پیر محل (نامہ نگار) محصولات کی وصولی میں کوتاہی ہرگز برداشت نہیں کریں گے مالیہ آبیانہ اور زرعی ٹیکس واٹر ریٹ اوردیگر ہائے کی وصولی کے لیے ہرممکن اقدامات کریں ان خیالا ت کا اظہار حافظ محمد نجیب اسسٹنٹ کمشنر پیرمحل نے تحصیل بھر کے پٹواریوں قانونگو اور تحصیلدار کو ہفتہ وار وصولی کے ٹارگٹ کے دوران خطاب میں کیا انہوںنے کہا واجبات سرکار کی وصولی کے دوران غفلت کے مرتکب محکمہ مال کے ملازمین کے خلاف تادیبی کاروائی کریں گے کسی بھی قسم کی غفلت کار سرکارمیں معاونت سے کوتاہی ہرگز برداشت نہ ہوگی اس موقع پر ان کے ہمراہ چوہدری منظر حفیظ تحصیلدار پیرمحل محبوب الحق لادی گجر نائب تحصیلد ار بھی موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) لڑائی کے مختلف واقعات میں 17افراد زخمی ہونے سمیت سڑک کے مختلف حادثات میں 8افراد زخمی تفصیل کے مطابق لڑائی کے مختلف واقعات میں 17افراد جن میں چک نمبر678/19گ ب میں احاطے پر قبضہ کے تنازعہ پر ڈنڈوں سوٹوں کے آزادانہ تصادم میں محمد شاہد ، خالد محمود ، ارشد علی پسران رانامحمد اقبال ، خلیل الرحمن ولد محمد امین ، عبدالستار ولد محمد حسین زخمی ہوگئے چک نمبر678/19گ ب کے رہائشی محمد احمد ولد محمد اقبال کو عمردرا ز نے تشددکرکے زخمی کرڈالا چک نمبر688/28گ ب میں پرانی رنجش پر ڈنڈوں سوٹوں کے آزادانہ تصادم میں منیر احمد ولد ولایت خان ، اعجاز احمد ولد منیر احمد ،محمد ناصر ولد خالد پرویز ، محمد یاسر ولد خالد پرویز زخمی ہوگئے چک نمبر718گ ب میں محمد سرور ولدمحمودالحسن نوراحمد نے تشددکرکے زخمی کرڈالا سی پلاٹ بلال کالونی میں پرانی رنجش کے تنازعہ پر ڈنڈوں سوٹوں کے آزادانہ تصادم میں ذیشان احمد ، شوکت علی، شرافت علی پسران مشتاق احمد ،عقیل ولد محمد شریف ،بشارت علی ولد عقیل اشرف زخمی ہوگئے سڑک کے مختلف حادثات میں 8افراد جن میں ممتاز ولد باقر علی سی پلاٹ جاویدولد صابر پیرمحل محمد ذوالقرنین حیدر چک322گ ب ،محمد حسن ولد فقیرمحمد سی پلاٹ ، محمد یوسف ولد حاکم علی ، تاج محمد ولد کریم بخش ساکنان فیصل آباد ، تصدق حسین ولد نوراکبر لنڈوپل ، محمدالیاس ولد مٹھا خان لنڈوپل زخمی ہوگئے زخمیوں کو سول ہسپتال پیرمحل میں طبی امدا د دی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) حافظ محمد نجیب اسسٹنٹ کمشنر پیرمحل نے تحصیل آفس پیرمحل میں پودا لگاکر شجر کاری مہم کاآغاز کردیا تفصیل کے مطابق حافظ محمد نجیب اسسٹنٹ کمشنر پیرمحل نے ہمراہ چوہدری طارق جاوید کمبوہ ،چوہدری منظر حفیظ تحصیلدار پیرمحل محبوب الحق لادی گجر نائب تحصیلد ار،میاں طاہر سینئر ریڈر ، چوہدری محمد اسلم اور ٹی ایم اے عملہ سمیت تحصیل آفس پیرمحل کے لان میں برگد کا پودا لگاکر شجر کاری مہم کا آغاز کردیا اس موقع پر انہوںنے سول سوسائٹی سرکاری وغیر سرکاری ادارو ں اور تنظیموں سے اپیل کی کہ اپنی اپنی طاقت کے مطابق پوداجات لگاکر قومی مہم میں بھرپور حصہ لیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ملک میں آبادی کی ضروریات پوری کرنے کے لئے صحیح مردم شماری ہونی چاہئے اور اس معاملے کو سیاست کی نظر نہیں ہونا چاہئے۔حکومت اس حوالے سے سنجیدگی کا مظاہرہ کرے۔ ان خیالا ت کا اظہار حاجی اللہ دتہ سماجی شخصیت نے اپنے بیان میں کیا انہوں نے کہاکہ 1998کے اعدادوشمار کے مطابق پاکستان کی کل آبادی 14کروڑ جبکہ ایک اندازے کے مطابق اس وقت18سالوں میں20کروڑ کے لگ بھگ پہنچ چکی ہے۔1998کی مردم شماری میاں نوازشریف کے دور حکومت میں ہی ہوئی تھی جبکہ پیپلزپارٹی کے دور حکومت میں اس حوالے سے ایک ناکام کوشش کی گئی جوپایہ تکمیل تک نہ پہنچ سکی مردم شماری کراناوفاقی حکومت کی ذمہ داری ہوتی ہے جوہردس سال بعد ملک میں کروانے کی پابند ہے۔ایک طرف آئین کا آرٹیکل 51قومی اسمبلی میں نشستوں کاتعین مردم شماری سے منسلک کرتا ہے دوسری جانب آرٹیکل(2)26این ایف سی ایوارڈ کو بھی مردم شماری سے عوامی حقوق وابستہ کرتا ہے۔1951کی مردم شماری میں پاکستان کی کل آبادی 4کروڑ بیس لاکھ تھی اور مشرقی پاکستان کی تین کروڑ ستر لاکھ تھی۔مردم شماری کے حقائق سے انکار اور غالب اکثریت کے مینڈیٹ کونظر انداز کرنے کانتیجہ1971میں ساری قوم دیکھ چکی ہے مشترکہ مفادات کونسل سے2016کی مردم شماری فوج کی نگرانی کروانے کی منظوری دی جاچکی ہے اورمردم شماری اس وقت اہم اور قومی ضرورت بن چکی ہے کیونکہ تازہ مردم شماری کے نتیجے میں نئی ووٹرلسٹیں اور حلقہ بندیاں بنیں گی جس سے جعلی ووٹرلسٹوں کا خاتمہ بھی ممکن ہوسکے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) السعودیہ بیکرکا مالک گھر جاتے ہوئے مبینہ طورپر اغوا لواحقین نے بطور احتجاج فیصل آباد ملتان روڈبلاک کرکے ٹریفک جام کردی اغواکار مانگا منڈی میں پھینک کرفرار تفصیل کے مطابق صدام علی نے دربار سندھلیانوالی میں السعودیہ کے نام سے سویٹ شاپ بنارکھی ہیں رات کے وقت دکان بندکرکے موٹرسائیکل پرسوار اپنے چک 720گ ب جارہا تھاکہ نامعلوم مسلح افراد نے صدام علی کو اغواکرکے نامعلوم مقام پر لے گئے ورثاء نے اطلاع ملنے پر تھانہ اروتی پولیس کے خلاف احتجاج کرتے ہوئے فیصل آباد ملتان روڈبلاک کرکے ٹریفک جام کردی اور مغوی کی بازیابی کا مطالبہ کرتے رہے مگر مغوی کا کچھ پتہ نہ چلا علی الصبح وارثان کو مغوی کا مانگا منڈی سے فون آیا تو سویٹ شاپ مالک کے اغواکاروں سے فرارہونے کی اطلاع ملی تھانہ اروتی پولیس نے تاحال کوئی کاروائی نہ کی
مصطفی آباد/للیانی کی خبریں 27/8/2016
جامعہ بنوریہ عالمیہ سائٹ تحت اجتماعی قربانی کی جائے گی