائی سکول نمبر1پیرمحل کو سنٹر آف ایکسی لینسی کے تحت پرائیویٹ سیکٹر کو دینے کی تیار یاں 2500 طلبہ اور 100 اساتذہ کا مستقبل دائو پر اربوں روپے کی اراضی پرائیویٹ سیکٹر کو دینے سے پیرمحل کی قدیم درس گاہ کاوقار مجروح سکول کو پرائیویٹ سیکٹر کے حوالے کرنے کی بجائے موجودہ صورتحال میں بحال رکھا جائے سماجی حلقے تفصیل کے مطابق گورنمنٹ ہائی سکول نمبر1پیرمحل جوکہ 1956سے لاکھوں طلبہ کو زیور تعلیم سے آراستہ کرکے اندرون ملک بیرون ملک ڈاکٹر انجنیئر بیوروکریٹ جواپنی خدمات انجام د ے چکے ہیں جس کا درجہ ملک بھر کے ٹاپ ٹن سکولوں میں ہوتا ہے اس مادر علمی کو سنٹر آف ایکسی لینسی کے تحت پرائیویٹ سیکٹر کو دینے کی تیاریاں شروع ہے گورنمنٹ ہائی سکول نمبر1پیرمحل میں زیر تعلیم طلبہ کی تعداد2500اور 100اساتذہ فرائض انجام دے رہے ہیں سنٹر آف ایکسی لینسی کے تحت سکول این جی او ز کی تحویل میں جانے سے نہ صرف تعلیم مہنگی ہوجائے گی بلکہ سکول میں زیر تعلیم 2500 طلبہ اور 100اساتذہ کو پرائیویٹ سیکٹر کے حوالے کرکے اربوں روپے کی اراضی کی اراضی بھی پرائیویٹ سیکٹر کو چلی جائے گی جس سے علاقہ پیرمحل کی قدیم درس گاہ جوکہ نصف صدی سے علم سے طلبہ کو فیض یاب کرتی رہی پرائیویٹ سیکٹر کی تحویل میں جانے سے مکمل طورپر بزنس پوائنٹ بن کر رہے جائے گا علاقہ بھر کے طلبہ مہنگائی کے دورمیں مہنگی تعلیم کے باعث تعلیم سے محروم ہوجائیں گے میاں اختر علی فقیر سماجی شخصیت سمیت سماجی فلاحی حلقوںنے مجاز اتھارٹی سے گورنمنٹ ہائی سکول نمبر1پیرمحل کو موجود پوزیشن میں رکھتے ہوئے ساتھ والے گرائونڈ میں سنٹر آف ایکسی لینسی سکول بنانے کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) عرس پاک حضرت پیر سید خوشی محمد شاہ نقوی چشتی نظامی( رحمتہ اللہ علیہ) اور حضرت پیر سید محمد موسی شاہ نقوی چشتی نظامی (رحمتہ اللہ علیہ بمقام 642مسجد بلا ک پیرمحل منایا گیا جس میں نماز عصر ختم شریف اور لنگر عام اور بعد نماز عشاء محفل سماء پیش کی گئی جس میں شہبا ز حسین، فیاض حسین قوال نے سماع پیش کی عرس پاک میں گوجرانوالہ سے صاحبزادہ خالد مسعود چشتی جڑانوالہ سے سید حبیب الحسن شاہ ، سید ارشد حسین بخاری ، سید عمر گیلانی لاہور ،چیئرمین میونسپل کمیٹی پیرمحل چوہدری خالد سردار ، چوہدری نعیم ہاشم چیئرمین فیصل آباد سے سید خالد محمود گیلانی سمیت ہر شعبہ ہائے زندگی سے تعلق رکھنے والے لوگوںنے کثیر تعداد میں شرکت کی منتظم اعلیٰ سید محمد عرفان شاہ ہ نقوی سید ذیشان نقوی تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) ایڈیشنل اینڈسیشن جج پیرمحل اظفر خاں نے اپنی بیوی کے قاتل خاوند کو سزائے موت کی سزا سنادی پانچ لاکھ روپے جرمانہ کی سزا عدم ادائیگی جرمانہ پر چھ ماہ کی قید کاٹنا ہوگی تفصیل کے مطابق ایڈیشنل اینڈسیشن جج پیرمحل اظفر خاں نے اپنی بیوی کے قاتل اللہ دتہ ولد نواز خاوند کو سزائے موت کی سزا سنادی پانچ لاکھ روپے جرمانہ کی سزا عدم ادائیگی جرمانہ پر چھ ماہ کی قید کاٹنا ہوگی اللہ دتہ نے اپنی بیوی کو کسی کے وار کرکے قتل کرڈالا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) محکمہ صحت کے ضلعی افسران کی افسرشاہی پیرمحل کے میڈیکل سٹوروں پر ناقص اور زائد المیعاد مہنگی ادویات کی سرعام فروخت کرائے کے لائسنس حاصل کرکے میڈیکل سٹور مالکان عوام کی جیبیں خالی کرنے لگے تفصیل کے مطابق پیرمحل شہر سمیت اردگرد کے علاقوں میں قائم میڈیکل سٹوروں پر زائد المیعاد مہنگی ادویات فروخت ہونے سمیت مناسب چیکنگ نہ ہونے کے باعث شہری نہ صرف مہنگی ادویات خریدنے پر مجبور ہے بلکہ زائد المیعاد ادویات کے استعمال سے جان لیوابیماریوں میں مبتلا ہورہے ہیں مضافات میں قائم میڈیکل سٹوروں پر نشہ آور انجیکشن کی سرعام فروخت جاری ہے جبکہ درجنوں ایسے میڈیکل سٹور قائم ہے جہاں پر نان کوالیفائیڈ افراد ٹھیکہ پر میڈیکل سٹور کا لائسنس حاصل کرکے ڈرگ انسپکٹر کی ملی بھگت سے سرعام شہریوں کو موت کے منہ میں پہنچانے کا دھندہ کیے ہوئے ہیں جب کوئی شخص میڈیکل مافیا کے خلا ف شکایت کرتا ہے تو اس شکایت کے ازالہ کی بجائے اس کی منتھلی بڑھ جاتی ہے جس سے علاقہ پیرمحل اور اس کے مضافات کے لاکھوں مکین محکمہ صحت کی مجا زا تھارٹی کی غفلت کی نذر ہونے کے باعث موذی امراض میں مبتلا ہورہے ہیں سماجی فلاحی حلقوںنے وزیر اعلیٰ پنجاب میاں شہباز شریف ، صوبائی وزیر صحت کمشنر فیصل آباد سے فی الفور پیرمحل شہر اور اردگرد کے مضافات میں میڈیکل سٹورز کی چیکنگ کی مہم جاری کرنے کا مطالبہ کرتے ہوئے مہنگی اورایکسپائرڈ ادویات کی فروخت کو روکنے سمیت ڈسٹرکٹ کوالٹی کنٹرول بورڈ کوفعال کرکے ایماندا رافسر تعینات کرنے کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) تحصیل پیرمحل سمیت ملک بھر میں چھٹی مردم شماری کے پہلے مرحلے کا آغاز ہوگیا ،ابتدائی تین روز میں گھروں کی گنتی کی جائے گی۔پاکستان میں19 سال بعد چھٹی مردم و خانہ شماری کا پہلا مرحلہ 15مارچ سے شروع ہوگیاہے، یہ مرحلہ چاروں صوبائی دارالحکومتوں اور کشمیر گلگت سمیت 63اضلاع میں13 اپریل کو مکمل ہو جائے گا۔ پہلے تین دن گھروں کی گنتی کی جائے گی، پھر گھر والوں کا ڈیٹا لیا جائے گا۔برصغیر پاک و ہند میں پہلی مرتبہ 1901 میں مردم شماری کرائی گئی تھی جس کے بعد ہر دس سال بعد یہ عمل دہرایا جاتا رہا۔ پاکستان وجود میں آیا تو یہاں پہلی مردم شماری 1951 میں عمل میں لائی گئی جس کے بعد دوسری اور تیسری مردم شماری تو وقت پر ہوئی لیکن چوتھی اور پانچویں مرتبہ اِس عمل کو پایہ تکمیل تک پہنچانے میں تاخیر ہوتی رہی اور آخری مردم شماری 1998 میں عمل میں لائی گئی۔ اگرچہ مردم شماری مقررہ مدت ہر دس سال کے بعد کرائی جاتی رہتی تو اب تک سات مرتبہ یہ عمل مکمل ہوچکا ہوتا لیکن ابھی بمشکل چھٹی باری مردم شماری کرائی جا رہی ہے حالانکہ کسی بھی ملک میں وسائل کی منصفانہ تقسیم ، انتخابات کے لیے مناسب حلقہ بندیوں ، ترقی کے لیے منصوبہ بندی اور اِس جیسے دیگر اہم عوامل کی تکمیل کے لیے ضروری ہے کہ اْس ملک کی آبادی کے بارے میں ٹھیک ٹھیک معلومات دستیاب ہوں۔
آدیواسی رابطہ کونسل اور سندھ کولہی اتحاد کا بدین سے حیدرآباد کیلئے نکلا پیدل لانگ مارچ تلہار پہنچا گیا
پروفیسر ڈاکٹر جی آر بھٹی پرائم منسٹر فیس ادائیگی اسکیم میں طلباء و طالبات کو چیک دے رہے ہیں