پیر محل کی خبریں 7/10/2016

Ghulam Hussain Meeting

Ghulam Hussain Meeting

پیرمحل (نامہ نگار) خدمات کی بہتر فراہمی ہمارا مشن ہے فرد ملکیت جاری کرنے انتقال رجسٹری کے امور میں کسی قسم کی رکاوٹ یا غفلت کو ہرگز برداشت نہیں کی جائے گی عوام کی سہولت کے لیے اراضی ریکارڈ سنٹرپیرمحل کے لیے خدمات کی فراہمی جاری ہے وی پی آئی کلچر کے خاتمہ سمیت ہر خاص عام کو ٹوکن پر خدمات فراہم کیے ہوئے ہیں ان خیالات کا اظہار غلام حسین کاٹھیہ صاحب اسسٹنٹ ڈا ئر یکٹر لینڈریکارڈ پیرمحل نے صحافیوں رانا محمد اشرف ، رانا شاہد الرحمن سے غیر رسمی گفتگومیں کیا انہوںنے کہا خدمات کی بہترفراہمی کے لئے پنجاب بھر کی طرح تحصیل پیرمحل میں قائم اراضی ریکارڈ سنٹرمیں بہترین خدمات فراہم کی گئی ہے۔جسکی بدولت عوام بلاامتیاز ٹوکن حاصل کرکے اپنی باری پر اراضی ریکارڈ کی خدمات حاصل کر سکتے ہیں انہوں نے کہا کہ ورلڈ بنک کے مالی تعاون ،وزیراعلی پنجاب کی خصوصی توجہ،چیف سیکریٹر ی پنجاب ،سینئر ممبر بورڈ آف ریونیو کے زیر سر پرستی ،تمام محکموں با لخصوص اسسٹنٹ کمشنر پیرمحل حافظ محمدنجیب کی بہترین رہنمائی کی بدولت تحصیل پیرمحل کی اراضی کی کمپیوٹر ائز یشن کا کام مکمل کر لیا گیاہے۔انہوں نے کہاکہ وزیراعلی پنجاب کی ہدایات کے مطابق اس نظام پر عوام کے بڑ ھتے ہوئے اعتماد اور روز بروز متعلقہ خدمات کے حصول کیلئے سا ئلین کی بڑھتی ہوئی تعداداور بروقت سائلین کو فرد ملکیت جاری عوام کے اعتماد کا منہ بولتا ثبوت ہے جس کو جاری رکھیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار) نامعلوم چور گھر کے باہر کھڑی موٹرسائیکل چوری کرکے لے گئے تفصیل کے مطابق مسجد بلاک پیرمحل کا رہائشی علی رضا ولد جہانگیر خا ن اپنی موٹرسائیکل نمبرTSL-1991پر سوار مندربلاک پیرمحل میں اپنے دوست عثمان اسلم ولد محمد اسلم کے گھر آیا اور موٹرسائیکل گھر کے باہر کھڑی کی جس کو نامعلوم چور چوری کرکے لے گئے تھانہ پیرمحل پولیس نے نامعلوم چوروں کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار) گھر سے کام کے بہانے لے جاکر بہیمانہ تشددکرکے زخمی کرڈالا مقدمہ در ج تفصیل کے مطابق رجب کاٹھیہ کے رہائشی جان محمد ولد حق نواز کو دانش ولد احمد یار کو اس کے گھر سے کام کے بہانے لے گیا اور ہیڈسندھنائی پر لے جاکر اپنے دیگر ساتھیوں علی شیر ، خادم ، طاہر ، طالب وغیر ہ سے مل کر بہیمانہ تشدد کرتے ہوئے شدید زخمی کرڈالا وجہ عناد پرانی رنجش کا تنازعہ بیان کی گئی ہے تھانہ پیرمحل پولیس نے مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) پیرمحل اور گردونواح میں بجلی کی لوڈشیڈنگ کا نہ ختم ہونے والا سلسلہ جاری عوام کی زندگی اجیرن بچے بوڑھے خواتین رات جاگ کر گذارنے پر مجبور تفصیل کے مطابق پیرمحل اور گردونواح میں بجلی کی غیر اعلانیہ لوڈشیڈنگ 20گھنٹے جاپہنچی ہر پانچ گھنٹے کے بعدایک گھنٹہ بجلی فراہم کی جارہی ہے جس سے کاروبارزندگی تباہ ہوچکا ہے مزدور طبقہ فاقوں پر مجبور ہوچکا ہے ہسپتالوں میں آپریشن نہ ہونے کے باعث مریضوں کو سخت دشواری کا سامنا ہے باربار بجلی کی بندش کے باعث بچے بوڑھے خواتین رات جاگ کر گذارنے پر مجبور ہے طویل غیر اعلانیہ لوڈشیڈنگ کے باعث ہر شعبہ زندگی میںلوگوں کی مشکلات روز بروز بڑھ رہے ہیں ، اور سکولوں میں پڑھائی ، کارخانہ جات میں کام کاج میں خلل پیدا ہوتا ہے ، عوامی حلقوں نے مرکزی حکومت سے توجہ دینے اور مسئلہ حل کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ڈی او سیکنڈری ٹوبہ ٹیک سنگھ کی پھرتیاں ، سکول ٹائم سے دس منٹ گورنمنٹ گرلزہائرسیکنڈری سکول پیرمحل میں پہنچ کر حاضری رجسٹر ی قبضہ میں لے کر اپنے گاڑی میں رکھوالیا ،،30خواتین اساتذہ حاضری لگانے کے لیے پریشان رہی ، دوگھنٹے بعد حاضری رجسٹرڈ اپنی تحویل میں رکھ کر پرنسپل کے حوالے کیا تفصیل کے مطابق محمد امین بھٹی ڈی او سیکنڈری ٹوبہ ٹیک سنگھ نے ضلع بھر کے اساتذہ خواتین ومرد کو ذلیل کرنے کا سلسلہ شروع کررکھا ہے حاضری چیک کرنے کے بہانے پروٹوکول نہ دینے والے سکول کا اچانک دورہ کرکے اساتذہ کو پیشی کے نام پر اپنے دفتر میں بلواکر سارا سارا دن انتظار کرواکر دوسرے دن آنے کاکہہ کر عزت مجروح کی جاتی ہے گورنمنٹ گرلزہائرسیکنڈری سکول پیرمحل میں محمد امین بھٹی ڈی او سیکنڈری ٹوبہ ٹیک سنگھ نے علی الصبح سکول ٹائم سے دس منٹ پہلے پہنچ کر حاضری رجسٹر اپنے قبضہ میں لے کر اپنی گاڑی میں رکھوالیا اور آنے والی خواتین ٹیچر کو اپنی حاضری گاڑی کے اندر رکھے گئے رجسٹر میں لگانے کا حکم دیا چند خواتین اساتذہ حاضری لگاسکی 30کے قریب اساتذہ کی حاضری باقی تھی کہ باقی اساتذہ کو اپنے دفتر ٹوبہ ٹیک سنگھ آکر حاضری لگانے کا کہہ کر رجسٹر سمیت سکول سے چلے گئے دوگھنٹے بعد حاضری رجسٹرسکول پرنسپل کے حوالے کیا ،یادرہے کہ امین بھٹی ڈی او سیکنڈری ٹوبہ ٹیک سنگھ نے اپنے اختیارات کا ناجائز فائدہ اٹھاتے ہوئے ضلع بھر کے خواتین مرد اساتذہ کو مختلف حیلے بہانوں سے ذلیل کرنے کا سلسلہ شروع کررکھا ہے میٹنگ کرنے کے بہانے سکولوں میں سارا سارادن اساتذہ کو بٹھاکر طلبہ طالبات کا نقصان کیا جارہا ہے سماجی حلقوںنے محکمہ تعلیم کے مجاز افسران سے فی الفور امین بھٹی ڈی او سیکنڈری ٹوبہ ٹیک سنگھ کو ضلع بدر کرنے کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) پیرمحل شادی ایکٹ کی خلاف ورزیاں معمول بن گئی دودو دن مین گلیاں پارک بازار بند کرکے شامیانے لگا کر راستے بلاک کرکے مفاد عامہ کی گذر گاہ میں رکاوٹ گولے پٹاخے آتش بازی سے بچوں بوڑھوں اورمریضوں کی نیندیں حرام ہوگئی شہریوں کا ڈی پی او، ڈی سی او ٹوبہ ٹیک سے شادی ایکٹ کی خلاف ورزی پرکاروائی کامطالبہ تفصیل کے مطابق پیرمحل شہربھرمیں شادی کے موقع پر گولے پٹاخوں کے باعث بچوں بوڑھوں اورمریضوں کی نیندیں حرام ہوچکی ہیں شادی والے گھروں میں شادی ایکٹ کی دھجیاں بکھیری جارہی ہیںمین گلیوں بازاروں میں روڈ بند کرکے کئی کئی دن شامیانے ٹینٹ لگاکر راستے بلاک کرکے پیدل سوار لوگوں کے لیے سخت مشکلات پیدا کی جارہی ہے انتظامیہ کی پراسرار خاموشی اور غفلت کے باعث آتش بازی گولوں پٹاخوں کی رات گئے تک آوازوں سے شہرلرزتا رہتا ہے اورشادی والے گھروں کے پڑوسی گرج دار آوازوں کی وجہ سے ساری ساری رات جاگ کر گذارنے پر مجبور ہے جبکہ چھوٹے بچے خواتین اوربیمارمریض سخت تکلیف میں مبتلا ہے جبکہ آرائشی لائٹیں ا نواع واقسام کے کھانے بھی قانون کامنہ چڑارہی ہیں شہریوں نے ڈی پی او ٹوبہ ٹیک سنگھ ڈی سی اوٹوبہ ٹیک سنگھ سے شادی ایکٹ کی خلاف ورزی پرفوری کاروائی کامطالبہ کیاہے۔